黑芝麻粟米mousse cake

04/07/2008...黑芝麻粟米mousse cake...徘徊成功之失敗之間...
一心想整黑芝麻mousse cake..但又覺得好似無乜口感咁..
問媽媽意見..一開始佢話不如加薯仔..我話..'下..薯仔..我整凍餅喎'..
佢仲答我..'人地薯蓉都係咁啦..乜你咁無新意架..要大膽d先得架嘛...'
媽媽..我整餅初哥黎架咋...大膽野我會試...但..等我做好d基本野先啦..
我再問...除左薯仔...仲諗到d咩呀???
佢話..一係粟米囉..本身粟米無乜味..唔會搶左黑芝麻d味嘛..'好似好有道理..信你...

結果..成個cake出左黎...表面無乜問題...係個樣衰d..因我未有為佢扮靚..係我錯...
黑芝麻mousse..加入面既棉花蛋糕一齊食..good...
黑芝麻mousse加粟米..媽媽一試就話..eee..都話佢地唔夾架啦..
(明明係佢叫我用架..而家好似唔關佢事咁..激氣)
最唔開心既係.....所謂既脆脆餅底..又變左'un un'..所以我決定切左去..呵呵..(睇相就明架喇)

整後感...
黑芝麻mousse好味好香..係ok架...但下次..唔好再攪咩口感喇...
黑芝麻mousse加棉花蛋糕..其實已經唔錯..