搽果jam好返d..有返胃口喇^o^

吊左兩日鹽水..貓貓終於都有好轉..太好喇..
剛過去呢個星期..心情一直都唔太好..好擔心..搽果jam成個星期唔食野..星期日同男友帶左貓貓去睇醫生..
開頭都好驚貓貓會反抗..可能佢真係太耐無食野..無晒力喇..所以我地好順利帶到佢去診所..
貓貓好乖..醫生幫佢檢查時都好聽話..無反抗..無抓人..果然有家教..
我眼淺..喊左好幾次..真係好擔心..畢竟貓貓19歲喇..真係少少野都會令我地好驚的..
我明白..佢19歲已經好叻..賺晒架喇..但..我認我始終會貪心希望佢可以身體健康咁活下去..
我識左貓貓只係幾年既時間..我對佢都已經有好有感情..何況uncle同男友呢??
19歲真係成個成年人咁大架喇..佢地由佢出世無耐就養佢..真係家庭既一份子架喇..

無講大話架.睇相都見到..搽果jam係92年出世..細個個時幾可愛..

uncle話見佢咁靚..'四蹄踏雪'..即係4佣腳仔都白色..所以就比男友養佢..

其實貓貓一d都唔似咁大年紀架..你地睇下佢平時d相..八八卦卦又招積..

我地成日都幫佢影相..男友影既當然pro好多啦..

有好多都影得好靚架..又英又型仔呀..

貓貓計.19歲係好老架喇..

前日係診所見到個貓貓年齡對照表..照咁睇..貓貓等如人既92歲喇..

搽果jam..你要加油呀..醫生話你已經有返d胃口..聽日應該會湊你返屋企架喇..最多我地買定d好好味既食物係屋企比你啦..好無?

前日同貓貓去診所時..見到好幾隻寵物都黎睇醫生..
其中有一隻好大好大既狗..應該係'洛威拿'個類..真係好大隻架..
佢主人揸左車黎..但差人趕呀..所以佢要職員幫佢睇一睇隻狗..出去泊返好架車..
狗狗見主人出左去..即刻係到吠..我見佢吠到震晒..好慘呀..
睇得出佢好驚..佢驚主人走左唔理佢..
直到主人返返黎..佢就對住主人吠..好似話主人好漏底佢咁..
主人同佢say sorry後.,.佢就好嗲咁靜落黎等睇醫生喇..
雖然佢係'洛威拿'..佢既size真係好大..但其實佢都只係一隻狗仔黎架咋..
見到佢咁樣..我真係好感覺到..做主人既..原來真係寵物既全部黎..
寵物真係會緊張佢主人既所有動作..好可愛..真係好可愛..好忠心..
呢份咁強烈既感覺..真係今次去獸醫診所既新體驗..
見到'洛威拿'既表現..真係覺得..做主人既..唔好睇小自己所做既一舉一動..真係好影響寵物既心情架..

今次同貓貓睇醫生..我覺得我又學識左一d野..係成件事上面..我睇到好多野..有好多新感受..多謝所有小動物呀..
睇見搽果jam同男友..uncle之間既感情..我覺得好難得..好慶幸自己有機會認識到你地..
我係一個覺得愛係最重要既人..有愛好多事都可以行得通..一直都覺得係咁..
當然..係人生過程入面..有好多野會打撃我..話比我知..只有愛係唔足夠..
有時..我都會去懷疑..係咪真係如佢地所講..只有愛係唔夠呢??
我明白..現實生活係現實的..不過..除左現實既金錢之外..我始終覺得生活應該仲有好多野..
愛..始終係我覺得最重要的..
係今次搽果jam事件上..證明我一向既態度係無錯架..成件事都係充滿愛..
當然我知一定有人話..睇獸醫都要錢啦..咩只有愛呀??
但我會講..起碼你要愛佢.你先會為佢擔心..搵辦法令佢好..帶佢睇醫生係愛既表現..唔該唔好用只有銅臭既眼光去睇充滿愛既事情..
你唔識去欣賞我唔怪你..但唔該你都唔好去批評我既睇法同做法..同你溝通唔到..咪唔溝通囉..WHY NOT?

搽果jam你要食返多d野..令自己肥返d呀..知道嘛??大家都好錫你架..茶壺貓貓姿勢..收埋晒d手腳..好攪笑..
知道你唔舒服..有好多你既朋友仔都關心你..問我地你點呀..你睇你幾多人錫^o^