阿爹出show好有型@屯門大會堂

你睇我阿爹幾有型^o^@29/12/2011..屯門大會堂

近年阿爹多左個好有益身心既嗜好..就係唱粵曲喇..

佢出過好幾次show架喇..今次套中山裝係咪好型仔先??

特別多謝三叔介紹老豆去呢到學粵曲^o^..

我老豆係我心目中..永遠都係最有型..(你唔覺..明顯係你唔識貨啦..>~<與當事人無關的..)

佢今次為左出show..之前好乖..又戒食辣..又飲護聲茶..

佢琴晚仲好開心同我講..話師公都讚佢唱得好..進步左好多呀..
有好多在場人仕仲讚老豆個pair係琴日唱得最好既一對添呀..

最後黎張大合照..睇見佢地班老人家為左表演..好用心咁練習同打扮..我覺得好得意..同埋好戥佢地開心..

真真正正見證佢地..活到老學到老..開開心心咁生活..感覺好得意架..