我地又食生日飯喇^^

媽咪星期日係舊曆生日..但到時老豆請唔到假呀....so...今晚老豆同媽咪預祝...

今晚老豆請食飯..隨便坐

我地去左元朗大榮華....老豆,媽咪細佬同埋我...

最衰家姐唔係到啦打電話又搵唔到佢...激死人

我地都係睇相先啦

脆皮腩仔..老豆話唔錯..幾脆...我就覺得普普通通..因為我一向都唔太鍾意食

老豆媽咪話黎到一定要試既...豬油撈飯..佢地幾個都話好好味喎我'係咁二'試左一啖..都唔錯丫

五味雞....丫..應該個名係五個字架但...我唔記得左添話左叫自己記住..但..都係唔記得..唉..老喇我

我最愛既...奶皇馬拉糕..呵呵奶皇同馬拉糕平時都係我至愛...走埋一齊就更加不得了啦

雞蛋焗魚腸....如果唔加胡椒粉..真係好腥..不過加左之後就好味返

呢個係..橄欖油燒蠔....明明係蠔屎黎既...我覺得佢呃我...>~<

頭抽浸鴨胸....有少少'蘇'..不過都ok既...

唔知乜野苦瓜煮鱔...好明顯係因為我鍾意食鱔..媽咪佢地先叫比我食啦

整體黎計...今晚都算唔錯啦....最好味當然係奶皇馬拉糕啦..

我地仲有叫左鴛鴦水晶包同埋唔知乜鬼野脆豆腐..由於係後尾加既...我唔記得左影相

細佬話個豆腐無乜好吃可言...所以可以不吃

至於水晶包嘛...我只係食左奶皇個款...綠茶個隻無食到..我食唔落喇