兩母子散步去

眨下眼牽牽已經三個幾月喇，我都自己湊佢湊左兩個月喇，一切都開始穩定同上手，今日終於試下自己同牽牽落街散下步，試多幾次我地就可以再去遠啲喇^_^過幾日復活節假我地可以試下用「咩」帶，牽牽條頸仔都開始有力喇^_^

好開心呀，牽牽一口氣可以飲晒150ml(5安）喇^_^之前一直都要分兩三次先飲完，佢又大個仔左啲喇，每日睇住牽牽既進步，真係好滿足同開心，雖然湊仔好困身，但當中亦有好多樂趣，我真係好希望陪住阿仔最重要既頭幾年成長呀，自己教，第時乖唔乖我都唔會怨，呢個係我做媽咪對阿仔既承擔同責任呀。

好開心收到「噓噓樂」尿片同禮物，不過中碼暫時牽牽屁股未夠大，未著到，要遲少少先用到喇。