終於有野玩...

終於都等到一個有少少興趣既game喇..一早話左我專攻得意低能game架啦..
nds已經放底左好多個月喇.nds既'動物之森'又已經玩到好悶..
sanrio難得呢次呢個game係us版..唔使估佢d日文講乜..更唔使認住d日文點解..呵~
入面應該都係得d低能既小遊戲..但靚嘛...靚已經好開心啦..呵呵~
之前小雲都出左個game架..但日文...鬼識玩咩??而且鬼咁多文字添..玩我咩??

聽晚終於都有得玩wii版既'動物之森'喇..好期待..
'亨利'琴晚打比我話好好玩..畫面好靚..激鬼氣..我唔比佢講...我唔聽呀..我都無得玩..唔准講呀...
聽晚我要打通宵機先得...唔知我可以捱到幾多點呢?
之前講好左話叫JJ LAND架嘛..(因'亨利'隻貓貓叫JAMMY..我既肥貓仔叫'JACOB'嘛)
點知'亨利'又唔記得左..改左另一個名喎...(≧ヘ≦)
佢話一係'產'左個save..再開過囉..(好明顯係不情願既語氣呀)
衰到死..買game時又要同人地講係買比我玩..(佢驚死人地聽到佢男人老狗買'動物之森'比人笑之嘛)
但結果買左返屋企咪又係唔等埋我就自己玩....激氣..
今朝仲同我講話其實影左幾張相..但怕我唔高興.所以無send比我..
哼..你咪send添呀..我未有得玩之前..唔要見到呀..
雖然明知佢玩熟左先係為左方便聽晚教我玩..但..我唔理呀..我未有得玩之前..唔聽..唔睇呀...

之前canon出左呢個水桶既photo printer..外型係幾靚既..不過始終覺得print相成本好貴..
所以睇下就算啦..但的確同意佢外型真係幾可愛..係有令人想帶佢返屋企既衝動

點知...琴晚比我見到canon竟然同sanrio合作..出左部kitty版喎..
hello kitty真係亞姐黎架..乜鬼野都有佢份...作為一個公仔icon..我真係覺得超威..今生無憾個隻...
但..始終係屋企print相成本好貴呢...所以都係睇下算喇..
雖然粉紅色...不過.我都唔係鍾意kitty既..'亨利'話..如果係累色襯紫色既kuromi版..就..死緊...
算啦..kitty係亞姐先乜都有佢份姐.sanrio咁偏心...
邊有可能有kuromi丫...一定唔會有.我覺得..(仲好啦..唔使攪到我心癢癢)