肌膚需要一點油~Haba無添加美肌之旅

市面上來自世界各地的美容品牌何奇多..
每個品牌都有其獨特的產品與使用程序..實在不能一本通書讀到老..
最近angel接觸到來自北海道的Haba..原來其名字源自 ｢Health Aid Beauty Aid｣呢..
品牌認為它們的美肌產品只是扮演輔助角色..提高肌膚天賦的自癒能力..
「自然地」解決所有肌膚問題..讓肌膚永遠留在23歲~(23歲..看到這裡雙眼發亮^^)

 

這次接觸到Haba的護膚品分別是 : 鯊烯精華卸妝油..G露水..鯊烯美肌清油及美白精華~

 

 
鯊烯精華卸妝油 SQUA CLEANSING   120ml

有別於一般傳統卸妝油，產品採用了「吸水性油劑」，可用於沾濕了的臉上，使用方便快捷；而嶄新配方「洛神葵花精華」可輕柔地帶走死皮、污垢和化妝品而毫不刺 激，蘊合之「紫根精華」更可以避免皮膚過敏反應；皇牌成分「鯊烯精華」則有高效保濕和抗氧化之功效。使用一次便可感受到肌膚如絲般幼嫩。任何肌膚性質，特別適合乾性及暗瘡性皮膚使用。

 

平日返工我一般只會塗防曬..cc cream之類..
面對我公司這些沙塵滾滾的鬼地方..我只能想怎去保護自己皮膚..化妝扮靚已不是我返工考慮的大前題..
雖然我沒有全妝上鎮..但每日我都會補兩次防曬..防曬一樣要卸妝呀..
卸妝產品我一向喜歡卸妝油..因我一向主張'肌膚需要一點油'才能得以潤澤..
不知何解我覺得Haba卸妝油比其他品牌的好像輕身一點..塗上面時..感覺是輕滑及溫和..
由於它採用了「吸水性油劑」..所以可於濕面上使用..不像其他卸妝油要乾手乾面使用..
把卸妝油塗於面上加以按摩..然後用清水洗淨即可..簡單又方便..

把妝品塗上手再試一次..分別用上..眼線筆..眼影筆..唇膏和較難卸的睫毛液..
唧到手上已即時看到黑眼淚^^妝品已開始溶化..輕力一捽..妝容已消失..一兩下已完全卸去妝品..
雖是卸妝油..但用後感覺不黏笠..而且亦因是油關係..我覺得令面部多了潤澤感..
於我而言..無論任何天氣..皮膚始終需要一點油才能得以光澤呀..只要用得適宜就沒問題啦..

 

美白精華 WHITE LADY   30ml

 

於日本屬醫藥級的皇牌美容液，以「維他命C誘導體」美白肌膚及淡化色斑，能促進骨膠原蛋白之再生，從而緊緻毛孔和改善細紋及皺紋；WHITE LADY更有抗菌之效，減少暗瘡和粉刺之形成。任何肌膚性質。

一般精華都是在爽膚後才塗上..但Haba這支在日本熱賣的美白精華卻是在潔面後爽膚前使用..
它質感是水水的..份子超細..要記得護膚品是由份子細的先塗..這樣才能發揮其最佳效果呀..
由於它是水水的..有時不自覺得塗多一點點..哈..
美白精華嘛..全面塗上後..於有色素位置再重點塗多塗^^心理感覺會效果更好..呵~
掌心帶體溫..輕按皮膚可令護膚品滲透得更好..

 

G露水 G LOTION   180ml

 

蘊含極豐富的礦物質及微量元素，提升肌膚本身的防禦能力，並賦予肌膚活力，有效改善暗啞膚色，使肌膚凝亮剔透，更有效對抗游離基的傷害，延緩肌膚老化。內含之「莎莎熊笹液」能高度抗菌，幫助肌膚恢復健康和彈性，對日曬後甩皮、紅腫、受刺激之肌膚的修護效果絕佳。任何肌膚性質。

 

精華後..再全面拍上G露水..我從來都喜歡用手去塗護膚品..一來可靠手心的體溫去令產品滲透得更好..
二來始終用手去接觸..感覺較直接..不過這只是我自己的喜好和習慣而矣^^

 

我亦試把G露水倒於面膜紙再敷上面5分鐘..敷後肌膚感覺

​剔透​

水潤..於現時初秋容易乾燥敏感階段..亦可有急救舒緩效能..

 

鯊烯美肌清油 SQUALANE   30ml

 

鯊烯純度高達99.9%，與人體自然皮脂極相近，能在肌膚表面形成如絲般細緻的鎖水薄膜，預防水分流失，迅速平滑粗糙肌理，使臉部肌膚幼滑，並富有光澤感。更具高抗氧化功效，能改善暗沉膚色，加強修護效果。任何肌膚性質。
鯊烯美肌清油對以下徵狀更有紓緩效用：
汗疹..尿布疹..瘀青..輕微割傷..蚊叮蟲咬..燙傷..剃鬚後..凍瘡..腳跟龜裂..香港腳..內外痣..輕度脫髮..暗瘡..妊娠紋..按摩..

 

Haba另一特別就是爽膚後不用塗面霜..塗的應是護膚油..
都說過啦..我是主張'肌膚需要一點油'的人..所以我是超級喜歡Haba這支鯊烯美肌清油..
平時我都有用開護膚油..從沒想過原來護膚油竟可如此輕身?
Haba這支鯊烯美肌清油..雖說是油..但其質感是帶滋潤但超輕盈..塗後完全不會感覺黏笠..一點膩的感覺都沒有..

 

  

於現時初秋使用..反而令我多了一份幸福感覺..皮膚得到養份..沒有了繃緊感..
換來是充滿光澤和彈性的畫面..而且塗後皮膚是很柔滑..
鯊烯美肌清油除了可滋潤皮膚之外..亦可塗於頭髮..咀唇..指甲等等..

即使第二天起床..都會摸到自己的皮膚很滑溜..教我如何不愛它^o^好滑好滑呀~​

官方資料還說可舒緩蚊叮蟲咬..暗瘡等多種狀況..對我來說..簡直覺得是萬能油..似乎以後我應該總有一支傍身..
既可護膚同時可舒緩蚊叮蟲咬..實太適合我這個面乾惹蚊人了..

我是第一次使用Haba產品..對於這次體驗..我非常滿意和充滿驚喜啊~
**產品由theZtyle.com提供..
每人膚質不同..感受與效果有異..實屬正常..
如對產品感興趣..可到以下網址作進一步瞭解 :
http://www.facebook.com/haba.hk
http://www.haba.com.hk/

眼腫細紋好幫手..L’Oreal Paris Revitalift Laser X3 活肌修護眼霜

眼腫是一直困擾我的問題.. 眼腫令人感覺很不精神..
​無奈我每天早上起床都一定腫..哭後去睡第二朝就更更更腫..真的很醜怪..
不過..最近有一件法寶用後好像情況有點改善呢^^

L’Oreal Paris Revitalift Laser X3 活肌修護眼霜   hkd 199/15 ml
特配獨特冰感按摩頭，一支讓你改善眼部肌膚3大問題 : 修正細紋、消除眼袋、重塑緊緻！

 

特效與成份 :
修正皺紋 : 含有效抗皺活性成分ADENOSINE，幫助減淡細紋，改善眼周膚質。
消除浮腫 : 咖啡因配合冰感按摩頭，有效消除浮腫。
重塑緊緻 : 恢復肌膚緊緻度: 含高濃度3% PRO-XYLANE, 幫助激活皮膚纖維合成，提升眼部肌膚緊緻與彈性。

使用方法 :
每天早晚於清潔眼部肌膚後使用, 以冰感金屬棒溫和按塗眼霜及按摩眼部肌膚。

 

眼霜質感輕柔..極易推開及滲透肌膚..塗後感覺很柔滑..令我很有衝動想試同系列的其他產品(我相信都會一樣滑呢^^)
很喜歡其特配獨特冰感按摩頭..不用放雪櫃每次使用都一樣有冰涼感..
配合活肌修護眼霜作按摩..除了減淡了我的眼紋外..

​因按摩而促進了眼部肌膚血液循環..​明顯令我每朝眼腫時間縮短..
(平時起碼要十二點才還原..這星期十點左右就正常了^^)

使用特配獨特冰感按摩頭後..可用無名指輕按多幾下..讓眼霜徹底滲透..
另外我覺得眼蓋眼尾都不要遺留..一樣要滋潤她們呀..
我想即使用完這支我都不捨棄掉它..將它放進雪櫃..方便日後若哭後可作即時急救按摩..
我哭後真的會腫得很恐怖的>~<但記得不要乾推呀..不配眼霜按摩的話..輕力逐下按好了..

 

  

當我們使用這個特配獨特冰感按摩頭按摩眼部肌膚時..眼霜可能會唧多了的..
多出的眼霜會在按摩頭後面出現..記得每次要保持衛生..抺走這些呀~
不要浪費..就塗於虎紋位吧..哈..眼霜一般都是幼嫩細緻的..對於減淡虎紋應該一樣有效啊..呵~

**產品及產品說明由L’Oreal Paris提供..
每人膚質不同..感受與效果有異..實屬正常..
如對產品感興趣..可到以下網址作進一步瞭解 :
https://www.facebook.com/lorealparishongkong

照顧全面的十月Glamabox

一向美容盒子內容都是多元化取勝..一個盒子可試n款美容產品.

.最適合多心又好奇的我..
十月份的 Glamabox 內容可謂相當全面..
潔面..爽膚..精華..面霜..防曬..gel mask..paper mask..美容療程全部都有..
一個價錢滿足多個願望就是這意思啦^^

十月的 Glamabox 與 ART@ware 合作..挑選了法國畫家 Agnès Boulloche 的代表作“嘉年華”成為這次盒子的主題..

​畫面裡帶著面具的各樣“參與者”既神秘莫測又華麗非凡。

盒子內我首先試用了4款產品 :

 

1. ego QV 溫和潔面乳 15g   hkd 112/250 ml

 

 
倒出有點像洗面奶..潔面時為肌膚帶來輕柔潤澤感..
於現時入秋天氣..我這面乾人..用溫和的潔面乳最適合不過..
這品牌無添加任何肥皂、人造色素及香料等刺激性致敏成份..
獨特潔淨配方適合面部乾燥或敏感人仕..

2. Annie's Way 熊果素玻尿酸淨白果凍面膜 25ml   hkd 120/6 pcs

 

 
透明帶點厚感的凍膜..一開始以為和普通保濕jelly面膜一樣..單保濕而矣..
原來敷後十分鐘左右是有緊緻感的..與深層清潔面膜有點似..但又覺得比它溫和..
清潔同時保濕..敷後皮膚除了感覺水嫩乾淨外..好像還淨白了呢..

3. 潤之戀 白金胜肽彈力水嫩面膜 1片 + 潤之戀彈力煥白眼膜 1 對
hkd 55/10 pcs + hkd 44/8 pairs

 

潤之戀面膜及眼膜..相信大家都不會陌生..
面膜出名精華多而且夠闊..我這大頭妹都完全能cover..眼膜亦屬超值之選.
我多數會兩者一併使用..哈..一個時間得到兩個效果嘛^^

盒子內還有其他精彩產品 :

 

ego 新羡思特效防曬乳液SPF50+ 10ml   hkd 133.5/125 ml

ego 的防曬乳液..適合敏感肌..蘊含滋潤成份..SPF50+高效防曬..
適合全身使用..防水效能更長達4小時..於戶外活動時使用最fit..

 

后拱辰享氣韻生精華液 5.5 ml   hkd 1050/45 ml  +
后拱辰享氣韻生滋養乳 5.5 ml   hkd 560/75 ml  +
后拱辰享氣韻生睡眠面膜 1 ml   hkd 560/110 ml

來自韓國品牌一Pack三件旅行裝..這品牌我雖未聽過亦未試過..不過它在韓國相當出名呀..
此系列能為肌膚帶來緊緻Q彈效果..

 

MÍOGGÍ光‧透白凝亮抗氧精華 8ml   hkd 320/30 ml +
MÍOGGÍ光‧透白凝亮細胞再生素 8g   hkd 360/30 g +
MÍOGGÍ魔法美白 BB cream 1g   hkd 250/40 g +
MÍOGGÍ雪映明肌牛初乳潔面粉 1g   hkd 220/70 g +
MÍOGGÍ夜間能量再生面膜 3ml   hkd 330/30 ml

韓國品牌Mioggi一pack六件..有齊潔面..精華..面膜..BB cream..
出外旅行兩三天都足夠使用..果然照顧周到..

 

Infusens™高效補濕精華 4ml   hkd 1280/4 ml x 10

um..這精華4ml已價值hkd 128..一整個盒子都只不過hkd 118..而內裡最少會有5個品牌以上的產品..原來Glamabox的確是超值喎..
聽說這精華於大型的美容中心內都有使用呢..真要認真試試這貴婦級的精華有多厲害..

 

另外還有數張Philip Wain 和 Beauty Glow 的美容優惠券..
真是自家扮靚又得..上街扮靚都得..

不怕坦白..其實十月的盒子內..除了潤之戀和MÍOGGÍ外..
其他品牌對我來說都很新鮮..以前都未接觸過..
美容盒子就有這樣好..一個價錢可帶你周遊列國^^令你認識更多世界各地的品牌..接觸更多..感受更多..
不知下個月又會帶來什麼驚喜呢^^

產品由Glamabox提供..
每人膚質不同..感受與效果有異..實屬正常..
如對產品感興趣..可到以下網站作進一步瞭解 :
http://www.glamabox.com/hk/tc/
https://www.facebook.com/glamabox

羅漢果煲雪梨..係時候要潤一潤喇..

呢幾日真係乾到不得了..唔單止皮膚乾..係連喉嚨整個人都感覺好乾好唔舒服..
係時候食返d野潤下..如果唔係就好dry架喇..想皮膚好係要外敷內服..除左搽適合自己既護膚品之外..仲要吃有益既食物..

 

羅漢果煲雪梨
我見好多人秋冬天都係食燉既野..但如果燉既話..每次只可以燉一個..而且材料份量好難控制..爐火又會好貴..所以我用煲既方法..
呢個係我上次係醫暗瘡專家Jackeline既私房菜食到架...佢教可以用飯煲亦可以用煲去做..
不過我唔敢開住個飯煲咁耐..又怕佢會食晒d味落飯煲..所以都係用煲啦..
雪梨數量自己話事..但我覺得..整野食除左要好味..應該都要計埋成本..點先係最抵最唔浪費..
如果你個煲夠大既話..其實可以煲多幾個梨..當然所有材料要按比例增加啦..
煲多d..放係雪櫃..隨時拎出黎吃都得..凍熱食都無問題架..食完喉嚨好舒服..成日食熱氣野同煙既人..就更加隨時食都岩..
我試過放係雪櫃兩星期都無問題^^仲食得~

材料 :
鴨咀梨(雪梨)  4個
羅漢果 2個
蜜棗 3-4粒
水 適量

做法 :
1. 雪梨去皮..羅漢果'練'爛..

2. 將所有材料放入煲..加水..水要岩岩蓋過雪梨..大火滾起後轉中/細火一齊煲三個鐘以上..熄火後焗佢十五分鐘..
(要睇d梨上色度..上晒色為之合格..如想濃味d就再煲耐d..發現水少左就加返d滾水繼續煲)

3. 拎出黎時要小心d..煲左咁耐..個雪梨'掟'好易斷..斷左上碟就無咁靚囉..

今次我無用Le Creuset煲..因我好驚佢會食左d色落煲(我係白裡)..不過今次煲完見普通煲又無事喎..
所以下次我會用返LC煲..始終鎖水d..咁就唔使驚之後要加水而增加煲既時間啦..

*如果用LC煲就中火滾起轉細火煲三個鐘以上..直至上晒色..試味..覺得岩味就熄火焗十五分鐘..未夠就繼續煲..

歡迎大家隨時來探我啊^o^
 

angeleung

宣傳你的專頁

即製烤餅無得輸~深井咖喱寶(深井總店)

之前說過為了烤餅..我一定會帶媽咪來'深井咖喱寶'..
不過對於新界人的我們..西環分店真的有點遠..深井總店方便很多.. 

當晚我們一行四人..位置比想像中易找..

 

 
坐下不久店員已為我們奉上免費小吃~
香辣鬆化胡椒餅
可能因我們有四人啦..所以請我們吃一整個..
脆口質地..有點辣和香料味..有些生蒜生洋蔥和生蕃茄..um..我覺得感覺有點怪..好辣..加上我不喜歡吃生洋蔥和生蕃茄..所以不太合我胃口:p

 

  

千層餅
um..上次吃是又脆又軟..而且乾身的..
今次好像烘不透..不夠乾身..不脆亦不軟..今次有點失望..

  

薑蔥烤餅
很香蔥味..有上海菜的蔥油餅感覺..但少了當中的油膩感..好味~
軟綿綿配咖喱一流..

  

印度芝士菠菜
眼看有點像醬..杰身的菠菜醬..菠菜蓉內藏有芝士粒..愛吃芝士的弟弟覺得很美味..
而我就覺得漏了點..

  

特式瑪沙拉羊肉
比想像中份量細一點的羊肉..可能醬汁較濃味關係..所以完全吃不出膻味..
小辣..羊肉嫩滑但真是醬多肉少..幾件就沒有了..

牛油雞
弟弟和媽咪都未吃過..所以今次再叫..和西環比較..不知何解總覺得好像深井這邊的較膩..是重手了嗎??
雞件仍舊嫩滑..醬汁帶蕃茄酸味..唯牛油味強烈了回點..

 
印式蝦炒飯
本身覺得有點貴..但眼見只吃烤餅..老公和弟弟一定不夠飽的..所以照叫啦..
不知道它配了什麼醬汁來炒..只知與飯和蝦炒在一起很好吃..有相當多蝦..蝦爽又入味..印度米原來炒飯都不錯..

芝士烤餅
不知為何會是微甜的..新鮮烤好即上檯..不蘸汁都很好吃..軟綿綿的..好想一吃再吃..
蒜蓉烤餅
很香蒜味..新鮮熱辣軟綿綿..真是單吃都很吸引..

最後職員還請我們喝印度拉茶..單聞有點'紅花油'味^^
但喝進口其實與我們港式奶茶很相似..香濃又幼滑..

即製烤餅真的無得輸..每款都很好吃..如果一開始的千層餅可烘乾一點就完美了..

深井咖喱寶
地址 : 深井深井村69號地下
電話 : 2496 2060