期望過高..不過不失..馬家莊清真館

之前見阿蘇同903既DJ都話係九龍城個間清真牛肉館個牛肉餅好好食..又熱又多汁..好想試..但無奈九龍城唔太方便..所以一直都未去..
上個月見'馬家莊清真館'有團購..原來九龍城個間係爸爸開..呢間係阿女開..網上食評又唔錯..一於買黎同屋企人去啦..

 

團購上寫著hkd 98..包括 :
馳名牛肉餅(2個) / 牛肉小籠包(1籠)
酸辣湯(1 碗) / 砂窩雲吞雞煲(1/4隻雞)(加HKD 25可轉中型清燉羊湯)
咖喱羊腩飯(1份)/牛腩飯(1份) + 白飯(2碗)
奉送 2 杯凍豆漿
+ hkd 35可享大餅羊肉卷
+ hkd 20 可享豆沙窩餅
+ hkd 10 可享拍青瓜..香醋蘿蔔或時菜

去到佢地比左個團購餐牌我..同團購劵內容有出入..
現場團購餐牌係唔包豆漿的..+凍豆漿..每杯要hkd 5..
另外..+時菜要hkd 15..原本團購劵係+ hkd 10

都一場黎到喇..而且我見本身一份牛肉餅要hkd 33..咖喱羊腩飯好似要hkd 57..咁算啦..兩樣加埋都差唔多等如團購價喇..個酸辣湯等如送既..咁豆漿加錢就加錢啦..
(我問職員時..佢答我我手上個份餐牌係上次團購的..但我明明係今次團購到print出黎>~<不過團購上都講明一切以餐廳為準)

我地四個人可用兩張團購劵..揀左 :
牛肉餅兩份..酸辣湯一個..加錢轉中型清燉羊肉湯一個..

​咖喱牛腩羊腩飯各一..
另外我地加左 :
大餅羊肉卷..豆漿四杯..時菜..羊肉餡餅和家鄉餅..

 

 ​​咖喱牛腩及羊腩飯先上..飯係一碟上而唔係一碗碗..
兩份咖喱有點辣..但超惹味..明明媽咪覺得辣..我叫佢唔好食..佢都唔捨得..佢話雖然辣但好好味^^
佢仲特登叫多份家鄉餅去蘸咖喱來吃..
牛腩和羊腩都肥瘦適宜..羊肉都不會太膻..

 

家鄉餅感覺不錯..明明知道這類型的餅一定有不少油的..難得上檯時不油且脆..值得一讚..
不過它沒什麼味道..蘸咖喱吃當然沒問題..但單吃就未免太太太寡..(之前在其他餐館..單吃這類餅都ok的..但這裡家鄉餅就是沒味道?)

 

 
酸辣湯都算大碗..我覺得入口好似有點怪味..
老豆和媽咪話係因為它醋太酸引致這問題..我都不知..只知道不是我杯茶..

 

弟弟超愛吃羊..清燉羊肉湯正合他意..湯清而味濃..(呢句說話好似有d矛盾..但事實就係咁^^)
睇落去係好清既湯..真係一d都唔油唔俗架..但入口估唔到羊味咁濃..粉絲亦非常入味..媽咪同弟弟大愛..
羊肉方面亦嫩滑..我天真地以為燉湯的肉一定會又老又鞋..但原來又不會^^

皇牌食物牛肉餅..現場叫的話..hkd 33/2個..
上檯時熱辣辣..加上太多人都話會有肉汁標出來..會燙親口..所以我地特別小心..

 

即叫即做非常熱辣辣..內裡還有熱汁..肉質不過不失..
um..可能之前太多好評了..有了期望..係好食的..不過無'嘩'一聲既感覺..普普通通吧..

弟弟唔食牛..所以叫了羊肉餡餅..hkd 23/個..
吃進口唔特別覺得係羊..沒特別驚喜..反而覺我有點貴..

大餅羊肉卷是我全餐覺得最好食的..臨走我都叫多份外賣比老公..
外卷是帶有香蔥味既煎餅..和家鄉餅一樣..不油且脆..而且它還多了份香蔥味..
內裡是嫩滑羊肉片和甜醬(我估計..)..熱辣辣入口..又香又脆..好味..
團購加hkd 35就可以叫到..我覺得抵吃過餡餅..
正價好似hkd 4x

 

加hkd 15的時菜只有白菜..有點咸..
總結這裡大部份食物都是較濃味的..整體食物不過不失吧..
埋單hkd 224..再加兩張團購..hkd 98 x 2..hkd 4xx 都算合理吧..
牛肉餅只是普普通通..反而大餅羊肉卷可推介..
最值得讚是店內一位梳馬尾的姨姨..有禮又有心..^^

馬家莊清真館
地址 : 尖沙咀厚福街8號 H8 8樓
電話 : 2398 8019

我都做得到^^蒜香雞 + 蒜香雞油飯^O^

睇過好多關於全隻雞既食譜..睇落做法都唔算好難..成日都好想整..但..永遠就比三樣野令我卻步..醃雞..斬雞和擺雞..
今次決定挑戰佢..始終整到成隻雞..無論食既人定整既人應該都會好滿足..而且其實唔係好難整得好食架咋..一於試試..只要有心一定攪得掂..
今次係參考自網上既食譜分享..不過我自己改左少少..
(網上有太多勁既煮神喇..只要你肯學肯問..真係好多人會好大方教你架..佢地實在太可愛^o^)

 
蒜香雞 + 蒜香雞油飯^O^材料非常簡單..
雞上面係蒜蓉黎架，點解睇相似係痴左好多飯咁架>~<

 

 全雞  一隻
蒜頭  適量(足夠塞滿整隻雞囊)
鹽  適量
米  適量

所謂既適量真係睇你需求..要睇你雞有幾大?你可以吃幾咸?你有幾多人食飯?
由於下下影全隻雞我覺得好似唔太好睇..所以 d 相盡量影部份..無影全隻雞架.邊醃邊影其實真係好論盡..影得唔好唔好見怪~

 

一. 將蒜頭除皮切片..另有部份切蓉..
(原食譜係話唔使切唔使拍的..只要除皮就可..但我覺得切片和蓉去醃會更入味..一切隨自己喜好啦..)

 

二. 先將雞洗淨..要檢查隻雞仲有無毛..有就要'抆'左去..有內臓就拎走去..然後將雞內外都洗淨..用廚紙印乾雞身..
(邊整邊睇到個雞頭好似望住我咁..令我好驚..所以我斬左雞頭先..>~<)

 

三. 將適量既鹽塗抺係全隻雞既外皮上..好似幫佢按摩咁^^

 

四. 將適量蒜蓉塗抺係全雞既內外..捽捽捽..好似搽按摩油咁..記得係內外都要..特別係雞脾雞奕同雞腳位..因最後會將蒜片入晒去雞囊入面..呢幾個部份係接觸唔到蒜片的..如果唔將蒜蓉塗抺上去既話..最後呢幾個部位可能就只得咸味..唔夠蒜香架喇..(我係咁諗..)

 

五. 將鹽同蒜蓉塗勻全雞內外每一個部位後..就可以將蒜片放入雞囊入面..入到九成半滿就可以用牙簽封口..

 

六. 做好以上動作後..就可即時將全雞放入電飯煲(唔使醃好耐架..)..按煲飯制..我自己按左一次飯制後..七分鐘佢就彈左去煲好飯個邊..雞當然未熟啦..打開倒入約手指厚度既熟水..然後再按多次煲飯制..開頭我按佢都即刻彈返去煲好個邊..我就等一陣..攤一攤..然後再按就無再彈喇..大約過左廿分鐘左右就彈去煲好飯個邊..開蓋睇已熟晒喇..如果你唔急煮飯就由得佢焗住隻雞先..如果你好似我咁趕住煮飯..我就預熱左焗爐..等爐入面有 d 爐溫去焗住隻雞..記得唔使再開爐架喇..只係想 keep 住隻雞唔好咁快凍咋..因為仲要等飯熟嘛..
(原食譜係話唔使加水..按一次煲飯制就得..但每人屋企飯煲都唔同..大家要自己執生呀..萬一你屋企飯煲係按完第一次好快就彈..但又按唔到第二次既話..你就唯有即刻轉用镬隔水蒸..由生蒸到全雞熟大概廿五分鐘..如你半熟轉用镬既話..要自己減數呀..最後插筷子去確定雞熟未啦..)

 

七. 我係趕住要煲飯..所以雞熟後焗左五分鐘左右..我就將雞由飯煲拎出轉去有餘溫既焗爐保暖..飯煲入面應該充滿住雞油的..首先你將你要用既米係第二個器皿洗左先..然後將已洗好既米倒入沾有蒜雞油既飯煲..加足夠既水..將飯煲內既蒜雞油..米和水撈勻..然後就好似平時咁煲飯..飯熟後就會有好香好好味既蒜雞油飯喇..^^

 

八. 斬雞是時候..呢一 part 就要靠自己喇..因我都未識斬靚同擺靚上碟..我仲要學習呀..大家跟自己方法斬好就可以上檯喇..

**斬開雞囊後會有好多充滿雞精華既蒜片..入晒味架喇..你可以將佢地全都切晒做蓉..一方面可放 d 上雞一齊上碟..另外我留起左 d 放入盒..平時炒菜或者煲白飯時炒熱左都可以用黎撈飯..好香架^^

雖然我斬 & 擺得真係有 d 醜怪..但味道真係好 ok..而且好滑架..老豆老公同細佬都讚好味^o^
用好簡單既材料就做到..大家都試下啦..真係唔難架..只要有耐性同心機..大家都一定做到架..快 d 行動啦..

​

我愛烹飪^^婚享 x 靚太學堂 x Breville x Denice Wai <<「婚」甘同味工作坊>>

一直都鍾意煮野..以前做女就研究蛋糕甜品..做左人老婆後就研究埋煮飯^^
結婚後我買得最多既係廚具同食譜..哈~
好開心有份出席婚享 x 靚太學堂 x Breville x Denice Wai <<「婚」甘同味工作坊>>..增進一下我既廚藝..
新手煮婦識煮既野始終有限..所以我好鍾意上堂學烹飪..我覺得係有經驗既師傅身上可以學到好多煮食貼士架..

因為驚放工趕唔切1830到太子..所以揀唔跟大隊車..自己去位於大角咀國貿中心既 6 Senses Cooking Studio..
開頭驚唔識行過去..都係早走幾個字安全d..原來好易咋..係太子地鐵C2出口行過去好快就搵到..

今次既老師係成日係巴士roadshow都見到既Denice Wai..有搭過巴士既都應該認得佢啦^^
未開始上堂前..我地仲有Denice為我地預備既Chocolate Brownie(加左三角豆)&香蕉酸忌廉蛋糕享用..hee^^
係吃蛋糕同時..Denice就向我地簡介當晚會教我地一齊整吞拿魚醬&泰式蝦麵..另外會示範朱古力士多啤梨蛋糕..

  

第一道菜係吞拿魚醬配餅乾..Denice 話可以當係前菜..估唔到原來做法比想像中簡單..只要將材料放晒落食物處理器..數分鐘就可以完成放入雪櫃雪喇..

 

 

簡單又好味..當然 presentation 係好重要啦..呢 part 我真係超弱..我會觀察多 d..希望慢慢有進步就好喇..
你睇 Denice 擺得幾好睇.. presentation 呢方面真係好講天份..
睇完 Denice 示範就到我地出手喇^^整好雪凝固後我地可以拎返自己成品返屋企同家人分享..

 

跟住到第二道菜泰式蝦麵..呢個係帶有冬蔭公口味既意粉..

 

步驟多 d..要留心聽書呀^^
'工欲善其事..必先利其器'..Jamie Oliver 係節目都成日講..有好既工具..煮食就可以更有效率同樂趣..
hee^^食物處理器一早已經係我既 must buy item 入面喇..遲早會出現係屋企:p

Denice 完成後就輪到我地喇..哈哈..年紀大喇..岩岩聽完書就已經唔係好記得落材料既次序.>~<
好彩有大家互相幫助..我地好順利亦好快手煮好喇..
睇落都似模似樣丫..估唔到呢個又香又惹味既意粉都唔係咁難煮..放工返到屋企八點先煮..我都有信心八點半一定有得食^^
以後唔使再怕煮唔切夜食飯而快手煮腸仔蛋公仔麵算喇^o^始終即食麵唔健康嘛..

 

煮完我 whatsapp 張相比老公..哈..原本佢話落街食腩肚河都即改變主意話留肚等我個意粉^^
你睇佢食得幾滋味..佢話如果辣d會更惹味添..放心..我一定會再煮..呵~ 

 

最後就到 Denice 示範朱古力士多啤梨蛋糕喇..呢個蛋糕無麵粉架..所以相對地要焗耐少少..要焗一個鐘呀..
Breville 呢部食物處理器都幾犀利..連朱古力都可以打到變好幼細既粉..mix 好蛋糕麵糊去焗..

 

處理好士多啤梨汁之後..

 

 煮食節目常見情況就出現喇^^..
由於時間關係..Denice 就拎另一個之前焗好既蛋糕出黎教我地 decoration ^^

 

完成之後大家就試試呢個蛋糕..朱古力蛋糕的甜中和了士多啤梨汁的酸..走在一起非常夾..

當然大合照少不了啦..
最後大家閒談一陣..活動就完成了..
我真係好鍾意學煮野..當晚非常滿足啊..多謝 ESD 呀!!
希望日後再有機會參加呢類型既工作坊啦..^O^
 

眼睛都要美白^^Dr. Andrew Weil for Origins™ Mega-Bright 極亮明肌美白眼霜

望人第一眼我一定是望眼睛..於我而言..眼睛就是給別人的第一印象..
年青時覺得只要睡夠就精神啦..但隨著年齡增長..'精神樣'的要求就不再這麼簡單了..
除了要求眼夠精靈外..眼周皮膚更不能忽視..

眼腫..no..眼紋..no..黑眼圈..nonono..>~<

 

Dr. Andrew Weil for Origins™ Mega-Bright 極亮明肌美白眼霜   15ml          

 

針對黑眼圈、眼周肌膚暗啞等常見的眼部肌膚問題，揉合高原刺梨及多種天然高效成份，透過「三重整合性亮白技術」為眼部肌膚消除炎症、抵禦外來刺激，預防色素沉澱問題；日本梅子及糖蜜有效分解黑色素，將過量的黑色素從細胞中導出，加速新陳代謝，減退肌膚上的黑色素，分解過度的色素沉澱及暗啞，亮化及均勻眼部肌膚，進一步淡化黑眼圈，光學修 飾粒子即時亮白肌膚，中和黑眼圈及不均勻的膚色。特別加入積雪草及木蘭萃取，有效鞏固、緊緻及重建眼部暗啞肌膚的位置，加強肌膚密度，同時改善微循環，減 低黑眼圈的出現，令眼周肌膚更顯均勻亮白。

 

潔面爽膚後..取適量眼霜均勻塗於眼部四周.. cream狀質感的眼霜..只需輕按便能完全滲透眼部肌膚..切記不要忘記眼角位置..出賣年齡的魚尾紋就是這裡呀..由於cream狀眼霜較 rich..於我而言較適合冬天及仍然寒冷的初春使用..

 

使用一星期多..自覺眼周膚色明亮了點..由於我黑眼圈不算太深..所以暫未覺太明顯轉變..眼周肌膚比前滋潤..所以看上去感覺整個人都精神了..

 

我於眼周的乾紋非常嚴重..使用一星期多後..乾紋雖未完全擊退..但明顯比前好轉..希望持續使用可全部擊退啦..

**產品與資料均由品牌及 Be 提供
如對以上產品感興趣..可到以下網址作進歩瞭解 :
https://www.facebook.com/OriginsHK
http://www.origins.hk/