念力成功

哈哈.上星期好開心睇完柏芝係有線既'主播會客室'訪問
個心好想'志雲飯局'會快d訪問柏芝同sammi..
點知..哈哈哈..今朝睇到有線'主播會客室'廣告..呵呵..係sammi呀..太好喇

念力成功..yeah^^不過去左第二個台姐..

琴日去左醫院探爺爺,佢精神都幾ok..
不過講野思緒,有時就亂左少少,八十幾歲,其實佢算精靈架喇...
之後同媽咪,老豆,細佬& ying去左又一城食吉野家(牛肉飯好味^^)
係又一城搭10A小巴返南昌西鐵站..好好笑..
過左大坑東村之後,有條落斜既路..每次去到呢到..我都覺得好似玩過山車咁...
$3.8就有過山車玩..抵啦
係有離心力架.而且仲會拋一拋起個人架...
哈哈哈..第一次搭個時...我直情驚一驚..點解會拋既?
個一刻仲係到諗..ee..呢排係咪自己瘦左呢..
點解會拋起我成個人既..卡卡卡(心中暗喜)超低能