牽牽第一個聖誕Party..「SWISS KISS LAB x Play Art Kids 親子童樂 X’mas Party」

早前同牽牽參加左「SWISS KISS LAB x Play Art Kids 親子童樂 X’mas Party」，呢個係牽牽人生第一個聖誕Party，做全職媽咪既我，最開心就係可以帶埋仔仔周圍玩，當日牽牽玩得好開心。

當日去到Play Art Kids遊戲室做左一輪熱身後，就開始親子瑜珈喇，哈，媽咪硬骨頭都要努力陪牽牽一齊玩，

老師好比心機教牽牽呀

牽牽同Syreeta玩到訓晒地XD

玩完親子瑜珈，就輪到試產品喇，聖誕佳節當然有聖誕禮盒啦（我總覺得買護膚品等聖誕禮盒出係最抵^^）

牽牽呢個八掛豬都好奇樣樣試下

仲幫自己搽添（≧∇≦）都好好手勢架，平時日日都要搽lotion嘛。

試完產品又到集體遊戲喇，小朋友係人造雪入面幫手搵返啲拼圖，牽牽玩得好投入呀。

 

最後仲有聖誕節目「玩雪」，個個小朋友都玩到成身都係，好開心，牽牽仲玩到唔想走添。

今次親子活動玩得非常開心，多謝SwissKissLab、PlayArtKids & Syreetasik邀請呀，日後如果多啲呢啲親子活動就好喇。

**活動由品牌提供，如欲對產品瞭解更多，可到以下網址瀏覽：

https://m.facebook.com/SwissKissLab

#獨家招募 #親子童樂XmasParty #瑞士阿爾卑斯山泉水系列 #SKL小粉絲 #Ecocert #SwissKissLab  #Natural #Organic #Skincare #SwissAlpsWaterLine  #PlayArtKids #Xmasparty #Celebration #LetsParty #MumandKids #syreetasik

脫髮既煩惱^^..五十惠養潤育髮精華素

自生牽牽之後，甩頭髮多左，仲開始有白頭髮，以前絕對無脫髮既煩惱，而家就>~<

諗住唔好日日洗頭就可以甩少啲啦，隔日洗結果都係會甩返每日洗既兩倍，真係混吉。

睇見額角疏落既毛髮同髮界開始明顯，真令人頭痛。

五十惠養潤育髮精華素 160ml

1. 激發毛囊活力，促進頭髮生長 

2. 提升頭髮密度

3. 持續使用4個月，減少掉髮達32%

4. 減慢白髮生長

雖然產品教每日早晚各1次，但湊仔媽咪又邊有咁多時間幫自己扮靚呢，隔日洗頭，每次都用到已經偷笑（需知道入廁所，經常會有個小鬼敲門(￣∇￣)）

每次使用，我都會噴於有需要既濕髮上，然後按摩，最後用風筒吹乾就得喇；其實乾髮或濕髮上都可使用，不過我鍾意濕髮時用多啲～

使用三星期多後，額角同髮線位，感覺上好似有啲小毛髮出現返，希望繼續keep住用，效果會更明顯就好喇，甩頭髮情況我覺得明顯係少左，梳頭同湊仔時就好清楚知道，特別係湊仔時，平日牽牽成日都會扯甩我啲頭髮，呢段時間好明顯無咁易比佢扯斷/扯甩頭髮，至於我自己白髮情況只屬輕微，所以我未有特別留意。

**產品及資料均由品牌提供

每人喜好不同，以上只屬本人之個人感受；

如對產品感興趣，可到以下網址作進一步暸解：

http://www.50megumi.com/2017/index.html

#50惠養潤育髮精華素

#50種珍貴養潤成份 #日本養髮慨念 #改善產後掉髮 #清爽不黏笠 #頭髮強壯返

幾忙都keep得到^^..王朝滴雞精 - 美麗四物

自當全職媽媽後，基本上好難早訓，更好難夠訓，小朋友訓覺後，仲有排山倒海既家務趕住做，因為小鬼一醒又乜都做唔到了（≧∇≦）雖然好忙，但我係好享受每日同仔仔一齊的，每日又忙又趕又勞氣，但我很快樂。最近除左照顧仔仔，都忙於照顧家人，

​娘家、屋企兩邊走​，幾忙幾頻撲都好，我知我地一定會打贏呢張仗。

王朝滴雞精 - 美麗四物 65ml/包 10包/盒

​

〖高蛋白，零脂肪，低鈉量〗

古法提煉除了保留了雞湯的甘甜與香濃之外，同時去除了本來的油膩感及高熱量，令啖啖精華也是 “高蛋白”，“零脂肪” 及 ”低鈉量”。 

成份：

純滴釀雞精， 當歸，黃耆，枸杞，紅棗

主要功效：

·       為身體提供豐富膠原蛋白及；

·       9種人體必需的胺基酸；

·       大補元氣，復原體力；

·       加快創傷癒合；

·       改變大腦機能；

·       促進消化，加強脂肪分解；

·       補肺補肝；

·       增強免疫力；

·       補氣活血。

建議人仕：

·       順產後媽媽 （產後三四星期）

·       想孕媽媽

·       上班族

·       長者

·       吸煙

·       小產後第三至四周

·       手腳冰冷

·       生理期後

·       高壓力

·       多應酬

·       長期熬夜

正當我身心都好忙碌之際，「王朝滴雞精 - 美麗四物」就岩晒而家既我，夜訓、壓力大、頻撲係我最近既感受，每晚一包，放落熱水浸幾分鐘就飲得喇

我試過就咁飲

又試過倒出黎飲

真材實料無呃架，真係足65ml架，而且飲完會發覺個杯真係唔油，入口有淡淡既藥材同雞香味，易入口，其實可以講係好味道添

不過「美麗四物」呢款有藥材，我就唔比牽牽試喇，下次買普通款比牽牽飲先，一日一包，增強身體免疫力，就黎要返幼稚園喇，真係要打好個抵先得。

係呢段時間我身心都忙都爆，難得皮膚、面色同身體都keep得到，無捱病、無殘到，「王朝滴雞精 - 美麗四物」真係應記一功。沖完涼，零化妝既情況下，感恩皮膚、面色都仲算見得人卦^o^

**產品及資料均由品牌提供

每人喜好不同，以上只屬本人之個人感受；

如對產品感興趣，可到以下網址作進一步暸解：

http://www.wangchao.com.hk/  

https://www.facebook.com/wangchao.hk/

肌膚總要一點油..CATTIER Paris

最近，身心都好忙，但幾忙都要記得護膚，如果唔係好快就會𣊬間變老女>~<

呢幾日開始轉天氣，真係好怕天氣乾燥，一乾就好易痕然後敏感，一敏感就成個人會無晒心機，所以無論幾時，皮膚都需要一點油去滋潤一下。

來自法國既有機護膚品牌 CATTIER 正正切合我所需，產品除藴含能吸走皮膚毒素既天然礦物泥外，每件產品都用上唔同既天然有機油生產，咁就既可吸走肌膚上既毒素、同時得到滋潤啦，於秋尾將寒既季節（其實都應該冬喇）最適合不過～

CATTIER Paris Lip Care 4g 

以多種有機天然油製造，帶有淡淡令人放鬆既香草味

用後感覺滋潤同時防護雙唇，本身充滿乾紋既咀唇塗後𣊬間得到滋潤，而且仲keep得幾耐，即時sharp返晒～

CATTIER Clay Mask 100ml 

由於以天然礦物泥製造，塗開第一感覺本以為如一般深層清潔面膜一樣，用後皮膚會很乾，要即時補水個隻

不到十分鐘已開始見面膜有點乾，心想更肯定用後會繃緊啦

怎知用溫水潔面後感覺很神奇，竟然是有滋潤、舒適既效果，而且皮膚觸感仲好似軟左，完全估唔到這支面膜竟然可以帶走皮膚毒素，同時滋潤皮膚；最近天氣開始凍，皮膚乾燥既季節就最適合用這支Yellow Clay Mask喇。

CATTIER Hand Cream 75ml 

作為全職媽媽既我真係好矛盾，一方面會好想自己有一雙軟滑既手，去拖住牽牽既小手，但另方面會因為全日都要做家務，又懶帶手套，對手想唔「鞋」都難，拖hand cream最怕就係膩同難吸收，滑潺潺實在做唔到野的

CATTIER這支hand cream最好就係唔膩，塗開一陣就吸收晒，而且乾紋亦好快撫平，我好樂意繼續用佢，潤而不膩，就算搽完之後做野都完全無問題；自當全職媽媽後，我試過好多次對手乾到痛同流血，當時迫於無奈唯有搽啲膩既hand cream，再帶埋手套先去做家務，但咁樣真係超唔方便呢。

銷售點：Food For Life

灣仔皇后大道東77號地下 電話：28937001

跑馬地源遠街1號 4號舖 電話：2893 7790

AEON 攤位：

康怡廣場Aeon

黃埔Aeon

九龍灣Aeon

荃灣灣景廣場Aeon

網上銷售點：

Food for Life 網店：https://goo.gl/bonzuX

而家只要到 Food for Life online - https://goo.gl/bonzuX 選購任何貨品，並於結帳時輸入優惠代碼 CATTIER15，即可享全單85折優惠。

條款及細則： 優惠代碼只適用於Food for Life online - https://goo.gl/bonzuX購物網站推廣優惠活動

購物滿港幣400 元可獲免費送貨，如購物金額為港幣800 元以下，本公司將收取港幣70元的運輸費。離島，邊境禁區暫時不會提供送貨服務（東涌除外）。

優惠期由即日至2017年12月10日23時59分59秒貨物出門，恕不退換。

Food For Life生命之糧專門店有限公司保留－切以上優惠活動之最終決定權。

#CattierHK #foodforlifehk #organic #natural #claymask #mask #skincare #lipcare

**產品及資料均由品牌提供

每人喜好不同，以上只屬本人之個人感受；

如對產品感興趣，可到以下網址作進一步暸解：

https://www.facebook.com/cattierhk/

好聲好睇好服務..Sudio 耳機「一年換新」保養服務

最近身心都忙到一個點，半夜想比自己抖下時，(￣∇￣)灰，一直用緊既藍芽耳機啲聲有啲唔同左，嗚，唔通連個天都唔鍾意我，忙到死想抖抖享受下自己時間都唔得>~<

諗起Sudio既耳機係有「一年換新」保養服務，即send e-mail過去問，（≧∇≦）太好喇，只要比齊資料，好快就收到佢地回覆話可以送返個新既藍芽耳機比我喇^o^

完全無諗過原來藍芽耳機呢類小型個人電器都會有咁好既保用服務，過去一般耳機有問題，多數都係買過另一個就算，未試過會原裝送返個全新既比我，所以今次Sudio送返個新既比我，簡直受寵若驚^o^

我本身已經好鍾意Sudio呢個 Vasa BLÅ - Pink 粉紅藍芽耳機，原來仲有咁著數既「一年換新」保養服務，咁以後屋企人、朋友要買耳機就唔使諗啦，一定介紹佢地買Sudio。

無論係online，抑或實體店購買Sudio耳機，都會享有一年保養售後服務；係Sudio官網購買就唔使保留收據，只要提供登記電郵地址、姓名、耳機型號等相關資料，send去 info@sudiosweden.com ，一般24小時內就會收到回覆，非常方便；而係實體店購買既，就需要提供當時購買有效收據喇。Sudio 好少會要求客人寄返舊產品（實際以情況而定）。如真係有需要，用平郵寄返去就得，好平。

Sudio會為一年內購買需要保養既產品「免費換新」（非人為損壞）。Sudio並不會維修產品，一般情況都會發送新一副產品比客人。

**產品及資料均由品牌提供

每人喜好不同，以上只屬本人之個人感受；

如對產品感興趣，可到以下網址作進一步暸解：

Sudio香港&澳門官網獲取支援服務：www.sudiosweden.com/hk

近期的煩惱..打仗中..請祝福我們吧

今日係第十一次電療喇，完左之後，條路究竟應該再點行？呢段時間，我講得最多既就係見步行步，病令人個種無助感實在太恐怖喇，我係企係側邊做陪伴個個，個心其實都慌，更何況當事人，主呀，希望你可以指引一條明確既路比我地，等我地不致於太慌亂吧！一定要加油，撐住呀💪🏻

呢兩日我開始有啲咳，頭痛，今次真係會主動乖乖去食藥，希望快啲趕走啲病菌，我唔冧得架，我要有好身體先可以繼續照顧牽牽同陪屋企人打呢場仗架，一定要快啲好返。

商場有水玩^^置富‧Monchhichi‧夏日水上嘉年華

做左媽咪先發現，原來暑假香港各大商場都有好多節目，務求吸引家長們帶小朋友一齊去消費。呢排唔係落雨就熱到癲，對家長黎講，去商場涼冷氣絕對係最佳選擇，但係室內太多，其實對小朋友都唔健康，始終吸收下陽光，流下汗先係小朋友最想既活動，夏天就更加應該玩下水，估唔到竟然係商場都做得到。

沙田置富第一城今年攪左個*置富‧Monchhichi‧夏日水上嘉年華*，只要指定日期係商場消費港幣150元以上，就可以換領遊戲劵一張，家長係冷氣商場消費，小朋友可於商場中心玩水消暑，一個商場滿足晒大人細路兩邊要求。

牽牽而家91cm，岩岩fit到入場玩既要求（90-120cm）始終牽牽仲細，一開始緊係玩啲小小朋友既「波波池樂園」熱下身先啦。

仲以為牽牽會驚「撐船仔」，叫定工作人員幫手照顧下，點知佢一上船仔自己即攪手柄出船，完全唔使人幫喇，開心到呢～原來佢比我想像中大膽。

唔好睇條水滑梯好似好簡單咁，原來佢個名真係無改錯架，「極速水滑梯」真係瀡得超快，牽牽係岩岩夠高入場既細粒小朋友，一瀡就成個人浸晒落水，佢極速起身話有啲驚，但幾秒後又即話玩其他喇（≧∇≦）

「水上飛鏢」牽牽玩得勁開心，企係外面陪佢玩既我都好想落去玩埋一份。

「夏日釣魚樂」算係最最溫和既一個遊戲，如果未夠90cm就可以玩呢個。

「滾筒水上飄」對牽牽黎講太刺激喇，所以我地無玩喇。

去「開心照相區」同monchhichi say hello，影埋相後就去換雪條喇。

玩完爸爸大人去黃大仙教拳，我同牽牽就去旺角搵婆婆，商場旁邊就有巴士直到，好方便。

沙田置富第一城個商場有好多食肆，商鋪亦唔少，交通仲幾方便，難得可以係商場中心玩水，我覺得都值得特登入去，不過要留意換遊戲劵時間，同記得幫小朋友帶泳衣、毛巾同拖鞋呀（≧∇≦）

活動：置富‧Monchhichi‧夏日水上嘉年華
日期：7月27、28、29、30及8月3、4、5、6日
地點：沙田置富第一城（港鐵第一城站C 出口）
時間：第一節換領遊戲卷時間：10:45
　　　第一節活動時間：11:00 – 13:40
  第二節換領遊戲卷時間：13:45
  第二節活動時間：14:00 – 17:00

參加方法：凡於置富第一城內即日消費滿$150或以上，即可換領夏日水上嘉年華遊戲券一張，免費參加水上遊戲項目。
*每套發票只可換領一張遊戲券，每人每次最多可換領遊戲券2張，遊戲券數量有限，送完即止。

水上遊戲項目：極速水滑梯、滾筒水上飄、撐船仔、波波池樂園、開心照相區、水上飛鏢、夏日釣魚樂、攤位遊戲、沙畫工作坊、充氣彈床
*其中攤位遊戲日期為：7月29-30日
沙畫工作坊日期為：7月30日
充氣彈床日期為：8月5-6日

#置富 #monchhichi #夏日水上嘉年華 #置富第一城 #水上樂園