終極願望^^

如果可以什麼都不用想太多, 哪就太好了

你睇肥貓仔訓得幾爽...睇見個背脊都覺得佢招積

書展的收穫

21號(六)去左行書展..行到好累呀...多年經驗話我知,係書展買新書係無乜著數(要簽名,有贈品例外)

最多都係9折..(平時榆林都有8折啦)但今年竟然都有8折喎...咁我緊係忍唔住買左本鄭梓靈啦...

最開心係見到有鄭梓靈出過既書既書簽賣...

一直我都好鍾意佢d書既封面,每本都畫得好靚,好吸引..今次有得買..緊係買多疊啦..呵呵...

係pentel個攤位買左可以擦得甩既換芯顏色筆...有銀底架d色..

hee買個時好興奮,不過我用得著佢地既機會...其實唔係咁高...但我真係好鍾意嘛...

我仲一口氣買晒8隻色既芯添算啦..幾十蚊氹下自己開心..都唔太過份姐..(而且仲有9折架)

見到pentel個環保袋,我覺得好可愛,好想要喎...過100蚊先有得送....等我諗諗計仔先

hee^^幫公司買一打塗改液咪過100蚊囉..呵呵橫掂公司都要用架啦...而且係到買本身都平過出面..而且仲有9折添..平上加平.....卡卡卡我真係覺得自己好醒呀..呵呵呵呵呵(師奶仔心態)

第二日先發覺..原來行漏左賣台灣書同漫晝個個場館啊.... 真大懵..

其實我有好多書都想買架..不過好攰,唔想拎咁重...遲d去榆林買返啦

快d埋黎支持下

又要黎支持下既時候喇...弟弟同佢好朋友'大佬然'參加左yahoo同'男兒本色'合辦既短片比賽,

快d黎睇下啦...丫..

不過好似係上yahoo video睇先可以令佢地段片'人氣'd架喎...

喂喂...識做啦大家..最多比埋條link你click喇...

http://hk.video.yahoo.com/video/play?vid=763413

(快d click,快d click啦..乖..錫晒你

)

以下呢段就係弟弟既....

下面呢段呢..就係'大佬然'架喇...

都幾唔錯丫..係咪呢?