信心未夠..

原本我都好想去2月1號既blog聚會...但..我都係放棄了..
可以同一大班都鍾意整甜品既blog友聚下..相信一定好好玩..同埋可以學到好多野..
今次佢地規定每人都要帶拌手信到場..唔得呀..我真係無信心拎自己d製成品咁樣同人地交換呀..
我好咋...我唔想獻醜呀...所以..都係決定唔去喇..
唯有到時睇返佢地個blog...感受返當時佢地既開心啦...

學懂愛自己了嗎?

今日執野..突然睇返05年返工作坊時..自己所寫要做到既目標..

1. 真正懂得愛自己

2. 只對值得既人好, 不要對人人都咁好, 要記得把自己放得高一點, 不要再最後先諗自己

3. 當面對一些又懶又蠢的人時, 不要咁易火滾, 要對任何人都有適當的耐性
(不過只係適當 而不是無限^^)

好記得當時我同大家既方向有d唔同...大家去學習愛別人..而我學習的...是愛自己..
睇到最尾個一項..我覺得好好笑...特別係...只係適量耐性..而唔係無限..

學習..真係要一生不停的..相對於幾年前..我信自己是有進步的..
當然仲有好大既進步空間..我.會努力的..

這十年來做過的事
能令你無悔　驕傲嗎
那時候你所相信的事
沒有被動搖吧

對象和緣份已出現
成就也還算不賴嗎
旅途上你增添了經歷
又有讓稜角　消失嗎

軟弱嗎
你成熟了　不會失去格調吧
當初堅持還在嗎
刀鋒不會　磨鈍了吧

老練嗎
你情願變得　聰明而不衝動嗎
但變成　步步停下三思　會累嗎

快樂嗎
你還是記得你跟我約定吧
區區幾場成敗裡
應該不致　麻木了吧

快樂嗎
你忘掉理想　只能忙於生活嗎
別太遲　又十年後至想　快樂嗎

kitty新春大型扭蛋機@香港站...20/01/09

任總：海嘯第二波將臨 指威力更嚴重 傳染力更高

【明報專訊】全球金融形勢持續波動，近日一再有歐美大型銀行再次要求政府注資，外匯市場也大幅波動，例如英鎊兌美元匯價昨日便跌至7年多以來的新低，金管局總裁任志剛昨日明確向大眾發出預警，指較去年9月更嚴重的...

睇見呢個新聞...好唔開心..同埋真係覺得...'下..唔好咁啦...>~<'

經濟咁差..點算???不過..日子始終過到的...香港人..加油呀...
我成日覺得..社會大風氣環境差時..人與人之間既關係反而會好d..
咁...其實係好事??定壞事呢??

希望經濟早日可以好返...而人與人之間既關係又緊密d..人情味重既世界..一切都會開心d..(我覺得)

捍衛...

從來我都係一個心軟的人..自問樣樣都會'將心比己'..
雖然唔係d乜野..但人人都唔啋你..我絕對相信係難受的..其實我都有唔忍心..但我知一定要企硬..
可能真係唔係你既主意..可能你真係當罪羔羊..但..事實我係真係感覺到你地係蝦緊我地..
特別係..你應承過我既野..結果做唔到不特止..仲要衰過之前...(我真係覺得自己好蠢竟然信你)
唔坦白或者係你今次的罪命..你既唔坦白..令我覺得自己係又比人呃呀..妖..

整左野食..請大家食..我自己都開心的..因為我係鍾意分享既人...
但..你咁對我..我都仲請你食..我會覺得你就唔會覺得我不滿..我嬲呀..
係小朋友架喇..女人仔..無能力..乜都做唔到..唯有做呢d小動作去表示我既不滿囉....

我話過好多次...影響到我屋企人既事...就即係同我對著幹...我係好捍衛我屋企人的..
我好嬲你蝦我...我更加嬲你蝦埋我屋企人..影響到佢地..我做唔到唔介意呀

氣難下...

今朝起身..仍然好唔開心..一覺訓醒己經即刻諗起...
不公平..唔忿氣..比人呃..各樣加埋..真係令我氣難下..

唔好人講你又講...根本就係人用呢個藉口你又用...我真係好唔想同你講野...

成件事最安慰係身邊人既支持與安慰...
對我最重要既人..先係最緊要..其他的...睇清楚你...以後都唔想啋你...

好唔開心....無晒心機...

留係到咁耐都係為左年尾份糧..而家話無..我超超超超唔開心呀
咁..屋企點過年???咁..我仲留係到做乜?

出面個市又唔好..唉....好好好好好唔開心呀....

送鼠迎牛...衰運快走

接二連三收到唔開心既消息...希望所有衰氣..隨住鼠年尾會走..牛年希望人人都會好...

亞姨自腦手術返屋企之後,佢更加唔肯見人..
係醫院時都仲肯見媽咪..而家佢話一用腦就好辛苦..所以連電話都唔願同人講..探佢佢更加唔想..
身體係佢既..有幾辛苦真係佢自己先知..媽咪好想關心佢..但..又實在唔知可以做d咩??
真係好擔心..希望亞姨身體可以復完得快d..唔好要佢咁辛苦啦...

爺爺入左醫院..今次比之前嚴重..跌碎左臀骨...隻腳又無反應..要做手術..
八十幾歲要全身麻醉..一來我地好擔心..二來對爺爺身體本身又會好傷..
探爺爺時見到佢好心'up'..佢不斷話要出院..
佢仲同may講話..佢對腳其實無事..係醫生姑娘特登唔比佢出院..年紀大..有時思緒好亂...
身體機能係敵不過人類老化定律...我好希望爺爺精神可以好d...
唔好要爺爺承受咁多痛苦..好嗎?
真係好掛住細個時..爺爺每次新年帶我地去圓玄學院玩既時候...

星期六打比契媽..諗住關心下佢近況同埋叫佢著多件衫..
點知佢話我知..佢年底時屋企比人入屋偷野...
d值錢野全部比人拎走晒..門又比人鑿到要重新裝過...
聽到我好唔開心..係真係好唔開心..點解d人要咁衰喎..
你無錢就去偷..咁你偷左人地既..人地又點算喎..#%xyz..
你仲要蝦老人家..頂你..契媽六十幾歲..無人無物..做埋做埋辛辛苦苦既錢..比你咁樣偷晒去..
我咒都咒死你...鬼唔望你一世爛籮柚..坐又坐唔到..醫又醫唔好呀...偷人野咁賤丫拿...

我聽到契媽件事..我真係好唔安樂同好唔開心...
契媽條命..一路都好難行..好辛苦..根本就一直係咁捱..
老公一早唔係到..之後又遇人不淑..攪到自己好慘...
一世佢都對人好..做好人..唔比好報佢..都唔好比惡報佢丫...
點解要係佢六十幾歲時仲要比人偷晒d野喎?

後生你拎晒佢d野..仲可以安慰佢話...唔緊要..仲後生..你仲有體力能力搵過 ...
佢六十幾歲喇..你拎晒佢d野就等如拎晒佢全部...真係好慘的..點解要咁對佢喎...
偷佢野既人不得好死架...

又一次證明..平凡是福..的確平平凡凡可能會好悶...但無事發生其實即係好事架喇..
新一年希望人人都可以平安快樂地生活..一家人齊齊整整,平平安安己經係好幸福既一件事
過山車既人生..或者係好精彩...不過一d都唔好受..更加唔會好多人想過...我只想平安生活就夠..

肥貓仔食西瓜...

炸魚薯條

星期日(04/01/08)我地落左中環..
亨利話帶我去食佢好鍾意既炸魚薯條喎..(佢唔鍾意食麥當勞薯條架..我覺得麥當勞都好好食啦)

我呢d平民..幾蚊就已經tum到自己好開心..亨利要求真係高..(不過又真係幾好味既^^)

睇餐牌都嚇親呀..big big breakfast..邊有可能有人係得晒架??

亨利一見到貓貓就傻架喇...

個日我對眼好腫..所以無乜點影相..反而幫亨利影左d

夜晚去左渣甸街食'咖哩牛腩no公仔麵'...好味到傻呀..好似好簡單咁..但真係好好味喎..

突然的meeting

年紀真係大喇..一下子..真係記得唔到咁多名..
呢個星期係幾日內..亨利分別同我去左兩個比較多人既meeting..
一下子..太多新面孔同新名字…原來..真係記唔到同認唔晒>~<
以前..我認人好叻架..而家..真係差左…

星期六(03/01/08)係完全無心理準備下..要同亨利一大班親戚食飯…完全連驚既時間都無就要上..
個晚連toilet我都唔敢去..因為我驚係toilet撞見..但人地認得我..我唔認得人地..咁好無禮貌呢..唔得...

難得的一聚

老豆今年無假放..細佬又唔得閒..原來只得我陪媽咪去工展會..
下晝打比家姐講開..佢夜晚竟然行得開喎..咁都好..多個人陪媽咪行

今年老豆無假放..x'mas我地都無出到去影相...
媽咪好少同家姐影相..一見有機會..緊係幫佢地影多d啦...

同上年一樣..全場最吸引都係...榴槤蛋撻..其他好似無乜特別..
丫..有既...華園'齋燒鵝'半磅裝..$12.5..最抵囉..呵呵..
仲買左魷魚絲比'搽果jam'吃

新既一年..衷心希望大家都可以幸福快樂