有時最會傷害自己的,其實是自己...
人地對自己唔好,我地應該唔啋佢,甚至應該行開,唔再同佢玩...
呢個道理,我地係BB仔時代就已經識架喇...
只係我地人越大就越走返轉頭....
唔知究竟係想挑戰人地,想人地為自己而改變丫?
抑或係想挑戰下自己可以接受到幾多傷害?
又可能係我地都潛意識傾向鍾意自憐自己,享受悲傷,
我曾經有懷疑過,會唔會係我地根本就唔捨得傷感既情緒離開自己? 每個人都係獨立個體,本身你與我根本就係陌生人,
人地係無義務去愛我,對我好的...
或者你心會諗,我對佢咁好.點解佢都仲要咁對我呀?
喂...人地無叫你對佢好架...係你心甘情願對人地好架咋...
邊個話你對我好,我就會對返你好架???
係你以為,係你想架咋...但其實我無責任架....
我肯比你對我好,咪已經比面你囉...
喂,人人對我好,我都要對返佢好,咁我咪好唔得閒???
聽落好似好衰咁...但你試圖細心諗下...
其實呢種諗法,我地都曾經出現過係自己個腦海入面的...
你仲記唔記得上次亞邊個話鍾意你時...
你個腦先咁諗過...你唔記得左喇?
個時你話佢成日煩住你,以為自己好吸引個個呀...
個個你話佢成日買野比你,但你一d都唔鍾意個個呀....
其實每個人都有賤既時候,
只係我地多數都只記得自己曾經幾咁對人好過,
曾經幾咁偉大之類之類....
唔好去話人地攪到你有幾傷了...
其實喊,可能根本唔關任何人事,只係自己嬲緊自己而矣...
點解要愛過一個咁樣既人???
實在唔想親口向自己承認,呢個係千真萬確既事實...
算了吧....傷心過後又一條好漢了...我地都係唔知死架啦...
明明之前叫左自己唔好再愛到咁盡,甚至叫自己唔好再愛了...
之後咪又係再去愛,甚至愛得比上次更激...
如果你係好彩個批...愛埋今次就可以有一個美滿既結果囉...
如果唔係既話....呢個攪喊自己既惡性循環又會再繼續了...
我都同自己講,我要愛自己,我唔要再比機會人地傷害自己...
我一邊話要學懂愛自己...但另一邊仍然係愛別人多過自己...
不過我會繼續努力的...如果你問我,我最希望就緊係我可以愛自己亦可以愛別人,
同時又有一個人認真地,珍惜的愛著我...我總希望我想要的快樂世界是會出現的....
那裡只會有愛,笑臉,充滿色彩,笑聲....簡簡單單快樂開心地生活就最好了......