薄荷朱古力mousse cake

18/10/08...第一次做朱古力mousse..試下加d薄荷香油落去..好ok喎..(支香油得味無色...)
扮靚弱項既我...每次幫蛋糕扮完..我都覺得自己好似幼稚園生既成績咁..唉..
媽咪同老豆食完...覺得少d mousse會好d..
但其實為左就佢兩老..我已經落多左蛋糕架喇...人地正式個d mousse cake邊有咁多蛋糕架...
唔知醜地拎左半個cake同samantha屋企分享...
結果samantha同佢老公就話...應該多d mousse..甚至...唔好落蛋糕..
口味..真係人人都唔同..睇黎..以後都要記住..整比邊個食..份量就要唔同..呵~~

個cake切開..你睇下入面幾多蛋糕..真係唔少架..只係媽咪同老豆鍾意食傳統忌廉蛋糕多d^^
唔記得左影切開一件時個樣添..單一件上碟..個樣反而幾靚幾可愛架你地想像下..^^

09/11/08..薄荷朱古力mousse cake...上次一心諗住不如買有色既薄荷香油..諗住綠色好似都幾靚丫..
點知...今次支有色香油出晒事啦..有種唔知咩味..藥水??
攪到薄荷個part好難食呀..eee..真係試左啖已經唔想再食落去...
'亨利'好好呀..竟然食晒..我已經叫佢唔好食薄荷個part架喇..因為真係覺得唔好食..但佢都係食埋..
當然個cake唔好食..我緊係有d唔開心...'亨利'反而仲抱住肥貓仔tum我..
佢話..'都唔係好難食姐..唔好灰心..俾心機下次再試過囉..'

好啦..我應承你...下次再黎過..多謝你明明唔好食都撐我..thanks

琴晚我發現屋企原來有支大既薄荷酒..我好撇脫地..即刻掉左支好重藥水味既綠色薄荷香油(臭油就真)
支死野仲話自己係澳洲貨..完全唔掂呀..臭到死...晒左人地十五蚊...
都係上次係'百街'買個支三十幾蚊...但無色既薄荷香油好d...人地真係香架..激氣.....