專業一點好嗎?

點解而家d後生大部份都係咁?你地對自己既要求可唔可以高d架?樣樣都求求其>"<

真係唔怪得而家香港樂壇咁悶...來來去去都係個幾個唱得之人架..
岩岩係電視睇為四川籌款節目...有一班新d既歌手出黎唱d勵志既歌..
我明白...其實做善事既..唔應該咁挑剔..人地表演係應該欣賞佢地咁有心..應該多謝佢地..
但..我又覺得 ..無理由話因為係籌款節目..我黎左已經好有心架喇..d表現好唔好都無所謂喎..
大佬..你對自己有要求架嘛..你仲話比人地知你而家係歌手身份出現...真係唔該晒.
有好多個其實我根本都唔知佢係邊個..ok..當我out..唔識佢地..係我唔岩..
但好坦白講..我相信對佢地呢確新人黎計..有呢少少幾廿秒既個人表演...應該係好難得..
應該要好珍惜去盡自己力令人地對自己有印象先岩架嘛..但好對唔住..佢連唱到普通都不如...
(唔係..都有留到個好深既印象既..就係佢地唱得好難聽..無心..以後見到都唔想睇咁..)
除左高酷正係真係做到令你覺得佢係投入有心之外...全部都唔知係到做緊乜咁...
遊晒魂..唱錯晒d歌詞..甚至令到人地覺得佢地好似好唔想唱咁...入面其實有d唔係新人黎架喇...
freeze雖然不嬲都比人話佢地騎尼...只係係到賣性感..但起碼佢地都唱岩晒d歌詞丫...
大家可唔可以專業d..尊重下自己既歌手身份..尊重下人地首歌..尊重下比緊機會..想去欣賞你地既人...

如果你話我知當時你地係好有heart既..只係我感覺唔到(我相信一定唔止我感覺唔到囉)
唔該你地下次再投入多d..可能今次係仲未夠囉..
唉..唔該你地專業d啦?我唔想咁講..但我真係覺得係不知所謂架
你歌手黎架..你唱到似乜呀?人地台灣個d..求其搵個..突然要佢地唱..人地都可以唱得好好..
唔記得歌詞都算喇...但音準呢??你歌手黎架..唱幾廿秒都會走音...有無覺得過份左呀?
究竟知唔知咩叫珍惜???珍惜所有你擁有既野??包括你擁有緊既機會呀....
你今次上完台之後..唔知到幾時你先再有機會一個人上台係無線比咁多人睇架喇..究竟明唔明?
我絕對相信呢個籌款節目會多人睇過平時既勁歌...(雖然我鍾意睇功勁金曲,但我知唔係太多人睇 )

唔該你地長進d...平時比心機練歌..等一有機會就可以出激把握..咁先係應有既態度呀..
唔好發緊夢咁啦...係眼訓既就早d返屋企訓..唔好上去唱囉..笨...
真係睇到'忟忟'地...唔好係到話人地無比機你地..成日都比晒d大歌手唱..
你檢討下自己點解無能力令人地比你唱啦...不知所謂>~<
都唔好話拎以前真係超專業個d羅文,葉麗儀..梅艷芳....個d比較喇...
近d丫...人地容祖兒..eason個d..新人個時已經係好尊重自己既身份..
已經一唱就比人感覺到佢地有heart..同埋真係好喜愛自己份職業同好享受表演緊既每一刻架喇...
唔該你地自己檢討啦..仲有..做歌手唔係只係唱好自己個首歌就叫做夠架..
你唱d大家都耳熟能詳既歌都唱到咁既死樣...邊有人仲有心機等你唱自己既歌呀??
一見到你都熄電視啦...妖
你地唔該爭氣d啦..機會唔係時時有..人人有架.就 算而家有..可能一陣都會無左架....
你地真係同人地差好遠呀...我唔想咁樣比..但人地台灣個d...真係好你地好多..
我相信係香港有好多想做歌手.但未有機會既人..都比你地pro呀....檢討下啦