好味有心服務好..Brick Lane團購

其實我從來都無買過團購既野..

我只係成日聽到周圍既人話..有d真係好抵架..團購買到上癮喇等等..

 

琴晚我終於試過好抵既團購體驗喇..

多得醒目又靚既杏仁之前買左BRICKLANE既團購劵..

琴晚食完..真係覺得好抵呀..hkd
75就可買到價值
hkd 200既coupon..

每人要用一張.我地兩個用兩張..hkd
75 x 2 = hkd 150..但就可以叫hkd 400既食物..仲要唔使加一喎..太開心..

BRICKLANE位於尖沙咀白蘭軒道2號地下..鄰近k11..難得係位於交通方便既尖沙咀..而又唔算太多人..呵..good..

 

Brick Lane的菜單是英式為主；最特別之處是大部分菜色均可另加black truffle黑松露的選擇。

我同杏仁一見面就會講個不停..明明行過左間鋪我地都完全唔知..哈..

交低coupon之後..佢地好好呀..我地有一大袋賀年禮品..佢地d員工好主動幫我地放好..(間鋪唔係好大..不過佢d員工真係超細心呀..)

 

一開始當然係叫照牌菜Egg
Benedict with Smoked Salmon啦..我同杏仁一人一件..我係好鍾意食蛋既人.蛋點整我都覺得好好味..杏仁話唔知係咪我地掛住傾計..凍左少少..如果熱返d會仲好味..

 

然後就到我另一最愛..熱氣野..Fish and
Chips..好大份呀..hee^^我其實又好鍾意食魚架..所以..緊係好味啦..哈..平時我同男友都去開中環石板街食Fish and Chips..下次可以帶佢黎呢到試下..

 

我要左菠蘿汁..er..杏仁個杯..唔知係咩berry汁呢?紅色好靚^^我係菠蘿精黎..so..當然係好味啦..個底有菠蘿肉添呀..好香..

 

兩個女生食完以上兩款..已經唔係好食得落熟食喇..但我地要食夠hkd 400嘛..

我地又要留肚食cake..哈..所以我地揀左Bricklane Salad..都係好大碟呀..蝦好味..芒果好甜..煙三文魚就有少少咸..但整體都好ok..

 

最後就係Red Velvet
Cake喇..佢地好好呀..我地兩個件cake既碟花都唔同架..

Tum得我地好開心..掛住影相..好唔捨得食佢同整花佢呀..

上網睇返..原來呢件Red
Velvet Cake係好難搵到黎食架..好少地方做架咋..紅色既蛋糕芯..好特別呀..我係第一次食咋..有淡淡既花香味..就咁食件cake我自己覺得有少少膩(有芝士成份架)..但加埋旁邊既酸酸甜甜既jam..就變得輕盈返喇..好味..件cake又靚又特別..食甜品..最開心就係又睇得又好味啦..食完心情都好d..

 

傾下傾下..十一點幾喇..未傾完都要走喇....唔緊要..因為我地今晚又見喇..呵..

我地已經約定..下次再食好野喇..我都要學下睇團購有乜著數先得..

 

如果BRICKLANE有機會再做呢隻coupon團購..我一定會買呀..因為我想帶屋企人同男友黎呀..

今次埋單結果hkd 411..扣返coupon價值hkd 400..(實質我地係用hkd 150黎買)

即係每人hkd 80左右咋..好抵呀..多謝BRICKLANE多謝杏仁既好介紹^o^

 

BRICKLANE

Address : 尖沙咀白蘭軒道2號地下

Tel. : 2736 8893