bingo成孕的預備^^

我相信好多太太都同我一樣..結婚後可能想過一陣二人世界..然後先再計劃生小朋友..
對於我呢d去到中女年紀先結婚既..過左一年二人世界就開始努力..好感恩上天既愛錫..
我而家已經有左十八周喇^o^

當你決定計劃生小朋友..第一步一定係驗身..當你拎晒結果ok後..就可以開始努力喇..
我呢d已屆中女年齡的太太..當然希望可以快d bingo..因為真係要與時間競賽..越遲一年就成孕機會會低左..而且相對地生健康b既危險性又會高左..所以..'有仔趁嫩生'係真架..不過係香港要決定生b要顧慮既問題太多..唔係話想生就生..到你經濟平穩少少時..年紀已不再嫩..唉..

 

 拎左驗身結果後..就可以放心地進行造人計劃..想精準地有效果..最原始既方法就係計排卵期..
我自己是以這個網站幫忙計算的..
http://www.ivfresource.com/ovulation-calculator.php

只要輸入對上一次來經的第一天..再加上一般相隔多久來經一次就可以了..資料非常簡單..以我自己為例..

上一次月經開始日期為 2014 年 03 月 09 號，
每次月經的間隔為 28 天。

得到以下結果 :
您下一次的排卵日最可能發生於 2014 年 03 月 23 號.
您可能受孕的日子是從 2014 年 03 月 20 號 到 2014 年 03 月 25 號.
如果您這次成功懷孕，您的預產期將會是 2014 年 12 月 14 號.

 有人會選擇密密做..而我同老公最後成功bingo係採取既方法係'貴精不貴多'..
之前我地試過係話可能會受孕的每日都做..但其實咁樣係會令大家都有壓力的..當你係有目的地去進行時..坦白講..呢次既性愛都會無咁享受的..當大家都唔太放鬆..當然係無你想要既結果出現啦..
即係..既享受不了性愛過程..同時又得不到bingo結果..

之後我就決定用'貴精不貴多'的方法..我地係知道可能受孕的幾日入面揀一至兩日去做..而唔再係期間日日都做了..咁樣既方法..等大家心情都放鬆d..同時唔使咁大壓力..雖然都係有目的地去做..不過心情差好遠..衰d講..起碼老公唔會再有好似交功課咁既壓力..結果真係好感恩..我們bingo了^^

**無聊的小動作..講左唔准笑呀..
我知道有好多女仔都慣左一做完就即刻沖涼..因為感覺好似乾淨d..但當你想要bb..你就要盡量將老公既精子留係身體..所以做完..
1. 一定唔可以即沖涼..
2. 完事後..我係即刻轉左一個'L'既動作keep左半個鐘以上的..係有dd辛苦..但..心理上會覺得咁樣會令精子游得更深入d..係低能架..但..自我感覺良好咪ok囉..:p
'L'動作即..將整個人屁股貼向床板..雙腳呈直線靠在床板和牆..(其實呈不到直..斜斜地都ok的..唔好睇少呢個動作..當你keep住唔好郁..其實超超超累..)

我只係普通女人仔一個..坦白講..並沒有專業及一定中的秘笈..我只能將自己既少少經驗同大家分享一下..

我自己覺得..如果想成功..首先真係要開始預備好自己身體..例如 :
1. 女生盡量飲少d凍野啦..
2. 唔好勁節食減肥喇..要均衡營養..(我一食正常就會肥..但為左養好身體去準備有b..都唯有要乖乖正常食喇)
3. 開始買葉酸食(一開始我係朋友幫我係佢睇開既婦產醫生到配比我的..之後我自己係藥房買..大約hkd 30已經有一個月分量架喇..準備想要bb已經可以開始食架喇)
4. 開始叫自己養成少少運動習慣..其實真係好少架咋..最起碼係要自己keep住每星期都郁下..當時我係每星期有兩三晚同老公踩單車..每次大約踩3-4個鐘)兩公婆一齊做運動..其實都幾好架..有益身心同時又增進感情^^

**其實除左計排卵期之外..仲可以每日量體溫..同埋坊間係有好多試紙(我見係淘寶有得買)或者有d用品(係萬寧有售)係可以每日用去check自己最佳成孕日..一check到當日就做既..
但..我自己覺得咁樣感覺好古怪..好似當日一見到ok就急call老公做咁..um..令成件事太似交功課喇..我會覺得真係會乜mood都無晒的..
所以我會建議先用最簡單既方法..萬一真係試左一段時間都唔成功..先再做多d刻意既野啦..大前題..最重要係放鬆心情..
(我知講就人人都知..但真正要做到先會成功架)
祝大家早日成孕呀^o^

​講下講下又好長了..希望唔會悶親大家啦..
下次再講之後既發展比大家知..^^

**圖片轉載於網上 ​