喊都有遺傳?

眼科醫生比左新既眼藥膏比我..希望真係會再潤d啦
覆診仲早過平時出門口>~<..好想訓晏d(我有渴睡症)

好好陽光..我鍾意但..我又好憎出雀斑...嗚..討厭..我唔鍾意呀

琴晚媽咪煮左粟米雞絲飯..

老豆話就咁影唔夠靚...夾幾條菜上去靚d喎..(我覺得有d似樹根)

結果又比媽咪話佢無藝術細胞..夾到咁核突要我影晒成張檯..費事人地以為佢整得咁醜樣喎
比佢兩個激死..乜都要'咬'一餐.
老豆之後仲細細聲話..'唔靚咩?都不知幾靚'(好似小朋友唔忿氣咁)

有件事好好笑..佢兩老話星期日個晚係到睇'京華春夢'大結局..
攪到佢兩個係到好似鬥喊咁..喊到成茶凳都係紙巾...
想像下個畫面.做乜咁淒涼呀?
由此證明...我咁眼淺都係因為佢地..^^乜眼淺都有遺傳架咩???哈哈