柚子蜜蛋糕仔(附食譜)

27/07/2008...柚子蜜蛋糕仔...估唔到又幾好味喎...
細個時好鍾意食蛋糕仔..但都幾貴架..一磅而家起碼要十幾蚊以上..
一直我都唔明點解要賣到咁貴..(佢其實同一般蛋糕無乜分別..只係放係唔同既焗模之嘛)..
今次整完大約都明少少喇..原來將d蛋糕液逐少逐少倒入紙模係幾花時間同功夫架)
你睇我既蛋糕仔有大有細就知啦..我第一次整..未充分將握到..應該每個倒幾多先會焗出黎岩岩好
不過個色都算幾靚丫..hee^^都係個句..出爐時就最好味...
雖然放到第二日第三日都唔會太差..但一定唔夠出爐無耐既口感囉..
不過岩岩出爐既..係好易令人越吃越多..肥死呀..(我已控制自己試少少..比人試多多...一齊開心嘛)

今晚我又再整過蛋糕仔..不過今次係加左一隻香蕉...唔用柚子蜜..轉用蜜糖..
個樣睇落去無乜分別..但味道就有d唔同喇..
同埋今次倒得好d..變左又大又細既情況改善左少少..不過唔記得左影相就分好晒比人喇..下次再影啦..
兩點喇..要訓喇..早抖...Zzzzz...

柚子蜜蛋糕仔

材料 :

蛋  4個
糖  20g
柚子蜜  2湯匙(約30 ml)
低筋麵粉  90g
沙拉油  2湯匙(煮食用油都得  約30ml)
鮮奶  2湯匙(約30 ml)
他他粉  1/4茶匙
糖  50g(我覺得甜..所以改做40g)

做法 :

1. 先用150度預熱焗爐(預熱5-15 mins)
2. 蛋黃加20g 糖打成淡黃色，加入柚子蜜打至濃稠，加入鮮奶及沙拉油拌勻
3. 將麵粉過篩，慢慢加入蛋黃糊中
4. 蛋白打起加他他粉，再將50g 糖分2次加入，打至企起
5. 將蛋白糊分3次加入蛋黃糊中
6. 模型鋪紙，裝模，即可烤焙
7. 以攝氏150度烤約30 - 40 mins
8. 一夠鐘要立即從爐拎出來(如果唔立即拎出爐.蛋糕會在爐中受餘溫而令蛋糕變樣衰)

個人小經驗 :

a. 整親蛋糕..係未加入麵粉和蛋白前..你將d材料點攪勻都可以..但一加左麵粉或已打發既蛋白就一定只可以輕力fold..
b. 如果加左麵粉後你見好似好難攪勻而勁攪既話..會令到粉團起筋性...咁蛋糕就唔會軟..會死死實實..
c. 如果加左已打起既蛋白..你又係勁攪既話..你個蛋糕就唔會鬆軟..而且焗唔起(焗蛋糕係一定升高的)
d. 如果係用大個既模焗..出爐記得要倒扣(唔立即拎出爐.蛋糕會在爐中受餘溫而下榻及委縮)如果係用細細個蛋糕仔紙模就可以唔使倒扣

食譜參考自為食貓

老豆的第一次>v<

 

老豆今日第一次踏台板..出show...唱粵曲呀
佢出到聲..做女既緊係要支持啦.請假都要去^^
又唱得唔錯喎...佢件衫都好夠台型丫..hee^^完全唔覺得佢太肥..卡卡卡..直情型添呀
你睇佢地幾認真..大家都為左呢次表演悉心打扮..我覺得佢地好可愛...
好彩老豆都有件龍袍..三叔做得好呀(三叔係上海買返黎比老豆架)
媽媽頭先都忍唔住話...'都不枉我身水身汗買個熨板返屋企^ ^'
媽媽做得好呀..老豆做得好呀..yeah^^大家都做得好呀...heehee

老豆個拍檔係比較後生...我諗佢三十幾歲左右..

但老豆d同學仔..有好多個都係六十幾七十既婆婆黎架喇..
佢地今日都扮得好靚喎..感覺好得意

今日最開心係..媽媽終於肯讚老豆^^話佢唱得唔錯..有台型呀..hee(平時媽媽好口硬架>~<)
大家都開心咪幾好...見到佢地開心我就開心..
佢地感情可以慢慢好返d就好喇..希望可以啦..

TVBuddy...爭玩具...

媽咪好鍾意TVbuddy..今次呢個硬膠公仔造型又真係幾得意既...但..非賣品呀..媽媽好失望..
上次tvb周刊有得送細細隻..佢差d想買七本同一期..佢話想要七隻喎..(經我阻止佢都買左兩本)
大既呢個唔賣..唯有只買無咁靚細個既比佢..
上次tvb周刊加埋公仔都係12蚊之嘛..今次單買反而要20蚊..
為左返屋企有交代..我靜雞雞影左相返去比媽咪.
佢特登打電話比我話係電視見到..佢話好想要大個個
其實都唔明..唔賣..但又放咁多個係到做咩喎?有一堆仲係求其放係到架咋..
唔知會唔會終有一日有得賣呢?我真係好想買到隻比媽咪..
佢好少咁主動話想要架..仲講左好多好多次.

呢隻TVBuddy..真係做得幾靚..唔係個d一模就會污糟個隻膠..我都有D鍾意^^(細個隻反而係會污糟架)
我去左兩次書展..兩次我都有特登睇下TVbuddy..同埋天真地諗住..可能行多次佢會賣呢???(太天真)

呢兩個機械人..係may老公公司拎返黎...有成18寸高一個緊係即刻放係地下影張相先啦..
may比一個我..我心諗係打算送比'亨利'六歲既外甥仔架..一定好開心..18寸咁高喎..平時好少有架嘛
點知一比細佬睇到..細佬即刻話..佢好鍾意...咁佢係我細佬..我緊係理佢先既
唉..早知原來係大男仔同細男仔原來都會咁鍾意大個既機械人..
我就同may講..叫佢比埋另一個我啦..(唔比我同事個仔^^)
話晒我係may侄女..細佬係may侄仔..佢一定會比我地先嘛..
好彩may仲有其他玩具比我(佢老公間玩具廠搬上大陸..d玩具版大陸都有..所以呢d版唔拎上大陸喇)
我可以送返其他比'亨利'個外甥仔...好似乜鬼野'甲虫皇者'既對戰機(我完全唔知咩黎?)
仲有乜野'洛迪文'公仔&其他..我完全係唔識架...希望佢收到會鍾意啦..(外甥仔係未知有玩具比佢)
個18寸既機械人..連我老豆都鍾意呀..我諗...可能係男人既情意結吧...

細佬仲即日幫個機械人同肥貓仔影相添呀..有興趣既可以去細佬個blog睇下..

開心一聚...

上星期係街見到呢兩架車..我好鍾意甲虫車..好想坐下..但身邊又無人揸..
另外粉紅個架車仔..我都鍾意..一..粉紅色嘛..二..d得得意意既車.我就最鍾意.呵..

今晚同家姐去左書展..行得好急呀.收十點嘛.(我地差唔多八點先入場)
好耐無咁樣同家姐行過喇..雖然趕..但開心..
以前細個我好憎同家姐行街架..
家姐係乜野都鍾意行既人...但我偏偏係唔鍾意行街既女生...(我係有野要買先順便行個隻).
細個時..每次同家姐行..我都係等..等..等..(so我好明白d男人係鋪頭門口等女人有幾唔知點既感覺..^^)

大家唔一齊住..一年見得十次都無.人又大個左啦可能..
今晚反而覺得..見得太少時間..都唔夠時間傾計又大家都要返屋企喇..
不過sam講得岩...即使大家分隔幾遠..一家人就係一家人..關係係唔會變架..^^
希望下次可以多d時間聚埋啦...

我地總共買左八本書...家姐六本..我兩本..
唔開心..'小馬'd扇送晒喇..激氣...
家姐買左本教整100款醬料既書..而我就有本教整1000款甜品既書..呵呵
我要攪創作..左配右配又可以做到個新甜品出黎..yeah..
書入面無乜相.其實唔係咁吸引.但真係教好多野..
心諗大師傅係唔靠靚圖畫學野架..好..就要呢本..哈哈哈

肥師傅做糯米'池'...

20/07/2008...芒果糯米'池'..都ok喎..不過樣就唔夠靚^^..
之前一晚整左雪莓娘添..不過佢唔上鏡..唔放佢出黎喇..味道幾好架..下次靚仔d先比佢出現
糯米'池'媽媽話唔夠甜..但我覺得夠>~<又係大家口味既問題...好彩'亨利'撐我..多謝你
最唔開心係糯米'池'唔可以過夜..唔放入雪櫃又唔得...放左..第二日就硬晒...
結果係'meet'開個糯米'池'..食返d芒果就算...激死人...

肥貓仔頂毛巾帽比婆婆洗左..無得戴..
唯有只係包住手仔搓糯米'池'啦..哈哈哈..係咪好師傅先?