話晒聖誕節..我肥貓仔緊要有d攪作先得既...
你睇我個耳仔幾應節...有個金色蝴蝶結係到架..劉德華送比我既..(道地綠茶x'mas版送架嘛..
)
我發現有果jam曲奇呀....
樣就幾靚喇..唔知味又點呢?
等我幫你試下味啦..哈哈...咁多件..就算我偷食一塊..應該唔覺既...
後記 : 開頭以為好易整...去到'cup'餅模時,成日都整爛...開始覺得有d煩....唔想整喇...
但開左個頭.又唔可以唔整喎..嗚....唯有繼續啦...
屋企個陳年焗爐又難控制喎..一邊焗要一邊睇實..見d餅轉色就要即刻熄爐...
一唔記得睇實就會燶..嗚嗚.樣衰個d都唔好提喇...(影相..緊係影d靚仔架啦...
)
好彩最後都有成功既出品咋..唔係真係想死..>~<(好想換過個焗爐..但媽咪又唔俾)
因為細佬唔得閒..所以我陪ying睇gigi...
'亞洲國際博覽館'(個名聽落好似好勁咁),入到去個感覺好得意..好似好冷清咁
原本諗住可以影下相..但..入面實在太冷清喇..完全都唔知有乜可以影下..so..無功而回>~<
gigi當然好靚啦...而且仲好性感同埋真係好瘦/fit?
做artist始終都係要瘦,上鏡先好睇..明既..但真人真係好瘦囉...
今次佢跳左都幾多舞..都唔錯...至於唱歌嘛..始終唔會首首都好穩.無走音,算係咁啦
(不過上次睇憶蓮就真係好勁..聲靚到..想暈^^
)
好開心..gigi竟然有唱我好鍾意既'口香糖'呵呵...但又無唱首本名曲'愛自己'..次次都無既.唔知點解?'
今晚嘉賓有fiona同埋f4既vaness...
亞洲國際博覽館(gigi leung)'同'九展既star hall(sandy lam)'我都分別去過睇演唱會...
um..感覺上始終都係覺得好似'紅館'好d..坦白..star hall係最不知所謂
未入場前..star hall個門口都呃得下人,但一入到去..eee..我唔鍾意囉..
至於'亞洲國際博覽館'...佢入面無論d位同埋路都好闊..唔會太斜..對於小朋友同老人家會安全好多..
紅館太斜太窄喇..最前個d位就安全..高個d位太危險喇(我呢d論盡精..都係坐下面岩d..卡卡卡)
睇得出ying個嗲地好錫佢(佢嗲地係'亞洲國際博覽館'做野架)
又幫我地買野食..又帶我地去d好位坐^^
平時佢返早架..今晚都特登調到返晏..等我地睇完時..佢可以同我地一齊走.
今晚同ying傾左d計..感覺好舒服同埋幾得意..
出黎做野之後..我識左好多妹妹仔既朋友..攪到我好老咁添
係博覽館走時..都感覺到有少少肚痛..但唔理啦..諗住點都忍到返屋企...
只要大家快樂便足夠,不要想太多吧...
今年燈飾太少了, 無聖誕老人, 鹿都影住先啦^^
好開心睇到'投名狀'入面既劉德華..終於都放下過去'好劉德華式'既演技..
好實在感覺到佢係一個有演技,實力,專業既演員^^
成套戲睇到令人好心up..生存之道..現實..適者生存..你要乜野??生活就係咁...
大家想要既野都唔同..自然無辦法完全認同對方...
邊個岩?邊個錯?睇你企係咩位?你既人生要乜野囉...
嗲地媽咪好耐無去過戲院睇戲喇...(可能真係有十年都唔奇>~<)
難得搵到套大家都興趣既戲(兩個鐘頭有多..老豆竟然都無訓著..證明佢真係鍾意睇..太好了)
我覺得女主角徐靜蕾好似另一個藝員...就係以前兒童節目主持人...蓋世寶..一個成熟d,一個細個d...
加拿大寄黎既聖誕禮物,感覺好warm(小學同學送比我架hee^^)
最感動係我地其實十幾年無聯絡架喇...
佢上個月返香港時打比我...我地先有返聯絡架咋...
收到電話個一刻..真係好開心架..
因為佢竟然仲記得我.....um.....我地係幼稚園加小學同學先岩..
佢係香港時,我又就唔到時間見面..而家仲有禮物收...
我真係唔係幾好意思...我仲收到聖誕卡..哈哈..都係舊朋友知我心意...
佢好醒呀..因為呢一點..我更覺佢份人真係有心^^
'祝你聖誕快樂..全家人都快樂...肥貓仔都快樂^^' 哈哈哈哈..
重點係..佢除左記得祝我快樂...祝我最錫既屋企人快樂之外..佢仲記得祝埋我好錫既肥貓仔快樂呀...哈...
都唔知點解..我鍾意個D角色..全部都無出...連Tom Nook狸貓都無..攪錯