happy birthday to pong pong^^ 阿童木蛋糕

26/11/09...happy birthday to pong pong^^
阿童木蛋糕..溝極都溝唔到黑色..所以變左灰色頭髮.(其實本身黑色部份係咪頭髮黎呢?)

原本想整'胡迪'..細佬鍾意嘛...但媽咪話小飛俠好d喎..

今次只係普通生果忌廉蛋糕..
室溫問題仍然係好難處理..唧唧下又溶..又要放入雪櫃雪一陣再唧..煩>~<
唔知有無技術可以解決呢個問題呢?

又一次充滿阻力既蛋糕...好在最後都完成...
不過今次唔係好滿意個效果...希望下次可以好d啦...

祝pong pong生日快樂...接job接到無停手...好多money係戶口^^
希望你會鍾意個cake啦...

我有少少鍾意左佢^^

近期覺得好sweet..次次睇都笑既廣告...我真係有有少少鍾意左佢^^個小妹妹呀..

希望唔知年頭定年尾個d廣告比賽佢會得獎啦..
個妹妹D表情做得好好..真係好鬼得意^^

無聊發現...

d台式飲品又話大杯既係700cc既?
網上話700cc = 700ml
因唔想整污糟自己隻杯..又想計下自己一日飲到幾多'液體'既關係..
於是就將250ml紙盒裝'道地'倒入台式飲品杯到..
點知????我只係倒左兩盒250ml落去...已經去到隻杯咁高喇..
剩返既位..我死唔信可以再裝到200ml咁多..>~<
證明..>~<生活上係充滿騙局..

什麼都看不清..樣樣都朦一點..生活都會開心d^o^

萬聖節快樂...

萬聖節快樂..係超級市場既免費娛樂呀..哈..

認唔認得我呀?我係肥貓仔呀....我同哥哥係咪好可愛呢?係婆婆同邦邦買比我地扮野架...

你睇我婆婆係咪好掂呢?..哈哈..祝大家萬聖節快樂呀..hohohooo..

循環

陌生時..怯..不安...熟悉後...一切平穩了..
然後...疏懶了...
又要重新適應了...>~<

13的意義...

想做一件事去記低這一天..結果就是被拒絕..改明天

背後的意義...

好欣賞呢位小妹妹難得既一份真..更欣賞每次佢創作背後既意思...加油呀..

戰鬥力...

近呢年..我感覺到有人想移平晒我地...
究竟..我地可以再戰鬥幾耐?

好狼死...

唔開心...city super不嬲出名d野比較貴..係人都知..
點知...一山還有一山高..嗚...

之前係complete deelite既一套唧咀..賣125..
前兩日比我見到city super只係賣48..
我係咪眼花呀???嗚嗚...差唔多3倍呀...會唔會太狼呀?

我知你地係wilton既香港代理...
我知你地係最齊全...
我知有好多野都係獨家..得你有得賣....但...
你地似乎真係太狼死....囉 ....

雖然只係幾十至百幾蚊既事...但..似乎唔係錢既問題..而係..覺得比人呃囉...
真係..好唔開心..

complete deelite既鋪..我始終未去過..我都好想去睇下佢地間鋪有幾專業??有幾吸引??
不過..下次我一定會格晒價..睇晒周圍會唔會有得賣??我先會買架喇...
得你有得賣..你賣咁貴...我無野好講..
但...唔係獨家個d..你賣咁貴...好過份囉..激氣..

第二次既造型蛋糕...我隻pet pet呀^^

25/09/09...第二次既造型蛋糕...我隻pet pet呀^^
有玩過pet society既朋友..應該知道我整緊咩?
一個'任性中負責任'既造型蛋糕...

由於前兩日整既新鮮栗子蓉要快d用埋去..
咁要再整多個啡色主題既蛋糕..
我話過一定唔會整肥貓仔(我唔想切佢呀>~<)
我揀左我pet pet個樣(好殘忍呀)

原本呢個蛋糕係送比契媽生日架..
但整既過程又令我發'忟'憎..(原先設計複雜好多)
室溫又難控制..唧到中間..開頭唧既cream已經溶>~<

第二晚再努力..終於完成返簡單d既版本...好彩...

pet pet對唔住呀...要切你(我叫左媽咪切:p)
契媽..下次我唔會再因為發'忟'...而放棄架喇...sorry..

第一次整造型蛋糕..

22/09/09...第一次整造型蛋糕..
其實唔講既話...大家睇唔睇得出我整緊邊個呢?

栗子忌廉(外層)
什果忌廉蛋糕(內餡)

味道ok架..但外型嘛就有待改進囉...
d食用色素同唧咀..好好玩(當有充份心機&耐性時^^)

自制栗子蓉...

21/09/09...自制栗子蓉...

由一粒粒生栗子買返黎..煲熟..剝殼...壓爛...
(我開始想發脾氣喇...>~<)

終於都壓爛晒..可以過篩喇...
一條條好似d'雀粟'咁..

(已經唔知發左幾多次'忟'憎...絕對係訓練eq既一個方法>~<)

登登登櫈..自家制新鮮栗子蓉...yeah...

呢d野做一次就夠..知道自己識整就得架喇..
最鬼衰本身屋企個罐壞左..唔係就唔使咁辛苦>~<

身體健康

呢兩個月身體好差..年紀大左..就算個樣睇唔出..身體都會話你知..原來你又老左
食西藥食到個人好唔舒服..結果連生理都影響埋..真係好煩...
身體唔好時..身體健康既概念先最強..

之前痛..而家仲痛,,,救命...

2009...爺爺生日快樂

爺爺生日快樂呀..希望你身體健康...老如松柏....其實最緊要係開開心心...
我地好耐無咁大班人一齊影相喇...^^

上一次已經係2003年喇..因為當時表弟仔仲係MAY個肚入面..所以好記得..
6年後既今日..大家有咩唔同呢?

比較下..發覺一老一嫩..變化係最大的..不禁有種心痛既感覺...

珍惜兩個字..突然湧左上黎...


6年時間...後生既一批...即使外表上無乜特別大變
化...

身邊既其他野..絕對可以有好大既差別...

影相...真係可以勾起好多回憶...

好趁青春留倩影嘛...哈哈..大家以後都要影多D相喇..唔係第時會後悔架..


---------------------------------------------------------------------------


這十年來做過的事

能令你無悔驕傲嗎

那時候你所相信的事

沒有被動搖吧


對象和緣份已出現

成就也還算不賴嗎

旅途上你增添了經歷

又有讓稜角消失嗎


軟弱嗎

你成熟了不會失去格調吧

當初堅持還在嗎

刀鋒不會磨鈍了吧


老練嗎

你情願變得聰明而不衝動嗎

但變成步步停下三思會累嗎


快樂嗎

你還是記得你跟我約定吧

區區幾場成敗裡

應該不致麻木了吧


快樂嗎

你忘掉理想只能忙於生活嗎

別太遲又十年後至想快樂嗎

有用嗎?

心累..寶礦力又有用嗎?

或是好勝...

或者你真的不是唱得最好的一個..但我真的很欣賞你..你的真..令我好感動..(感同身受吧...)

可能因為我都係細女.所以感動吧...唱出左我既心聲...

由一開始聽到你答謝安琪..你係international..覺得你好攪笑..

然後..聽到你既'如果我是個男孩'一問始就好高音...我覺得你呢個女仔真係好得意..好有趣..

當時只會留意你..但都未會話去欣賞你...

之後聽到你唱d好sweet既歌...又覺得你..又真係幾sweet喎..

時時刻刻睇見你..都好似好開心咁..(我開始有少少懷疑...心入面既你..係咪又係咁呢?)

我自問都係一個咁既人..但認真..我心入面..其實係有唔開心..
只係唔想令身邊人唔開心..所以好少表現出黎...

自上次聽到你創作'如果我是個男孩'既心聲之後..真係感動到喊左出黎..
你真係完完全全唱出我既心聲...

你知道嘛?我都係屋企既細女..我細個時都成日諗..如果我係個男仔咪好囉...

然後到我媽咪終於生左個細佬出黎...當時又會諗..
如果媽咪佢地一早生左細佬出黎既話...根本就唔會有我..

開始覺得..原來自己一d都唔重要..

所以我同自己講..我一定要做得好好..
我要嗲地媽咪知道...其實我好有用..雖然我係細女..但我唔係唔重要架..

加上我都係一個人前好開心既女仔..我就係想令身邊既每個人見到我都感覺到開心...

你完完全全就講中晒我既諗法...

不過你比我叻好多...你識創作..而且你又咁後生...我己經老喇...

你要加油呀...支持你..年輕真好...

新玩具...

'WILTON'色膏＆唧咀＠05/09/09

交換條件：留家休息
成交...多謝^^(等價交換....)

極期待新玩具的製成品^o^

最近我不斷係到研究緊cupcake呢樣野..
我見人人都話cupcake上面既butter cream好甜..
如果係咁既話...到食既時候..大家其實係咪會唔食d butter cream呢??(加上去只係為左靚?)
我唔想只係得靚.但其實唔好味..
平時整蛋糕..買唔到甜既生果.我寧願唔用..(所以我成日都只用罐頭蜜桃)
用生果裝飾係可以好靚..但食落好酸既話..就有違甜品令人快樂既宗旨..我唔想...

我試過Complete Deelite既薄荷朱古力cupcake..好細個咋..要20蚊.但真係幾好味(係甜..但可接受喎)

翻燒???

無端端翻發燒??點解會咁架?

已經足足一個月喇...點解仲未好返既?
已經睇左4次醫生..睇醫生都睇窮喇...
加埋媽咪幫我配既藥水..化痰素..食藥都食到我傻喇..但都仲未好...

唔通年紀大真係機器壞??(嗚..唔好咁對我啦)

快d好返就好喇...今次病我真係感覺到..原來病係要休息架...
只係普通落街行去食野..已經好辛苦..可能..而家天氣又真係太熱啦...

嗚..重點係..點解病左成個月..都唔覺得瘦左好多既???(只怪我天生太好福氣喇..)

刺...

當大家心中有條刺..唔拎走既話...關係就只會越黎越差...
再係咁落去..佢地究竟會變成點?
雖然唔關我事..不過..真係唔想見到咁...

說話既殺傷力可以有幾大?早於十幾年前我已經好清楚...
當一句說話你好在意時...就算係一句好無聊既說話..都一樣可以影響得好深遠...
我肯定平時充滿自信的O先生..真係有為左個句說話而唔開心... 希望佢快D充忘記啦..

好犀利..今個月我睇左3個SHOW..
其中兩個都係我家既男丁表演..(呵..一早話左我屋企人都浮誇架啦..)
8月16號老豆唱粵曲..30號細佬做李小龍..
老豆個日有影相架..但我放晒係公司電腦..點知電腦壞左...而家都仲未拎得返D相>~<
至於細佬...佢個日又話唔使特別幫佢影相...我部機仔又放左係屋企..SO..兩個都無相..激死..

只想你快樂...

真正愛錫你的人..只要見你快樂便夠....
你快樂..所以我快樂...

希望大家會比機會華仔..希望大家會記得過去華仔所付出過既一切..
希望大家體諒華仔係為左悍衛家庭.事業..而過去對大家既唔坦白..
幸福之神...希望你唔會離開華仔吧..

我明白..無論如何講大話在先..係華仔唔岩...希望大家體諒..或者係奢求...
但實在..其實係私隱...講幾多..應該係自由的...

有好多野..唔洗講咁多...講多錯多..基本講了就夠..

人與人之間..有時關係太親近...原來係會變到好煩....

終於...出現...

愛上你..超過二十年以上...
雖然很愛你..但..都不是你做什麼我都盲目地覺得對的..(當然你不介意我的想法^^)

見到華仔終於出現係朱爸爸既墓前...好戥朱爸爸安慰..
起碼...證明華仔真係愛自己個女..因為佢明知全世界都係到裝華仔會唔會出現時...
佢今次都記得...應該為人地個女做返d野..
我明白..華仔一直都應該為朱家做過好多野....但.始終係人前係唔認佢既身份...
我相信都係難受的...當然大家都知佢係天皇巨星..要顧及偶像既形象..不過..
作為女性既角度睇...我真係好想佢認朱小姐的..(畢竟已經二十四年了...)
大家都係女人..點會唔明?錢係好重要.....但..
如果個女人真係好愛佢....可能..佢認佢比佢有錢更開心都唔奇..
(錢..係要黎生活..係現實迫人需要...至少我係咁諗..)

沒有電腦的日子...

公司電腦已經壞左成個禮拜...無電腦用既日子..真係好唔方便..
咁係咪話無電腦就過唔到日子呢?我又覺得唔係...
只係如果係office..無電腦用就煩d..如果我係係戶外..甚至係耕田既人..無電腦又有乜所謂喎..
所以..都唔可以話..唔可以返轉頭既..呵呵...

不過..我仲要係office生活..所以..都係要有電腦用先得^^
快d整好就好喇....

點解仲未病好架...唉...食藥食到我覺得有d煩喇...
咳同鼻涕亦都令我覺得自己好被人嫌棄
快d好就好喇.... 

好彩仲有麥提爽同三水妹陪我..如果唔係.呢排既日子都唔知點過喇..

變甜了..

藥水會令清水變甜...真神奇^v^

我要一棵蘋果樹

二萬日元可以買一棵蘋果樹..收成時園主會電郵通知...原始得黎又現代^^

我都想有一棵..收成時可以同身邊人分享..諗落都覺得sweet呀..

不過...如果有得揀..我想要蜜桃樹多d..感覺再sweet d嘛..呵呵~

顏色藥水

遇見好醫生..心情都好D..^^
不過我岩岩到個時..聽到有個太太同佢既仔女係到話..要投訴我今日睇個個醫生呀..
希望佢會無事啦..佢咁好人..點解會比人投訴架...
之前朝早同下晝個個女醫生..就真係想投訴佢喇...又無禮貌..又無耐性..完全覺得佢嫌棄緊D病人...

紫色...橙色...粉紅色...點解藥水要整到D顏色咁靚?(糖衣外表係呃人架..全部都好難食>~<)
快D唔使食藥就好喇...

被選為最慳家..最孤寒既星座..值得高興咩?我都唔明...
可能都算係一個獎卦..不過如果比著係我...我就唔會為左呢個獎而開心喇...
唔到你唔信..星座運程就未必準..我都唔係好睇..但星座性格好多都準架...

病ing

病左成星期喇..仲未好..>~<
今次真係傳染架...公司啦..屋企啦..周圍既人之前都病...
之前我仲口多多話..睇下我身體幾健康..你地個個有事我都無事...下次都係唔好咁多口喇...

一諗起'酒井法子'件事...不其然就有心痛既感覺..或者佢既形象真係太純..太似小白兔喇...
知道佢吸毒..的確覺得...有d怪怪地...但真係好衰..係偏心...真係覺得.最衰都係佢老公架...
我知佢咁大個人應該有自制能力...唔可以心賴人...但...真係會對佢偏心囉...都係佢老公最衰...

佢老公另一樣衰就係...佢篤佢老婆出黎囉..我知..講事實..唔應該話佢錯既...
不過正如日本有一個老一輩d既男藝人講...'知道咁講係有d唔負責任..但..
作為老公應該要保護老婆囉...的確事實始終都會比人知道..作為男人既酒井老公..而家真係好核突呀...

我成日都有一刻覺得..應該要勤力d...唔好咁懶...應該打返多d blog..
但總有多多少少既藉口令自己..唉..唔打喇...電腦慢啦..好多野要攪啦..唔得閒啦..唉..
又睇下今次可以勤力幾多篇...

心病還需心藥醫..好朋友..我真係知道你既唔開心係點架..你放心呻啦.我真係明的...

食左藥..做乜都無心機..行條長d既路都覺得..好鬼死累...

我都唔明..點解每一次'胡杏兒'做親既角色都係個d好心做壊事..
明明已經決定對別人狠心..但另一方面又係到扮好人..好煩呀你..
攪咩次次你d角色都係咁架...衝上雲霄..zoe係咁...肥田又係咁..而家高惠盈又係咁..
次次都係一廂情願地迫人地做你想做既野..你好煩呀..比d空間人地得唔得呀?
你自己開開心心咋..咁人地唔開心個舍 要d空間都得卦..人地都叫你走啦..仲成日係到迫人..你好煩呀...
你揀第二個就唔好再係到扮好人對佢好啦..你咁樣叫內疚.諗住對返人地好呀?咁樣令人仲難受呀.
唔好成日迫人地接受你既一切啦..唔該唔好再成日係到扮好人呀..你好死煩呀...
你外型聲線各樣都唔錯丫...但..偏偏你真係令人無好感囉..唉...
好開心有佘詩曼睇...係..佢係嗲精...但我鍾意佢多好多...呢d嬌的的既女仔..真係得人鍾意好多...

熱到嘔

'麻吉'今日開張.希望生意興隆..越做越有...

天氣真係好差..熱到癲呀...喵喵仲熱到嘔添..好擔心...

琴日已經感覺作病..今日仲要熱成咁...真係死硬...

小白兔棉花糖

白兔仔棉花糖...味道ok架..但造型真係有待改進...要練多d先得...
其實如果我唔講..你地睇唔睇得出整緊咩呀?
屋企只得細唧咀...攪到唧唔到肥嘟嘟既白免仔...>~<

今次係用蛋白..我嫌好似軟左d..下次試下加埋粟膠..睇下會唔會煙'un'd先...
呢d棉花糖..點為之好好食我唔知..但我夠膽講唔難食架..哈哈...XD

味道GOOD過個外表架...:P

快樂事..

好開心..家姐最近蜜運呀...好開心聽到佢話..有幸福既感覺^^

我同意女人真係可以感動返黎架..
因為你對佢好..因為你令佢知道..原來自己值得別人愛錫...

好開心..家姐今次肯聽我講...放底自己一向要求應有既條件..而開放地去感受對方...
聽到佢地真係一齊左...知道佢好錫家姐..我真係好開心...

祝人人都可以有幸福既感覺..^o^

冤屈氣...

一句唔記得就乜都可以甩身..咪就係你容許.佢地先夠膽咁講囉...

最近實在係覺得唔開心...唔開心在..經濟差..令人更加無選擇..無生氣...
即使好氣頂....我開始連反駁都唔想喇..駁黎做咩?講左.你又係繼續幫住佢地架啦...根本就係唔公平...
佢地而家不負責任..你又容許..咁我仲可以講咩??
如果人人都會為自己做過既野負責..根本就唔會有問題...
大佬..賣左野唔使收錢既...一年係咁兩年係咁..
如果你一開始自己會跟緊d..根本就唔會攪到咁多無辜既人而家一齊比人鬧...

真係好野...生左仔唔使養...你老婆黎話你時..就答佢一句..哎呀..我唔記得我生左仔喎...你唔好去死...

負責任既人就不斷要為不負責任既負責埋..咁要佢地黎做乜呀?
我又無權話唔理佢地d野..但點解唔可以請d真係會做野既人喎...
寵壞佢地既係你呀..

再黎一個去街袋^^

再黎一個去街袋
你地睇下...hee^^換到喇..換到喇..劉卓浩做得好呀^^
以後除左有新衫著之外..連出街都可以揀袋喇..呵呵..

肥貓仔精選百佳環保袋
係咪好靚呢???我講緊我地3個model呀..卡卡卡...
'笑牛(laughing cow)'個個唔係我地架...係'搽果jam'架..我地借黎影相架咋...

我同'毛毛'轉左袋架...

又換下位先...我'肥貓仔'緊係要企中間啦..話晒我主角黎架嘛..

我的出街袋...

係咪好靚呢?以後我可以袋入呢個袋出街喇..^3^

特別嗚謝 : 劉'亨利'之竭力幫助..做得好呀...我媽媽好鍾意呀..好襯我...多謝你呀...

環保袋似雞咀??

我已經有一段時間無見過大家喇..係咪好miss我先?(我知一定係架喇..唔使怕醜喎)
比返之前婆婆買比我地既新衫大家睇下先...
係咪覺得我肥左呢??其實唔係架...只係黃色著到我肚腩好似大左咁咋..其實我都不知仲幾fit呀..

最近好悶呀..諗d野攪下先...姨婆送比婆婆既士多啤梨環保袋..我緊係第一時間拎左去玩啦...

你地睇下..似唔似雞咀呀?啄啄啄...^3^

你地睇下呢張相..我係企係到架..係咪企得好型先...好似仲有d串添呀..呵呵

成珈瑩 ~ 太可愛...

睇返以前瑩瑩'陀槍師姐3既'演出...攪到我又上網搵下佢以前其他既演出..
真係好鍾意呢個妹妹仔..太可愛..做戲又叻...太得人鍾意喇...好掛住佢呀..

比我上網搵到'烈火2'既片段...真係百睇不厭呀..

有個咁可愛既女..真係乜都'lum'晒...

瑩瑩而家已經15歲喇..真係大個女喇....(我想唔認老都唔得喇...>~<)

希望瑩瑩越大越靚女..學業進步啦...