鍾意睇'真相'一定要入黎^^

細個時..你地有無寫過信比你鍾意既明星??有無拎過簽名相呀?

認唔認得相中人係邊個呀? 呢期多左好多人識架..

有無睇而家9點半TVB’真相’呀??認得未??

我無講大話架..我真係十幾年前已鍾意佢..

當年係叫BENNY..而家叫RUCO喇..

眼見佢而家終於捱出頭來...真係好戥佢開心...

我真係有眼光呀..哈^o^..

陳展鵬以前做過歌星..其實佢唱歌唔差架.....

佢以前曾經簽過比寶麗金架...之後佢過左ATV..我見有親廣告大獎節目..

都會搵佢幫手表演廣告歌架..

而且..展鵬打乒乓波好叻架..如果無記錯..佢以前係青年香港代表隊..

之前乒乓孖寶幫香港拎左奧運金牌時...隔離台仲特登搵展鵬返去講波..

相信係因為知佢對乒乓波了解比較多...

如果你地好鍾意佢..我介紹一套電影你地睇丫..

係'陳木勝'導演既...衝鋒隊之怒火街頭..

展鵬係入面係做小春既細佬架...係入面..佢都有好多戲份..好唔錯架..

佢係入面做咩我唔講喇.你地自己睇啦.^^當年我入戲院睇到佢有咁多戲份..開心到標眼淚..^^

其實..展鵬默默耕耘左好多年架喇.大家都對佢公平D就好.佢唔係一出黎就搶左人地既主角黎做架...

唔係話要人人都鍾意佢..但..真係希望出面反佢既FANS都客觀D..唔好咁樣啦...>~<

佢真係捱左好耐架喇..

細個時..我發覺自己鍾意親D明星都係未紅架…

但好好彩..多數佢地之後都有好發展架..

楊千嬅老公..丁子高我都鍾意過架..VRF隻碟我都有買架..^O^

佢而家都幾好丫..娶到個勁老婆…自己亦都人人都識…

哈…我真係好有眼光呀..哈哈..

琴日我仲搵到另一個而家已經好紅..但當年我寫信比佢時..佢未紅既明星回信..

有興趣..記得再黎睇下喇..^^