Oliva @ 05 Mar 08

今晚我地去左Oliva..呢到係食意大利菜架..呢到既環境係咪幾得呢?
完全令我地忘記左原來我地係係元朗
我第一次去Oliva係係大埔..當時已經好想帶屋企人去食..但又覺得地方好唔方便...
之後佢係荃灣開左分店.但聽到好多人話佢d服務好唔掂..所以就打消左呢個念頭
點知幾個月前發現佢係元朗又開左分店..
哈哈..開到咁近..我地一定要去幫襯下先得啦..(就大家時間就到而家先去到>~<).

我地叫左五樣野...分別有:
燒牛肉芒果木瓜沙律 - 好好味..連平時唔食呢d西化野既爸爸都話原來黑醋加落生既菜上面係咁好味..(即刻好似健康左咁^^)
海鮮墨汁意粉 - 簡直超級好味..上網睇到好多人都讚得好緊要..估唔到真係..好味到丫...d粉好彈牙..d汁又好好味..真係必食之選
夏威夷 + 千島海鮮薄餅 - 好好味,餅底好脆..哈哈..成個pizza都鋪滿料..係無餅邊架^^好豐富
燴牛膝 - 好味..唔知係咪有d位置係軟骨黎架呢?煙煙韌韌好得意..
千層麵 - 呢個就普通..其實都唔差架..不過我覺得上次係大埔好食d..

d野食一定趁熱食先最好味(沙律除外),其實有好多野都想試..但真係好飽..
最開心係大家都食得好滿足..好滿意..(最衰家姐唔係到>~<)
服務方面..開頭上網睇到d人講到佢地好差咁..其實都唔係丫..
只係要叫佢地比較耐先會睇到你姐(或者係唔醒目,但都有禮貌的)
以呢個食物質素加都算優惠既價錢..我覺得呢個服務水準係可以接受既..
而且媽咪佢地都掛住食野..都唔得閒留意佢地既服務水準啦..
唔太差就可以了....當然如果可以更進一步就更好啦^^