料鮮湯底靚..鍋居火鍋專門店

無論春夏秋冬我都喜歡打邊爐..雖然好多人說打邊爐好熱氣..

我覺得只要不即時把熱燙燙的食物即放入口的話..應該問題不大吧..用'滾'的烹調方法是健康的..哈:P

這夜一大班朋友來到位於深水埗福華街’鍋居'..最喜歡多人打邊爐..因為可以試很多食物呢..

 

店內裝潢偏向中國風..有大圓桌亦有卡位..
先來混醬..我很奇怪的..本身不太喜歡蘸醬..但就喜歡攪攪震..其實又不太愛豉油..但因加了沙爹醬較稠身..所以都要加回一些豉油溝稀一點..
喜歡這裡的沙爹醬..很香濃..(大肚太太其實不應太濃味..不過有時很難忍嘛..一餐半餐不怕吧>~<)

其實只要湯底好..吃原味已很夠..:P

麻辣花生和泡椒雞腳..很想吃..但大肚不能吃>~<肚餓唯有乖乖吃香脆的炸雲吞頂肚啦..

 我們叫了兩個特別湯底..分別是 : 招牌喇沙鍋 及 夏日冬瓜鍋..
本身很想試招牌喇沙鍋..但又是大肚問題..不能吃太濃烈味道..對bb不好..所以乖乖的吃較清的冬瓜鍋啦..
哈..不過始終死不甘心要一試喇沙鍋..就下了響鈴一試吧..一次啦..um..味道香濃惹味..不過對我來說辣了點..所以說..即使沒有阿b..我都不能單吃喇沙鍋..因自己本身只是bb級的辣味人.. 大熱天時..用冬瓜鍋作邊爐底都不錯丫..清清地又可消暑..

我們實在叫了太多太多食物了..就等我將我覺得較好味的寫下啦..

 牛利托..個人特別喜歡吃牛利..牛利托比平時的牛利多了一份爽口感..正..

 

極品肥牛肉粒..不是講笑..真的很好很好味..有吃得出的肉鮮味..肥牛粒當然要帶點油脂啦..入口軟腍..太好吃..只售68元..超值..必吃之選..

 手切肥牛(大)..亦是鮮味十足之處..我常覺得..一間火鍋店的海鮮與肉類..特別是牛一定要質素好..只要這些材料靚就值得光顧..
這裡的牛肉實在合格有餘..眼見充滿雪花已教人滿足..油脂分怖適宜..若人少少..單點一個湯底加碟牛已經吃得很快樂..哈^o^

 脆肉鯇魚..我是超愛吃脆肉鯇魚的..這個當然大愛啦..肉爽啖啖肉..最怕脆肉鯇魚片..因太多碎骨..這個剛剛好..骨肉分明~

 桂花蚌拼珊瑚蚌..兩樣都既爽口又鮮甜..

 

手打芝士牛丸..手打牛丸較有牛肉味..喜歡它的爆芝效果..吃時記得小心燙口呀..

 

自家炸魚皮..超大件的炸魚皮..我覺得稍為硬身..滾多一會吃會較好..若和平時一樣滾兩下就吃的話就太硬了..

 

響鈴..出自出名多人排隊的'樹記'..我是第一次吃到..帶有豆香味..用這個放在喇沙湯底簡直入味非常..輕輕一浸已吸盡湯底精華..正~

豬肝
平時我很少吃這些..哈..只吃鵝肝..但我知道肝臟對大肚太太有益..所以試試..原來又幾好味喎..都是那句..只要料夠新鮮..湯底好..真是無得輸的..

 

美國桶蠔
很震撼的畫面呀..隻隻超大..其實我都不知自己可不可以吃..但眼見這麼吸引..當然忍不住啦..我深信只要滾熟就一定沒問題的..入口新鮮又肥美..太好吃了..

 

當晚其實還叫了很多其他材料呢..不過真的未能全都吃下..整體我吃過的..都覺得所有材料都夠鮮..料靚湯底正..自然會再有下次^o^

鍋居火鍋專門店
地址 : 深水埗福華街 191號地下
電話 : 2780 1618