失望

原本今日咁凍..我都打算再懶多陣^^..唔打blog住..
不過..今日發生左好幾件事..令我再一次體會到,呢個世界真係千奇百怪思想既人都有...
有時係我覺得理所當然係人都會咁諗既時候..可能係某處有人會覺得我好荒謬..
相反...係我覺得有無攪錯既時候..可能又有人覺得岩到不得了..

今日我有D唔開心..好朋友打電話黎發'難'..佢最近無左份工.佢唔開心..其實我可以理解..
你想我幫你的..可以做到既..我都會幫..但你今日既態度同說話..的確令我好失望..
如果你覺得發'難'係可以解決到問題既..OK..咁是但你啦...
成件事入面..如果到呢一刻你仍然覺得係人地錯晒,你岩晒..咁你就跟自己做法去勞工處啦..
我只係想講..問題係要解決左先會無..唔係拖下拖下就會解決左..
最好係可以大事化小,小事化無..可以傾得到既就無必要攪到要上庭..
唔係乜野都勞工處見勞工處見架...唔該..你成熟D啦..