同師公拜年

跆拳春茗，帶牽牽同師公拜年，睇得出除左師公好錫牽牽之外，同場好多女仔都好鍾意牽牽，做媽咪見到好多人鍾意自己仔女緊係開心啦。

牽牽玩左人生第一鋪既魚蝦蟹，輸左，不過師公竟然都賠返錢比牽牽，哈，咁著數既^_^

牽牽得14個月無心機坐成晚食飯啦，所以拜完年，我同佢去觀塘，爸b就留底食飯。七點幾走，牽牽就訓著喇，去到apm三聯買買下書就醒喇，之後同佢落無印再去一田就走喇，一心諗住實會買好多野啦，點知只買左本書就乜都無喇，仍然搵唔到日式打邊爐片薄年糕片添，去大阪時入多啲貨先得。