一試無回頭^^show tee…迎夏日，Beautylife.hk送你名牌開心Tee

弟弟一定係最支持我參加試用既人..因為..成日都有野益佢嘛..^^

今次益到佢既就係5cm既Tee..
(貓妹妹當然唔執輸啦..唔關佢事都要影..^^)
哈哈..當知道我抽中時..第一反應係..唔知岩唔岩自己著呢??

如果唔岩..究竟岩細佬定男友??

我打電話問男友..細佬定佢大隻d..估唔到男友好謙虛咁話..係細佬高d同大隻d..

(真心加許男友既謙虛..你知啦..男人多數都自大嘛^^)

黎個大頭近鏡先..Tee係鹿頭人身呀..哈..

我抽中既Tee係中碼既..以為應該係男友先岩..

但我見到細佬先..即管叫佢試下啦..

唔試尤自可..一試無回頭^^

細佬著左即刻愛上..唔肯除..仲話..我岩我岩呀..我既^^

浮誇model四連拍^^拎左我件Tee..緊係要貢獻返pose啦..哈..

媽咪同細佬講…’你夏天咁多Tee..比家姐仔男友啦…’

細佬即刻望住我..我話’算啦..你試左..岩你..,就比你啦..唔使扁咀喇..哈哈’

既然咁鍾意..擺多幾個pose黎啦..謝四哥(eee...影到咁瘦既??)

chok pose…^^(挺身胸膛)

黎多個..再chok^o^(不經意)

多謝Beautylife和5cm..給我們這次快樂的爭衫體驗呀..^O^