真心文字分享..用心幫忙..殯儀一條龍服務..超越花店'飛鴻'

呢篇文..係5月中..完成爺爺身後事之後..我已經想出..

但一直都有其他野忙緊..所以就一拖再拖..>~<

前晚..男友106歲的嫲嫲離開我們了..

嫲嫲..你好叻..你既人生已經超額完成..能夠活到106歲..真係好少人可以做到..你係天國要好好生活呀..

你既離開..我知道我地傷痛在所難免..但你放心啦..我地會好好振作..會聽你話..要做好自己所有應該要做既野..我仲記得岩岩識你時..你已經100歲..雖然我唔係成日見到你..但你都記得我認得我..我真係覺得你好叻..我好開心有機會認識你呢位咁精靈又聰明既老人家..你好好安息吧..唔使擔心我地喇..
照顧uncle同你個孫仔既責任就交比我啦..一路好走..

慶幸之前已經話左比你知我地將會年底結婚..遺憾你未能親眼睇到..>~<

由上年年底到而家..貓爺爺搽果jam..我爺爺同男友嫲嫲都相繼離開左我地..
其實我真係好唔開心..不過亦知道人生無常..而且佢地全部都已經年紀大..

上年12月..搽果jam離開左..當時我已經好難過..我真係好想我結婚時..搽果jam仲係到..新屋我地都有預位置比佢間貓屋架..
4月尾我爺爺離開時..我已經好遺憾爺爺未能親眼睇到我出嫁..

而家..男友嫲嫲亦離開了..我明白..佢地都年紀大..離開係正常事..不過我真係有諗..係咪我地太遲..如果我地早d決定結婚..就唔會咁..>~<

或者..佢地知道我地大個喇..我同男友都搵到另一半去互相扶持..所以佢地放心吧..

男友嫲嫲既離開..警惕我..要做既事情..請不要拖..或者我的小小力量..真係可以幫到別人..所以我要快手d出返呢篇分享..

今次想講既係善終一條龍服務..無錯..係講緊身後事..殯儀服務..

事先聲明..這一篇真係純粹我地屋企人幫襯後..覺得佢地做得好好..所以分享出黎..完全係私人分享..唔關任何商業事..個間公司都唔知我會寫篇文講佢地的..

親人離開..縱使幾傷心..我地都要堅強振作地為佢地做最後一件事..
但坦白講..殯儀既事又未必人人都有好多經驗..去到紅磡的確係有好多選擇..
不過到時你有無咁好心情去逐間睇..逐間格價係另一件事..

爺爺於今年4月尾過身了..我地搵左’超越花店’既’飛鴻哥’幫手..

表面睇’飛鴻哥’間公司只係做花籃(殯儀同開張個d佢都做..) 實質原來’飛鴻哥’係可以幫你完善地安排晒所有殯儀服務的..重點係..佢收費相當老實..而服務係極細心極有責任感..係絕對令到你地會好安心..唔使擔心有任何甩漏的..

有一個重點要提提大家..就係..如果你要搵殯儀服務..你唔好第一時間就自己盲中中咁行入去殯儀館問..咁樣係一定會比佢地鋸你一頸血的..

因為佢地預左你一定要幫襯..你親人已經過左身..你點都要搵一間幫手..佢地一定唔會比d咩所謂既好價錢你..
其實d價錢係極具彈性的..你識人咁入去..同你自己盲中中咁入去..真係可以差好遠..隨時上落幾千..所以一定要記住..除非你真係大把錢到無所謂啦..
於4月尾..除左我爺爺..我仲有另一個叔公過左身..幫佢辦事既親戚係自己walkin去殯儀館的..結果..我爺爺個靈堂又大過叔公當日用既好多.(爺爺係用殯儀館地下一入去個d..你有去過殯儀館都會知道地下個d靈堂係比較大的..)所有用品都比叔公當日用得多..但..結果叔公那邊最後找數..竟然比爺爺還多..我完全沒有不敬之意..我只係想大家知道分別係邊?辦事時間只差一星期而矣..

我爺爺個次..我地係先搵左’飛鴻哥’..話比佢知我地要辦事..我地想係邊間攪..然後佢再幫我地同殯儀館負責既員工聯絡..跟住大家先入殯儀館既樓上寫字樓傾..成件事如果你預先有卡片打到電話比’飛鴻哥’既話..基本上一日之內已經可以決定晒所有野..但..如果你自己就咁walkin搵’飛鴻哥’..可能就會用多少少時間都唔奇..因為’飛鴻哥’既服務真係太令我地所有人滿意..所以我地個個..包括只係黎送別我爺爺既親友..佢地都全部拎左’飛鴻哥’卡片..說實在..呢張卡片真係要拎定傍身..即使自己身邊無事發生..未需要用到..但身邊既朋友同事..可能隨時都用得著的..而且..佢地仲做開張個d花籃架嘛..所以..呢張卡片真係一定要拎..我亦都影左相..如果,,真係需要到..大家都可以打電話搵到’飛鴻哥’幫手..

都講過啦..係殯儀一條龍服務..我地只係搵左’飛鴻哥’一個人..佢就可以帶我地去晒所有相關既鋪頭..然後自己睇..你唔明就問..因為佢地係專門做開呢d生意的..所以有’飛鴻哥’係到幫手..我地真係可以慳返好多氣力..唔使左搵右搵都未必搵到我地需要既野..

乜野儀式..只要你同’飛鴻哥’講..佢就會介紹到岩你用既服務俾你.唔使你再周圍搵..

小至當日燒比先人既衣紙用品..當日要用既白衫白褲白鞋..飲品齋菜..吉儀之類等等..’飛鴻哥’都會幫你安排..只要你講.佢一定可以幫你..你無留意到的..佢都會提你..

可能大家會覺得我係咪扮野架..幫人地賣廣告..但可以發誓我一定無..如果有任何呃人的..我天打雷劈..我真心覺得;飛鴻哥’做得好..所以我先用咁多時間去打呢篇文..

‘飛鴻哥’最令我覺得佢真係拎個心出黎..佢真係好會企係我地既角度做事..

佢好到..幫我地訂左衣紙..幫我地預備好晒吉儀..但最後我地用唔晒..佢竟然會主動退返個部份既錢比我地..佢唔會話收左你錢就話之你..

我地訂花籃..只要自己寫好晒d花籃名點落..數量之後..辦事前兩三日fax比佢公司就已經可以..

我地仲可以用whats app去同’飛鴻哥’聯絡..所有要做既細節..唔明白既地方..全都都可以係whats app傾..即使大家幾忙都一樣可以溝通到..唔怕做漏野..覺得唔夠直接..一諗起即刻打電話比佢問..佢都好樂意答我地..

即使辦事個兩日完左喇..收晒錢喇..之後上位骨灰擺放一切既問題..’飛鴻哥’仍然會繼續幫我地跟進..真係跟得超級足..

由於’飛鴻哥’真係幫我地整件事安排得非常滿意..我地最後封左封利是比佢..佢收左即刻睇..覺得我地銀碼封得多..竟然比返我地..佢話佢可以有緣幫到我地處理爺爺既身後事..我地滿意..已經對佢黎講係最好既回服..佢只係憑良心做事..當然最後我地都覺得一定要比返利是唔該’飛鴻哥’..咁佢就叫我地封返細d佢先肯收..

你地明唔明呀?係呢個世界上..竟然仲可以比我地遇到’飛鴻哥’呢d咁用心..咁唔問回報既人..我成家人都覺得係我地同爺爺既福份..’飛鴻哥’真係好好..

用心幫你..所有野都跟得足..所以..我真心推介’飛鴻哥’比大家.如果有需要就搵佢幫手啦..

生離死別每個人都有可能會發生..相信呢個話題都唔需要太忌諱..係心情咁唔好既時候..能夠遇到一個可令你完全安心放心既幫手..相信人人都希望的..
呢篇文好多字..無乜圖..我只係想將自己覺得好的..真心同大家分享..希望可以幫到大家..