保濕平靚正之選.Vichy溫泉礦物保濕系列

成日聽人講陀bb時皮膚係最差，我就覺得湊bb時皮膚先係最不受控～

當你長期一覺不能睡過四小時，又完全無時間去美容院，差啲連敷面膜時間都無時，試問皮膚又點會好？

湊bb係連大解時間都唔到你話事，我諗我真係毒到一個點，想幫自己排毒，唯有向飲食方面埋手，而全職媽咪日常生活忙到暈既情況下，最簡單既排毒方法就係「飲」^o^

我而家就係靠煲湯水、焗「桃花茶」同加「奇異籽」落飲品到排毒，從「飲」入手真係算最簡單直接快捷既方法。我個下巴正正就反映緊我身體真係毒到出臉，所以除左「飲」之外，皮膚都要想辦法排下毒先得。

係過去19個月經驗我得出一個結論，做好基本最緊要，就算生活令你連扮靚既機會都無埋都好，可以既話，都做返好基本護膚，排左啲毒啦，幾攰都好都唔好懶，皮膚好啲真係人都開心啲，至於咩叫基本護膚同為皮膚排毒？我覺得係保濕，俾皮膚飲飽水，漲卜卜又有彈性，睇落後生又精神啲～（中女做左阿媽再加長期唔夠訓，再懶既話真係唔使見人架喇，我唔要做黃面婆呀）

Vichy 火山礦物溫泉水   hkd 160 / 300ml

由於長期唔夠訓，每朝起身我可以話都係被迫，係完全唔清醒但又要極速清醒既情況下，呢支火山礦物溫泉水簡直係神器，噴幾下即醒晒（無湊過bb既人係唔會明白我地有幾眼訓，不過我強調，湊仔雖然攰，但快樂^o^）

而家日日都三十度以上，同牽牽推bb車出街真係曬到暈～就算帶晒風扇，其實我同佢都會熱到臉仔紅卜卜同好悶，係呢個時候，呢支火山礦物溫泉水就大派用場，自己噴一噴，再同仔仔噴一噴，佢會即刻好開心，因為佢覺得好好玩，即刻將啲悶熱情緒趕走，爽呀～（由於係天然火山礦物溫泉水，所以我都好放心同仔仔一齊噴^o^而且仲可以舒緩敏感添）

Vichy 溫泉礦物活水循環保濕精華   hkd 350/30ml 

質地水潤，塗上臉浸透得好快，由於質地好清爽，不自覺會塗得豪氣點，完全都唔怕會有「膩」既感覺，

塗勻後整塊臉好似飲飽水咁，脹卜卜好滿足。

Vichy 溫泉礦物清爽保濕啫喱   hkd 250/50ml

保濕啫喱同精華一樣，塗上臉後水潤不黏膩，日間塗後已即可爽爽去化妝，唔需要等一陣等啲護膚品浸透晒先化妝，咁又可以慳返少少時間做其他野啦（我都做過上班一族，我都知朝早起身做所有野都好趕時間既^o^）

用後全日不繃緊，最重要係爽得黎又唔乾，全日臉仔飲飽水一樣。

Vichy 火山溫泉 SPA 睡眠面膜   hkd 240/75ml

話明睡眠面膜，當然可以厚敷之後去訓啦，但我湊bb，半夜仔仔總有機會醒，要抱要氹要餵奶，所以我每晚只會當面霜咁薄塗一層，費事厚敷未乾仔仔醒，整到大家都有就麻煩啦（不過我會趁仔仔訓晏覺時，我拖地就即厚敷，爭取時間比皮膚飲水嘛）；

厚敷後皮膚水潤飽滿就肯定啦，其實我薄塗每晚效果都令我滿意，第二朝起身皮膚滑溜，都一樣有脹卜卜，充滿彈性既效果架～

整體黎講，Vichy呢套溫泉礦物保濕系列我覺得算係平、靚、正保濕之選，想幫皮膚打好個底、令皮膚更強韌，絕對值得入手，售價真係老少咸宜呢～

**產品及資料均由品牌提供

每人膚質、喜好不同，感受、效果有異實屬正常；如對產品有興趣，可到以下網址作進一步暸解：http://vichy.prmtn.com/tc/tips.php?type=all

‪#‎強韌肌 ‪#‎MakeMeStronger ‪#‎StrongerSkin ‪#‎HealthySkin