新手煮婦上學去^O^..Jacky Yu X Daniel Menezes X KitchenAid 示範烹飪班

早前參加左 Jacky Yu X Daniel Menezes X KitchenAid 示範烹飪班..個日好開心..有野學又有野食..
仲可以見到一直好心動既 KitchenAid stand mixer 真身..明明之前只係諗粉紅色..見到真身後又覺得桃紅其實都幾靚..人都係花心..
由於鍾意整野食關係..結婚後已經買左好多廚房玩具..Le Creuset 既煲同 stoneware 已經除左廚房連房都要放喇..
仲有好多 must buy item 排緊係個 waiting list^o^老公都開始問..你又有新玩具喇??好似無位放喇喎>~<
始終屋企地方有限..再買新玩具真係要計下佢要幾多位放??瞭解佢既功能有幾多?同自己會幾常用?我先夠膽出手了..
特登黎呢個 workshop 其一目的就係睇下 KitchenAid 究竟有幾適合自己..同埋我好鍾意睇 Jacky Yu 教煮野..所以緊係黎啦..
我真係好想好想擁有 stand mixer ..因為佢太有用途喇..
整麵包..蛋糕甜品..pizza..年糕..肉餅..麵條等等..實在太多野都幫到手..有左佢整野就可以快手好多..煮婦能力就會再高d..

因為第一次去「囍宴 廚．坊」黃竹坑既總部..所以早左出門口..結果兩點就到了..
開頭聽到黃竹坑有d驚..感覺好遠咁..但原來沙田巴士 170 又去到..係紅磡隧道口又有好幾架車都去到..係業興街站落車..行一陣就到..都算方便..

我好鍾意有關紅色既一切..所以對「囍宴 廚．坊」都特別有好感..一見到佢紅卜卜既外牆就知自己無搵錯啦^O^

由於我只係自己報名..一個上去開頭都驚會悶..好彩活動攪手 Ricky 非常親切..而且對眼見到 KitchenAid 既產品就已經兩眼發光..極快融入當中..哈..
活動未開始前大家當然亙相傾下計..我當然乘機問下有關 KitchenAid stand mixer既資料啦..我蠢蠢欲動緊嘛..^^隻隻色都靚真令人頭痛~

 

當日大會仲預備左飲品同幾款由「囍宴 廚．坊」名廚主理的小食比我地享用..全都好好味..
有香酥九製陳皮骨等等..
Jacky 仲問我地有無人飲咖啡..以 Jacky 對飲食咁有要求既性格..我肯定唔係普通質素既咖啡..不過我小朋友口味..唔飲咖啡..所以唔關我事了^^

  

本身我有買開 Jacky 既食譜書..我覺得係入面學到好多本身唔識既野..終身受用呀..
我真係好鍾意書入面教我地醃浸各類蔬果..令本身以為得一種味道既食物產生更多可能性..
係現場都見到 Jacky 浸左好多樽唔同類型既寶物^o^
有一個咁大既廚房真係好..感覺好似係一個遊樂場咁..好開心..

 
活動正式開始..Jacky 首先為我地示範「泰鮮味南瓜海皇冬陰功」..

 

 

用料十足呀^O^我好同意要買靚材料..始終食入肚嘛..用心煮但因為d無咁好既材料而破壞左味道就得不償失..
岩岩開始做人老婆時..會以為睇落都差唔多姐..緊係買平個隻啦..結果當然係唔同啦..煮左出黎又無咁好味..真係晒錢晒心機的..
受過教訓後..而家我會捨得買..媽咪教既然決定煮就要捨得比人食..無錯..唔捨得既不如唔好煮算了..
我係真心鍾意烹飪..而唔係為煮而煮..當你鍾意一樣野時就要真心欣賞同研究..我自己係咁諗..
Jacky 仲教我地可自己煮'冬陰公醬'..當然有d繁複啦..不過煮完出黎大家都鍾意既話..成功感係會好大架^^
如果無時間預備既..買現成醬加入湯都得..

煲緊湯之時..Jacky 就為我地示範另一菜式..想更有效地發揮自己煮野食既可能性^^當然要搵好幫手啦..
工欲善其事..必先利其器..hee^^Jacky 用 KitchenAid stand mixer 同 KitchenAid 電動打蛋器教我地整「綠茶紅豆Tiramisu」..

 

  

傳統 Tiramisu 係咖啡味..我唔鍾意..我自己以前試過整阿華田Tiramisu..'綠茶紅豆'都係我好鍾意既口味..
Jacky 話呢款係比較意大利傳統口味..入口感覺好鬆好滑..而唔係較港式..加左魚膠粉硬d..切到一件件個隻..
我鍾意呢隻入口即溶感覺既多 d..

 

 

Jacky 示範完成後..就到另一個好可愛親切既師傅 Le Cordon Bleu chef, Mr. Daniel Menezes 同 Sugar Cat Baking 既主理人 Mika 為我地示範喇..

第一樣示範既係「烤豆腐蛋糕配亞洲南瓜汁」..咪睇佢好似外國人咁..其實佢係半個香港人黎架..佢媽咪係香港人呀..
所以佢既廣東話係完全無問題的..我好鍾意佢好活潑同互動既教學方式..令你上堂會好開心好易放鬆同投入.. 

 

當日見到 Daniel 用粉紅色既磨蓉器..我即刻雙眼發光..好靚呀..邊到買到呢？

 

  

然後 KitchenAid stand mixer 又再度出場^^十數秒就將材料 mix 好..你話幾慳時間呢~

 

之後再用 KitchenAid blender 處理南瓜汁..真係快靚正..
Jamie Oliver 係節目時都成日話..只要你善用所有用具..其實你都一樣可以有好多可能性^^

我都知..不過資源有限嘛..救命..樣樣都想買..嗚嗚..太吸引喇..

 

之後 Mika 就教我地整「綠茶蛋糕」..整蛋糕當然要用 KitchenAid 打蛋器啦..Mika 話覺得 KitchenAid 呢個較其他品牌既輕身..
即使我地呢 d 身型較矮小既女生用得耐都無咁易手攰..

Daniel & Mika 話除左食材之外..選擇較優質既用具都好重要..例如好似 KitchenAid 既產品咁啦..^^
佢地選用既矽膠模係來自法國..大陸都有好多平價矽膠模..不過會驚佢地加熱後會溶..又驚會釋出有害物料落食物..
唧花袋質地係較柔韌..唔會好似平時幾毫子一個個 d 咁..好易爆..(唧唧下爆真係會好狼狽)

 

呢個蛋糕係用蒸既方法..感覺好健康..好得意..

平平的入鑊..波波型的出鑊..唧入模既份量真係要控制得好好..唧多唧少都成唔到波型呀..

煮食節目成日都出現既情況..當然都有出現啦..由於時間既關係..之前已經裝飾左^^
「芝麻蛋糕配腐乳白朱古力及朱古力汁lollipop」
好吸引既 decoration..人人見到都好開心..

腐乳白朱古力..hee^^又行得通喎..
decoration 係我最弱既一項..創意我有..但我唔夠大膽>~<
我相信煮多 d..睇多 d 書吸收多 d..自然就會大膽d..睇住黎啦..我信我可以..哼^^

 

完成 Daniel & Mika 既兩道示範後..又到 Jacky 繼續佢既冬陰公喇..
Jacky 用 KitchenAid hand blender 放入湯中 blend 一 blend 湯中既香料同南瓜..最後加入蟹..花甲和蝦繼續煲一陣..加埋芫茜就飲得喇..好香好豐富呀..
嗚..hand blender 又係我想買好耐既廚房用具啊!!

 

完成所有示範後..我地就開始品嚐喇..師傅級既出品..全都好味到不得了..

 

活動尾聲有抽獎..KitchenAid 送出 stand mixer 既透明磨砂玻璃碗..真羨慕幸運兒..

 

KitchenAid 最後仲送出一部香檳金色既 stand mixer 比 Jacky..實在太開心..Jacky 你就好啦~
靚仔外型+顏色多選擇係 KitchenAid 既其一大賣點..um..真係好心動..係廚房見到咁靚既廚具真係心情都好 d..粉紅..桃紅..粉紫..薄荷等等..都好得我心..點算好?

 當日活動真係好開心..氣氛又好..有野學又有野食..抽唔到獎都每人有份禮物^^多謝呀!!
Jacky 同 Daniel 都鼓勵我地多試多煮..大膽 d..食譜有左係到..可以好靈活地加 d 自己既諗法落去..
口味既野人人唔同..只要煮出合你自己同吃既人口味..就為之最適合你的了..
經過當日愉快既學習..唔係擦鞋..我更欣賞 Jacky..亦好鍾意 Daniel ..當然對有外又有內既 KitchenAid 更有好感啦..
stand mixer..blender..hand blender 都好吸引..特別前兩者仲有好多顏色選擇..好靚仔呀..

樣樣都好想要..不過結婚後..真係好多開支..要認真挑選先得..唔可以不顧後果咁話買就買>~< 

 

最後好開心買到 Jacky 09年既食譜..出面書局已斷晒貨喇..
今次活動同書都係我自己比錢架..當你很愛..就自然會投入..當中既樂趣同滿足感..非筆墨可形容^^
唔好怪我太長氣啦..我真係好鍾意烹飪..越寫越興奮..寫寫下就越寫越長了..

​

如果你同我一樣都好鍾意煮野..你就快 d add 定以下幾條 links ..

緊貼佢地既動向喇..
​

囍宴 廚．坊 : https://www.facebook.com/XiYanPenthouse
KitchenAid HK : https://www.facebook.com/groups/610353372368855/
Sugar Cat Baking : https://www.facebook.com/SugarCatB

Jacky 就唔使講啦..我真心好欣賞佢..Daniel 讀過藍帶係上海做廚架..Mika 主力係整蛋糕甜品..有機會都好想再跟佢地學習..
我知道除左佢地之外..「囍宴 廚．坊」黎緊將會聯同更多有水準既師傅合作開班.. 
KitchenAid 亦將會推出示範教學班..我一定會再參加呀^^

能夠跟自己欣賞的人..用自己喜歡的產品..學習自己的興趣..成件事實在太幸福喇^o^

 

「囍宴 廚．坊」

​地址：香港黃竹坑黃竹坑道59-61號本利發工業大廈 5樓​

電話：3622 3912