扭計豬

呢兩日過左婆婆到，牽牽真係好鍾意婆婆，不停痴住，完全唔使要媽咪咁^^

原本約左今日去補埋條眼線、但化妝師病左要改期，咁就可以同牽牽佢地一齊去下午茶，呢兩日食就野牽牽都係坐底一陣就扭婆婆抱，唔肯再坐係bb櫈，我曾經都有好硬心腸唔比婆婆抱佢，我話一來我同牽牽講過收聲先有得抱，喊就繼續坐係弓，另外我亦唔想佢以為一扭就有人理，我想牽牽知道我地只係坐左一陣，野食先岩岩黎，無理由咁快無耐性，但牽牽真係爆喊，唉，成間餐廳都聽到晒啦，我的確唔想係街大吵大鬧，婆婆同公公亦都心軟，所以都係有抱牽牽出去行。究竟咩原因呢兩日佢坐到一陣就要扭婆婆抱？咩事咁無耐性呢？