同阿B照結構

琴日係同阿B照結構既大日子..呢個檢查算係陀B過程比較詳細既檢查..要係22周前做..我而家21周多少少..差唔多啦..
琴日主要係睇阿B既手指腳指..身體各部份內臟等齊唔齊全..好感恩..樣樣都齊晒^^講真丫..之前真係會驚..我知應該放鬆..但..真係會驚..
我好好彩係威爾斯排到期照..因為好多人都話.如果政府比唔到期照結構就要自己出去搵私家做架喇..最少1800-2500不等..阿B好叻..幫我地慳返D錢錢..可以用係其他部份..坦白丫..生BB真係有好多使費..真係慳得一蚊得一蚊架..
琴日十點去到..十二點幾先照..照左半個鍾就走得..可能醫生按得我肚太多..雖然有JELLY協助'碌'得順滑D..但醫生都用埋都用力架..而且阿B又有郁黎郁去..變左醫生要不停係我肚上碌..可能碌我耐啦..之後個肚都有隱隱痛..係好輕微..不過就有D唔聚財感覺..
21周多D..我開始覺得就算我唔係食好多野..都一樣會持續重落去..UM..我知我應該食多D有營養既野比阿B嘛..有時真係食唔落..不過我都會盡食..因為真係驚阿B吸收唔到..我想佢高D大呀..