育有一子..相信愛可行通全世界..愛肥貓仔..愛扮靚..愛吃愛煮..愛生活.. 新奇事物能充實生活..一切從心出發.. 找我可電郵至hkangeleung@gmail.com
2008年10月31日 星期五
2008年10月28日 星期二
個個都咁自私架>~<
明明係我叫人地入黎幫我整電腦既..你地班人一個唔該全部係到打尖...
你電腦有事..自己唔識打比人地架咩?你手跛架?我約左佢3日..打左好多次電話先約到佢架>~<
人地16:30先入到黎..你地一個二個仲係到打晒尖咁..咁我唔使整啦..
頂你個肺..17:58同事可能有少少唔好意思啦..叫電腦人過黎幫我睇睇部機有咩事?
(真係唔該晒..留返咁多時間比我)
我唔收工..人地都要收啦...2分鐘..睇到d咩呀?
點知電腦人過黎時..仲要比多個同事截左入佢房話有個小問題想問...頂...你地呢d咩人黎架????
嬲到我個頭出煙呀...結果..電腦人話幫我scan下部機係咪有毒先再睇下點整..
但一scan要幾個鐘..佢幫我裝遙距..今晚返去先再幫我攪..
我都話架啦..我唔收工..人地都要收啦..低能...
今日真係上左好寶貴一課..係我自己蠢..諗住我為人人...人地當我傻仔咋...以後我都唔會再咁好人呀.
次次都係咁..永遠都係我就晒你地..都唔知有無攪錯架?
全部d人都係咁自私架...死人自私精
2008年10月14日 星期二
2008年10月12日 星期日
happy birthday to 媽咪
06/10/2008.媽咪舊曆生日..我地約埋契媽放工上左深圳食飯...
深圳'譚魚頭'裝修幾鬼靚..(不過我無影..卡卡卡)
我估靚過香港(不過我未去過...卡卡真低能)
一心諗住今次家姐係埋到..可以影到全家福..點知老豆又去鬼左廁所...等極都未出黎 ..激死人
每次上大陸我都好鍾意行超市個d..因為總覺得會有d新奇既..香港無既野可以買到..
點知唔夠時間...無超市可以行..唔忿氣...見到屈臣氏都照殺..yeah..皇天不負有心人...你睇下..
阿童木既鐵罐/樽仔係咪好靚呢??6蚊人民幣一個..都ok丫...
仲有..阿童木鐵紙巾盒..30蚊人民幣..入面仲有餅添..唔食都抵啦..係咪?好靚呀...香港係咪無先?
08/10/2008..媽咪正日生日呀...happy birthday to 媽咪^^
今次整既蛋糕係...木糠布甸蛋糕...
呢排d生果好差呀..唔靚...唔甜..又貴..連罐裝既地們蜜桃..都唔知點解好難食..
所以今次只用左朱古力裝飾(呢期我好努力咁研究緊呢樣野..原來都好有難度架..)
我隻蝴蝶本身對翼係飛起架..點知係雪櫃拎出黎之後..室溫高..攪到對翼..跌返落黎..變左平面..激死..
睇呢張相..其實我覺得似係'肥貓仔'生日多d囉...
2008年10月2日 星期四
靚唔靚呀?
呢兩張係'亨利'為跆拳比賽而畫既宣傳公仔..係咪好得意呢你地覺得靚唔靚呀? 呢張係今年..08年既..
我就緊係覺得靚啦..呵呵..
下面呢張應該係上年卦..(我估架咋..)
我自己就鍾意今年個張多d..因為好可愛..
不過上年個張好似打得狠勁d咁有隻虎牙架..睇唔睇到呀?
其實兩張都好唔錯丫..係咪呢??呵呵呵~