貓爪木糠布甸..愛生活..愛自己..Aqualabel座談會

我好錫我身邊既人..事與物..
可能係人地眼中我係傻..係低能既..但..我唔介意..
我只係想用心去睇..去感受我身邊既所有野..
值得的就去做..最緊要自己知自己做緊咩就得喇..

我最鍾意既公仔..係積及貓貓..
有睇開我blog既..都成日見到夾手貓妹妹啦..

肥貓仔同大頭貓妹妹係同我同一日生日架..
佢地分別陪左我十一同十二個年頭喇..
我自己好鍾意整蛋糕甜品..一直都好想為佢地做d野..
又一直覺得..生日其實應該最多謝父母..
特別係媽咪..因為我知..佢生得我好辛苦..係真係皮肉之痛個隻..
(我係大頭妹..佢生得仲辛苦..係真架..佢自己講同生家姐細佬比..我係最痛..)
既要關於積及貓貓..又要媽咪鍾意..hee^^結果..

今次整既係好簡單既甜品..媽咪好鍾意既木糠布甸..不過有個貓爪做裝飾^^
咁就一個甜品滿足晒兩個要求啦..哈^o^
我d朋友話我傻..毛公仔生日都整甜品..哈..你理我丫..
我整得開心咪得囉..why not??我地自己可以食返架嘛..

除左一個貓爪造型之外..仲夠整多盒普通版..
好簡單就整到架..大家都試下啦..
材料只要馬利餅..淡忌廉同煉奶就ok喇..

愛生活..愛自己..令到自己心情好..皮膚先會好架..

生日前席我去左「愛生活..愛自己..AQUALABEL與你談情說愛」座談會

當日有DJ朱薰同埋楊愛瑾Miki..仲有AQUALABEL資深培訓導師姜詠森小姐..

Miki真係超瘦呀..好似唔使食野咁^^

由於我個位好難影相呀..所以當晚影得好少咋..

當晚一開始係由朱薰同Miki同我們傾下..做d乜野??可以令自己快樂..

我自己覺得Miki當晚講左一點好重要..
就係我地好多時都好介意人地點睇自己..
對我黎講呢一點影響得我自己都幾緊要..
好多時我都會覺得..如果我可以自我一d..唔好咁介意人地點睇.我應該可以快樂d
其實而家已經好好多..以前細個.我更加覺得..自己好似為左別人快樂而生咁..
為左令別人快樂..就忘記左自己..
而家既我..已經比以前好好多..而家比以前..已經快樂好多了..
我好同意..只要令自己心情好..自然皮膚都會好d..^^
所以..我地真係要愛自己多點..令自己快樂多一些...最簡單直接的..
就是做一些令自己快樂既事..
例如.用適合自己的護膚品..令自己皮膚好..女生們都會很快樂..
如果皮膚好d..心情都會好d呀..

另外miki同朱薰又講開..其實佢地好鍾意照鏡..
哈..我自己都係咁..中學年代開始..我已經成日比朋友講..
見到有反光既野..我就會照..連地下水’tum’我都唔放過..哈..女仔貪靚嘛..唔得咩?
AQUALABEL知道我地咁鍾意照鏡..即刻每人送一塊..^^

輕鬆傾計過後.. AQUALABEL資深培訓導師姜詠森小姐(MISS
SAMSAM)就開始同我地講解一下..

AQUALABEL的護膚用品同理念喇..
席間我地係邊睇幻燈片邊講解架..但..我影既相全部都睇人頭多..所以都係唔放出黎獻醜喇..
當晚一入場時..係有一份冷知識既問卷俾我地填架..
最令我猶豫既就係..究竟爽膚水應該用化妝棉定係用手塗呢???
MISS SAMSAM話原來係應該用化妝棉塗架.咁先可以抺走面上老化既角質..大家要記住喇..

我地亦可以將保濕水倒落一粒粒既紙面膜敷上面..咁就可以作急救之用喇..

答中一入場冷知識問卷既朋友們.仲有機會得到AQUALABEL送出的禮物..

另外..二月份出生既朋友仔都有特別禮物一份呀..MIKI都有份呢..
(當晚係2月29日..我係3月1..差少少咋..>~<)

當晚係現場購買AQUALABEL既產品..仲有折添..

AQUALABEL既網站..有一個好有趣既功能..
原來逢星期一既夜晚6-8點..都會有一位Miss Aqua為大家解答護膚問題..
當晚我地係現場都試過..真係即問即答架..好得意..大家有護膚煩惱.記得上去問Miss Aqua喇..
www.aqualabel.com.hk

活動去到最尾.當然係影相時間啦..當晚我地有120人一齊參加座談會..太多人喇.

所以我無排隊等合照喇..

最後..大會送上每人一份禮物..我地大家都以為會係skincare..點知原來係防曬同粉餅呀..
由於兩樣既顏色對我黎講.都比較深色.唔岩我用..
好彩竟然岩弟弟喎..細佬佢平時拍野要化妝嘛..good..太好喇..所以我轉送左比佢..
佢好開心咁帶埋去台灣拍短片喇..佢仲話粉餅好方便..佢可以帶少d野喇..
可以惠及家人..最開心呀..呵..
愛生活..愛自己..記得要做多d令自己快樂既野喇..
好似我咁整甜品..都好快樂架..^^
多謝AQUALABLE和ELLE.COM.HK呀..^o^