又比人鬧

今朝組長打比我話我細路女...
今次我的確承認,我真的逃走了...
不過我唔覺得咁代表我係一個完全唔負責任既人,
講真,我對你地唔負責任,但我對我兩份既工作,我既家人負責,咁有咩唔岩?
只係在乎你企係邊個角度睇之嘛...
算啦,不過有時都無得駁既..
的確有時我係細路女的...坦白講,邊個唔想人地錫喎?
既然人人都肯錫我既時候,唔通我叫人地行開咩?
好似無理由咁笨喎?
當然我都有我大個女,獨立堅強既一面架,只係佢地睇唔到之嘛...
你又唔係同我一齊生活,你點知我咁多野丫?
只係我好勇敢好堅強咁面對事情時,你睇唔到之嘛...但我唔想駁了....
我知我個樣好累事,成日都令到人地以為我細細個,需要人保護...
喂,我都只係一個女仔之嘛...要人保護有咩問題先?
講真丫,我都唔想一個人撐到癲架...
你話我成日要人幫...邊到有呀?
幫我拎張檯個d咁少既野,唔係都唔得卦?
到真係大事時,咪又係得我一個人撐?
如果唔係我而家就唔使撐得咁辛苦啦.....

唉....睇野唔好咁表面好唔好?