鬆弛熊曲奇..紅卜卜新年版^^

二月頭..團購見到有新年版既鬆弛熊曲奇..紅卜卜好喜慶..

即刻有想報名既衝動..但上網睇下發覺農曆新年前每一班都full..

同埋我有少少覺得..嘩..百幾蚊得6塊餅..好貴喎..諗住算啦..

點知突然有朋友問我有無興趣一齊整..

咁就比佢引左係年初十先一齊上去整新年曲奇喇^^

 

當日我七點十分先到..遲左少少..我叫左朋友幫我聽埋老師講乜..之後教返我啦..

邊整邊影真係好難的..仲會整到相機好污糟..

我自己係屋企多數影影下都放棄..係街整就更加..因為有時間限制.更加分唔到身影..多得朋友仔幫我..先影到幾張咋..

 

今次整既新年鬆弛熊曲奇..感覺太似小朋友玩泥膠..首要..一定要有心機有耐性..

我地整整下都想發脾氣唔整..但..忍住..抖兩秒又再黎過..

好彩..結果都成功左..但..真係有d辛苦架..因為真係會整到發忟憎的..

 

雖然我有整餅既習慣..但其實我從未試過比錢出去學的..

因為我覺得好貴..我認我我唔捨得囉..

同埋我有d唔鍾意d班一早幫我地量好晒d材料..

但又唔比我地知究竟份量係幾多?

除非我自己返屋企再慢慢試份量去整.否則我返屋企根本就無得再整..

 

入爐前..有d醜樣..但..我盡左力架喇..嗚..美術天份太低..無法啦..

我地由七點幾開始..結果整到十點幾..攪到好肚餓..

下次再學整餅..事前都係食少少野先喇..

 

出爐喇..成品都算唔錯吧..哈..老公仲話幾好食添..

 

有興趣去睇下啦..

Clubcake Kitchen

地址 : 觀塘巧明街106號冠力工業大廈7樓706室

電話 : 39970607

Facebook
: http://www.facebook.com/pages/Clubcake-Kitchen/151575421581459