蟹肉南瓜​忌廉​湯

師奶仔為整蛋糕買左1 L淡忌廉(抵啲嘛^^)..用唔晒緊要諗計用埋去啦..
早兩日整左忌廉蘑菇湯..今次就蟹肉南瓜忌廉湯..兩個都唔算難整又好味..
但..仲有剩喎..再諗諗整咩先~今次就講下我整南瓜湯既做法啦..

 
蟹肉南瓜忌廉湯

 

材料﹕
(a)
南瓜 一個 (細 size)  切粒

 洋蔥 一個 切片

 (b)
濃湯寶(魚味) 一粒
水 一公升
or
史雲生上湯 一公升

(c)
麵粉 一湯匙
水 一湯匙

(d)
淡忌廉 100ml 　

(e)
蟹 適量

做法﹕
1. 煲一公升水..滾後加濃湯寶混開..熄火備用..(用現成史雲生或自煲濃湯都可..自煲濃湯最健康..但時間長..濃湯寶最平..)

2. 切好南瓜洋蔥..記得盡量切細粒咁會易d煮熟和易d攪伴成蓉.. 

3. 將蟹拆肉..如和我一樣買這款蟹腳..

 

記得連密封膠袋浸水解凍..凍肉店話呢款蟹腳本已熟..只要解凍就夠..連膠袋解凍係為左保留蟹味..
or 買一隻隻蟹就要蒸熟再拆肉..
or 買現成罐頭蟹肉..

4. 先乾炒洋蔥半分鐘..開始出味就加適量橄欖油..炒至洋蔥轉色(少許透明)就加少許黑椒再炒..

 5. 洋蔥和黑椒味開始出就再加南瓜粒一齊炒..兩三分鐘後就加一半上湯一齊煮..

6. 南瓜熟了點就可以熄火..將這煲的材料及部份蟹肉倒進攪伴機攪至變蓉.(約一至兩分鐘) 

 

7. 將所有蓉和另一半的濃湯倒回煲中再煲至滾..轉細火..邊攪邊加入已攪勻的麵粉水..
(不要一口氣倒下麵粉水..要邊落邊攪邊看其濃稠程度轉變..太多會杰得滯的~我覺得要keep著不停攪..因感覺好易黏底)
這時之前可能未完全熟的南瓜都可煲熟了..邊煲邊試味..
正常應該已夠味..不用再加鹽..當然每人喜好不同啦..

 

8. 調好濃杰度就熄火..因個人喜好去加淡忌廉的份量(我落了100ml)..攪勻即可..

9. 倒進碗後..就是整色整水之時^^因應自己的藝術天份去裝飾就可以上檯喇..

 

其實煮野係好需要隨機應變的..只要煮得到..用自己的方法是完全沒問題的..
烹飪太好玩了..只要你願意用心煮..看見身邊人的滿足模樣..那份成功感實在令人很快樂^^
希望大家鍾意我的煮法分享啦~