論盡的...冬瓜>~<

係屋企...一跣..成個跣左落地..要訓係地..等一陣等各個位置既痛散一散...先可以起返身...
起身後..眼淚不受控制咁流...手踭好痛..腫左一大舊..好彩係左手...
過左一陣..仍然好痛..又喊又笑...喊..因為好痛..笑...自己點解會發生d咁既事...

嗚嗚..點解咁大個人都仲咁論盡架...真係...一個..冬瓜..無得唔認.....嗚嗚嗚

happy birthday to coco & pong pong

鬼叫你窮呀..頂硬上^^

要幫狸貓打工賺錢呀...鬼叫你窮呀..頂硬上...

我既村民~Scoot...今次佢地同nds有唔同..d村民會有埋頭飾..唔止玩換衫 咁簡單...

我既村民~Chow...唔鍾意佢...我想打走佢....

最怕就係打工呢一part..玩到我想訓呀...終於都打完工喇

比蜜蜂針..無錢緊係要係咁搖樹啦...咁好自然就有風險囉..唉...>~<好樣衰. ..好可憐呀

眼腫左都要繼續搵錢...釣魚去賣先..呵~~

釣呀釣...

我轉左個mii喇...即刻無眼腫..卡卡卡~

始終都係覺得'亨利'畫自己畫得最似...

.

轉左mii之後再釣魚賺錢...

我眼中既詹sir..卡卡卡~(學表情)..搵笨..nds時..教表情係free架..而家要收800蚊..攪錯

個袋仔無晒位放野...所以又試周圍掉野喇..呵呵..
一陣執返囉....^o^..
唔記得左而家條村唔係只得自己...掉左d野出黎無執返..係會比其他人執左架...
大鑊..唔准執我d野呀

'亨利'黎探我...到我好似死左咁>~<
唔知點解...我好有覺得比人影走光相既感覺...露晒底褲仔既

全情投入 - J-J Town^^

用左'亨利'個mii..可愛到想死...^o^
真正既二頭身呀..卡卡卡
睇住佢係電視走黎走去...再望下佢真人坐係隔離...好得意呀
(佢望見自己二頭身既身型,顯得非常無奈)

我實在覺得'亨利'既藝術天份真係高架...真係畫得好似..好有神緒...哈哈哈

岩岩變完身..係好似暈左咁..哈哈

我未畫好個mii..用住公仔先...我玩緊..'亨利'就要訓喇...
我探佢...你睇佢塊面幾白..唔使驚..睇到佢有呼吸架(但塊面白到好似鬼咁)

我地最愛肥嘟嘟既狸貓..好可愛..頂住個大肚dum..呵呵~

賣汽球的大叔...其實唔係賣架..個汽球佢都無收錢..係比架喎?
好可愛既兔兔氫氣球...

balloon..究竟係...汽球???定氣球呢?

橙皮貓妹妹呀..好可愛...

係市集既賣野鋪頭d野一般都比較貴....
無錢呀..套'踼死踢'試下..影張相算喇..未有錢買呀...

擦鞋仔呀...500蚊擦一次..好貴呀...

呢個貓妹個樣成個人咁..但都幾sweet架...

今日係flea market(即係搶錢日...個個村民都唔返屋企..一見你返屋企就即刻黎探你...
迫你以最平既價錢..賣晒屋企d野比佢地...)
(你睇間屋攪到空空如也..就知'亨利'比靚女貓搶劫完啦....唉)
貓妹妹搶劫完仲唔捨得走..仲整個冷係深情既樣出黎..真係頂佢唔順...

個樣咁嗲..係男人都lum啦...

都話'動物之森'係一個同現實生活好似既game架啦...
入面d女仔有部份真係好識嗲同埋講人是非架...哈哈...成個八婆仔咁..呵呵