第三日戒片..進步了

今日牽牽好叻，只係臨尾香😂

全日都無濕褲仔，係夜晚我煲左綠豆水比佢飲左一盒維他奶既份量，就失手左，瀨濕左條褲仔，總算有啲安慰，進步左，我好開心呀，希望繼續進步啦。

因為戒片，想集中啲唔好攪亂佢，所以我地呢幾日連街都無落過，總要搵啲得意野做下，所以比牽牽試下洗米，佢當然覺得好好玩啦（≧∇≦）

可能因為爸爸睇啲怪獸野時比牽牽睇到啦，今日成日都話驚驚，叫我地熄電視，唔好開，係喊住叫個隻，我又無乜所謂，我都無時間睇，不過爺爺同爸爸就會悶啲囉，所以今晚爸爸同佢睇左兩本故事書（≧∇≦）