簡易甜品..靚靚椰汁鮮奶凍^o^

 相識八周年快樂^o^恭喜我們都成長了..
我係成日都搵野黎攪既人..係結婚一年內時..我會每個月都做少少野去提醒自己又過左一個月喇..
對我呢d人黎講..d乜鬼相識..拍拖..結婚周年都係我搵藉口攪攪震既時候^^

 
甜品有d真係好簡單就做到..只要係屋企左溝右溝..配合靚靚既用具..加少少低能既諗法..
成件事就會變到又靚又好味..收到既人都幾開心架..
都係個句..有心就行得通^^

製作時間真係唔多的..的起心肝做d野去tum你愛錫既人啦..真係好好玩~

靚靚椰汁鮮奶凍^o^
椰漿  250ml
鮮奶  100ml
糖  適量魚膠粉  15-20g
粟膠  2湯匙
1. 將魚膠粉倒入椰汁..讓其徹底吸收水份後…整個容器放上另一載了熱水的器皿座溶..
(呢個方法無咁方便..但我覺得溶魚膠粉無咁易有粒粒產生..)
或..
將魚膠粉倒入椰汁..讓其徹底吸收水份後放入微波爐叮1分鐘..(如1分鐘唔夠就15秒..15秒咁試..但呢個方法我覺得較易起粒粒)

2. 攪均後加糖隔熱水座溶..(試味睇睇夠唔夠你想要既甜度..口味係好主觀的..調岩你想要的就係最適合^^)如你用微波爐加熱..直接加糖攪溶就得..餘溫應該夠溶糖..

3. 然後加入粟膠和鮮奶..邊加邊攪勻所有材料..

4. 最後過篩..肯定要無粒粒先好倒入模..唔係就會好核突架喇..

5. 倒模後放入雪櫃雪至凝固就甩得模喇..記得呢個版本算軟的..所以甩模時要溫柔d..唔係好易爛架..
如果想做硬d..就加多d魚膠粉..e.g.30g..輕易就變左鮮奶椰汁軟糖架喇..小朋友會好鍾意架..

 

 

**我自己用櫻花模..想更似就加左超少的一滴士多啤梨汁..真係要超細滴..大滴左就唔夠粉紅架喇..椰汁味好霸度..所以唔多覺有士多啤梨味的~ 椰汁味好霸度..所以唔多覺有士多啤梨味的~
我好隨意壓爛左粒士多啤梨，然後用牙簽點一小滴紅色去溝^^如果你好介意個少少既士多啤梨味會影響到..你可以揀落極少的紅色食用色素..
如屋企無模..倒入長方器皿..凝固後切粒都可以..甚至凝固後再用曲奇模'cup'都得..

認真的..用心做d簡單既動作就會令愛錫既人開心..佢開心你又開心..何樂而不為呢^o^gogogo~~~