自從媽咪幫我係'萬寧'換左個又平又好用既焗爐之後,我就開始返我既甜品生涯喇^^
經過幾次清蛋糕,紙包蛋糕都成功之後..整蛋糕既基本功應該已經無問題...
我決定開始向其他蛋糕進發..第一個目標係..我自己好鍾意係starbucks食既朱古力味lamington cake
第一晚係溶朱古力漿個part衰左..唔知點解太稀..根本就只會整濕晒成舊蛋糕..好唔開心呀>~<
再接再厲..hee^o^好彩第二晚再整終於都成功喇...yeah...
今朝我拎返公司請同事食..好開心...佢地話好味..話有水準呀..係真係好開心好開心架
我諗呢d就係用錢都買唔到既成功感喇..睇住由無到有..真係好開心同興奮架...
今朝我仲拎左'鮮奶忌廉椰汁糕'返去請同事食..係母親節個日契媽教我整架..
同事都話係好好味...不過我暫時仲未影到一張'椰汁糕'既靚仔相..等我影到再post比你地睇啦..
信我丫..真係好味^^好滑架...我而家諗緊想轉用新鮮既椰漿黎整..應該會再香d...
最近有好多野諗..但其實又知..如果要發生..都唔輪到我諗咁多..或多或少呢排夜晚成日整呢樣整個樣..其實係唔想自己有太多時間去諗野..
因為明知..越諗只會越煩同擔心..(真係唔諗好過諗的)船到橋頭自然直..我知係真架..到時咪知會點囉..
近兩三個月..因為天災人禍而死傷既人..真係有好多好多..希望一切快d過去..快d出現返明朗既晴天啦...
沒有留言:
張貼留言