比屎公公蝦>~<

牽牽前兩日屙屎屙得好唔舒服，成日都有急既感覺，但就屙得少少，陰公豬屙到佢自己都識話petpet痛，最慘係攪到佢無覺好訓，凌晨三點都突然有屎意要起身，個晚屋企無凡士林，決定用bb油頂住先，幫佢搽落petpet窿附近，等佢無咁乾，唔使屙到咁痛同埋順滑啲，希望啲屎可以易啲出到黎啦。其實作為媽咪既我，都唔識點幫阿仔搽，我都有啲驚唔知點攪好，不過見到牽牽咁辛苦，點都唔可以唔理唔幫佢，唯有大膽試試啦，好彩牽牽都好乖，我知我幫佢搽時佢都有叫過petpet痛，但佢真係好乖，無縮，知佢係忍緊痛，真係好叻仔。然後陸續都一個鐘又急又屙啲，終於日頭屙到粗大啲既，之後就無再叫痛喇，希望以後都唔會再比屎公公蝦啦。