學習了一點..

111111當日好驚..慶幸平安過渡..醫生話再幫貓貓吊鹽水都只係好似用錢買時間咁..

佢話貓貓腎功能已唔ok喇..佢建議我地幫佢打針..男友堅持要帶貓貓走..

最少..希望佢可以係屋企..因為始終屋企有安全感..我都同意..

貓貓..我地要靠自己..我地要一齊努力..大家都加油呀..

今次亦都係因為貓貓開始唔食野唔飲水..所以先再帶佢去睇醫生的..

而家醫生咁講..我地唯有靠自己諗辦法令貓貓有返胃口同埋盡量夠貓貓多d..

111111我永遠都會記得呢日..這是見證大家有幾愛貓貓的一日..

Uncle同男友買左for偏食小朋友既’加營素’比貓貓..ok喎..

貓貓而家胃口真係好返好多呀..太好喇..

 

星期六我地去左探男友嫲嫲..嫲嫲好勁呀..105歲架喇..

嫲嫲聽到我地話將會結婚..佢笑得好開心呀..嫲嫲仲同我地講..要互相包容多d..唔好小氣^^

見到嫲嫲麻笑我咁開心..都覺得好安慰同開心..

嫲嫲你要食多d野..身體健康呀..到時我地要斟茶比你架..

 

星期日貓貓係梳化曬太陽..之後佢跳左落地行去飲水..

飲完..佢又行返埋梳化..我知佢好鍾意曬太陽架..但佢無乜力氣跳..

我鼓起勇氣抱貓貓上梳化..(我係第一次抱貓貓咋..我一直都好驚抱小動物的..)

我始終相信..好多野都係迫出黎..無野話做唔到架..

就好似見到貓貓咁想上梳化..就算我平時幾驚都好..我都一定會幫佢..我係可以做到架..

 

貓貓之後又曬左一陣..然後又跳落地想去飲水..可能曬得耐左dd..

佢行行下..突然’啪’一聲訓左落地..無晒反應..嚇死我喇..

我即刻拎左貓貓碗水埋去佢到..同貓貓講要撐住呀..同埋打電話搵男友..

當我一路同男友講..一路摸住貓貓之際..貓貓突然醒一醒..有意識咁想飲水..但唔夠力..

我點左少少水係到咀邊..然後佢好似好d..過多幾秒..貓貓就自己起身飲返水喇..好彩咋..

 

之後..我係雪櫃拎定’加營素’同埋專for動物既寶礦力.出黎..座暖去..方便男友返黎即刻餵比貓貓飲..

 

男友餵左貓貓飲返d保礦力..佢又精神返d喇..然後..又再想梳化曬太陽..真係比佢激死..

 

呢幾日係貓貓同嫲嫲身上..我有好多感受..多謝你地令我又學識左一d野..

嫲嫲..貓貓..你地要加油呀..我地一齊努力丫..

只要你地快樂舒適..我地就心足架喇..