Angel in Jacobland: 3月 2008

2008年3月29日星期六

香港科技園2 ~ professional model^o^

上文提到...本人於'香港科技園'見到某女子擺既奇特pose..而慨嘆自愧不如..
有關相片已經到手..當然要第一時間同大家分享啦...去相...

你睇下...呢d咪係professional model囉...我覺得係完全忘我..同投入呀...
自問就真係...未夠班..(為左唔好咁揚..所以我將專業model打左格仔)
幫呢位女仔影相既男友人係企係女仔既正面影緊佢架..我地呢張只係係遠距離既側邊偷影..
下面綠色草地為地下...呢到係水池邊黎架...

2008年3月24日星期一

香港科技園

一直我都幾鍾意去'數碼港'..可能因為個到比較靜..而且周圍既建築物都有一種型既感覺啦
(好多人都知個到好啦..你睇'貝沙灣'..貴到呢...)
估唔到原來香港有第二個地方會同'數碼港'幾似..就係'香港科技園'喇..
呢到就多人d..因為佢側邊有單車徑..
基本上我諗而家去親踩單車既人都已經知道有呢個地方..(我真係鄉下>~<)
我諗假日呢到都唔會太多人..因為呢到係返工既地方..其他差唔多乜都無..所以應該唔會太多人黎..
難得假期都唔使同人迫..good..

好攪笑..影影下相見到一個女仔好投入咁擺左個pose..我即刻叫'亨利'偷影左..
最衰唔記得問佢拎返張相..>~<拎到後即刻比大家睇..包你話佢'勁'..
自問就無佢咁勁喇...來來去去都係個d pose..唔得..我都要學下佢咁..pro d先得^^

呢排係拜山既日子..上星期去左'寶福山'..今星期就去'圓玄學院'..
黎緊要去'荃灣華人永遠'..都好..感覺上假期好充實呀...

日子久了...印象都模糊了...

2008年3月22日星期六

可愛的'搽果jam'

'搽果jam''lam'毛..你睇佢"lam'得幾咁落力..扭身扭勢咁都仲要'lam'..好攪笑

係未認識'搽果jam'之前..一直我都覺得大既唐貓係好惡,好唔可愛架..
識左佢之後..我就大大改觀了...佢好得意..同埋好靚架..同埋佢好似真係識聽你講野咁..好攪笑

佢又好八卦..見你開親野食..就算佢係唔食既都好啦..佢都一定要你比佢聞下..
聞過佢就會走架喇..但你一定要比佢聞下囉..唔係就企係你側邊唔走..好好笑

雖然我同'搽果jam'只係識左年幾,不過已經好有感情...
'搽果jam'已經15歲架喇..一諗到呢到我其實就有d唔開心同埋擔心.(眼淚不期然就湧出黎)
我好希望佢可以身體健康..長命d..可以陪我地耐d就好喇...(唔知係佢陪我地?定我地陪佢呢?^^)
由細到大我之所以唔敢養動物,就係因為唔想面對佢地會離開我..
生離死別係好正常我都知..不過..我真係好唔想同唔識點面對...

其實'搽果jam'本身個大名係叫'jammy'架...hee^^搽果jam'只係我呢年幾改架咋..
但我咁叫...佢又真係好似識'應'你咁架喎(佢真係好醒架)

係佢教識我原來貓貓叫唔係一定係'喵喵'聲...原來有d係'哇''哇'咁叫...
我同細佬係街見到d貓貓..試過同佢地'喵'係無反應..但對住佢地'哇'..佢地真係有反應架...
你遠距離示意指住jammy個鼻鼻..佢感覺到就會'哇'返你一聲架喇...
試過有一次..佢對住我哇'時我'哇'返佢..佢竟然又'哇'返我喎..我同佢就係到'哇'黎'哇'去..
之後佢仲肉緊到跳落地..行去我前面..繼續同我'哇'..好攪笑