楊采妮...軒軒...日落...神探...GOOD

好開心呀..見到楊采妮同好朋友CARMEN..仲有近期我好愛既小朋友..CARMEN個仔~軒軒..
原本我好想同楊采妮影相架..
不過我見佢拎住好多野,又好專心咁睇緊野,都係唔好騷擾佢喇
佢真人好瘦..雖然無平時上鏡咁有艷光..不過都好靚女

之後,又撞見CARMEN佢地一家人..一見到佢個仔我就忘晒形..
不過開頭軒軒掛住睇聖誕樹...引左好耐先肯望鏡頭咋...佢唔望鏡頭..攪到我扁咀添>~<
之前,我同佢只有一面之緣架咋..佢出生第二日我見過佢真人之後.就無喇>~<

軒軒真係好得意..而且佢真係幾夠斤兩呢^^肥嘟嘟..好可愛
CARMEN比我抱佢,佢又無喊(好彩)....跟住佢仲錫左我一啖添呀..HEE
不過..有一句說話係令我有滴汗既感覺..
CARMEN話 : 軒軒,要走喇..錫啖ANGEL姨姨先啦...
ER....原來我已經係.ANGEL姨姨喇...
我同CARMEN係同學.係同輩..所以我要係姨姨..唔可以係姐姐喇..

黃昏幾靚..

見到呢張相..好想笑..影到黑蚊蚊..型呀...

'神探'好好睇..要用腦力去睇..如果好眼訓..或者唔想用腦...咁就唔好晒錢入場喇
套戲令我諗起一本我未睇完既書'24個比利'(因為越睇越亂,太多野諗.睇到頭痛.所以停左>~<)
無論係套戲,定係本書..我都覺得好有意思...我鍾意