結婚兩周年快樂^_^

兩年前既今日我嫁左比生命中重要既男人，兩年後既今日，我係醫院為佢預備生另一個對我地重要既小男生。😍

老公，多謝你令我有機會重新瞭解過「兩公婆」既深層意義，原來唔係簡單兩個人走埋一齊就等如「兩公婆」。多謝你係呢段時間對我既包容同體諒，特別係有左肥樂b後，負面情緒比較多時你話我知，所有野都可以同你講，唔使自己一個人忍耐面對就算。好快我地就正式由二人行變三人行喇，我有信心我地一家會變得更幸福美滿，最緊要你唔好靜雞雞只同阿b去麵包超人館就得喇😝我唔會放過你架😁

老公，結婚兩周年快樂😘😘😘😘😘😘

*好多人都話大肚太太最靚😒事實明明係肥太，點會靚？但為左驚惕自己將來要fit返啲，一於就用呢張肥太太相啦。（兩年前既今日我係人生中最瘦，兩年後既今日就岩岩相反，好諷刺呀😓）

百吃不厭..火炭津津食家

我們這一家都很喜歡吃乳鴿..要吃傳統風味..首選仍然是火炭津津..來多次從來都沒令人失望..
近年家姐養了小狗阿boo..我們來的機會相對更多了..因很多食肆都不招呼小狗嘛..我們很想見到阿boo..所以就大家就佢啦..當然重點要'津津'真的好吃啦..哈~

我們每次都'眼闊肚窄'的..但每次都會叫得很興奮..哈哈..
六個人就叫六隻乳鴿..十個人就叫十隻..沒錯..是癲的..明明明知每次都會吃不晒..但就是每次都會這樣叫..因為多了的我們會拿走嘛..我老公最喜歡回家煮乳鴿出前一丁..太招積..就是因為這樣..次次媽咪都說要叫多些..

  

乳鴿
不得不讚..'津津'的炸乳鴿真的非常出色..即叫即炸..無論原隻..開邊..還是斬四件..每種食法都是 原汁原味..熱辣辣送上..當然你不能夠要求每隻的質素都一模一樣..不過暫時吃了這麼多次..我的家人都沒投訴..即使行過隔離食肆都有叫我們幫襯 的..但我們從未動搖過^^證明仍然很滿意~

 

雞粥
hee^^火炭孖寶..乳鴿和雞粥每次都必點的..雞粥入口很綿..雞件亦很滑(當然除了雞胸啦)其實我覺得雞粥要煲得好吃應該不難..自問都煲得不錯..哈..

 

脆皮炸大腸
感覺很不健康..但又很好吃的食物..哈..平時沒機會吃嘛..一次半次大伙兒吃..沒所謂啦..新鮮 熱辣的上菜..真的令人很難抗拒..外皮脆..豬腸的肥瘦適中..不會炸至很硬..配上甜酸醬..真的百吃不厭..一碟大大碟..抵過在街邊檔吃呢..' 津津'最好就是什麼都是熱辣辣的..太易令人吃不停口~

蠔餅
認真..真的不好吃..不要叫..很多地方都做得比這裡好..

 

芝士鮮魷伊麵
平時芝士龍蝦伊麵大蝦伊麵都試得多..芝士鮮魷伊麵真是第一次試..
上碟看見'白濛濛'..感覺不太討好..好像覺得沒什麼味道似的..哈~
但入口又是另一回事..入味非常..伊麵每條都沾滿芝士汁..掛汁能力很好~
鮮魷大大件..易咬不韌..掛汁力都不錯..當然..為健康著想..每人吃一件起兩件止就最好啦..

 

脆皮炸豆腐
這個不得了..喜歡香口又喜歡豆腐的一定要叫..記著是脆皮炸豆腐..不是椒鹽豆腐..不要叫錯..完全是兩回事呀~
這個每次來都必叫..每次都是熱辣辣脆卜卜的上檯..一開始看見它的鮮黃色醬汁..的確是覺得怪怪的..好似很色素..但蘸下你會發覺一定要蘸才會最好吃..感覺有點似西檸汁似的..
炸豆腐外皮炸得脆脆..半點膩感都沒有..而內裡的豆腐仍然keep得嫩滑..實在吃完一件很想再吃..
我從來都覺得..炸的食物在街上吃最好..只有街上吃的..才可得到脆而不膩的效果..在家炬醫西..一來要用很多油..二來始終沒有大師傅級廚藝..不懂最後迫出油份就會變到很油膩..

現在基本我們一年都會去幾次'津津'^^好似一家人飯堂一樣..哈..因為我們都太愛這裡的乳鴿了..
最近一次去..已經是三十六周的大肚太太了..那裡的員工對我都特別細心..一出一入下下都叫我小心..
又好味又有人情味..所以我一家都經常會來啊..第時都要教阿b食乳鴿先^o^

津津食家

地址 : 火炭山尾街東熟食市場
電話 : 2691 2660 /2697 3635

好吃又充滿驚喜..蛋糕以外的不錯選擇..外賣'季季紅'禾米豬

每次屋企人生日總會為大家慶祝..但次次切蛋糕又好似有點悶..
特別是for媽咪嗲地..我會希望特別一點..始終他們年紀都大了..養到我們這麼大..在特別的日子給他們驚喜我覺得是應該的..而且..我很喜歡帶一些特別新事物給他們..好讓他們知道這個社會多一點..即使和朋友傾計都可以多些話題嘛^^
我們小時候..父母努力地養我們..氹我們..現在倒轉輪到我們令他們開心..天公地道呀..

  

之前試過自己整蛋糕..訂生果花藍..切火焰牛膝..今次決定和媽咪生日切燒豬^^(開張大吉一樣..哈)
季季紅最出名就是它的禾米豬啦..之前在酒樓都吃過..外賣真是第一次..其實都好驚要送貨..未能第一時間吃..外皮變得'un'不脆..坦白講..今次真是博下..慶幸'季季紅'沒令我失望..亦多謝它令媽咪很開心..有驚喜同時好吃..媽咪收到很開心呀..

只要三日前上網訂..visa卡過數..說明要求送貨時間..驚喜就可送上..真是超級方便..
我 訂了普通版本..hkd 620..坦白說..這隻禾米豬份量可不少..十至十二人都夠吃呀..當然如沒這麼多人..吃不晒的..還可以留下的..之後再'波'熱吃..我覺得仍然 好味..當然一定沒之前的皮脆啦..但..味道仍然不失禮呀..我沒有訂特別生日版..因我覺得那些慶祝配件有些醜樣^^..這一點..或者'季季紅'應 該檢討一下..^^隨包裝附有較剪..手套..充足乳豬醬..即使在戶外都一樣可處理到.. 

 

那天收到'禾米豬'後..我們未齊人..所以都未即時切..等了差不多個多小時才'切生日豬'..起初我都擔心..放久了..會不會凍了?會不會皮不脆呢??會不會很不方便等等..

 

結果告訴我..一切擔心都是多餘的..估不到..個多小時後才切..'禾米豬'仍然皮脆肉嫩...豬身內的豬油完全浸透到每一粒米飯內..而又沒有很油膩的感覺..是整體全部每一部份都很好吃..真的沒有不好吃的部份呢^o^

 

最開心 是..使了錢..又得到令媽咪開心的效果..然後食物又好吃..簡直是win win win呀^o^..我們把媽咪剪禾米豬的相片上載到fb..很多人都說我們肯花心思替媽咪慶祝..氹得媽咪多高興..哈哈..人老了求什麼..就是仔女多 多陪他們..對他們有心..父母就最開心了..

 

當然媽咪只負責開頭剪綵影相啦..哈哈..之後由弟弟負責解決'禾米豬'^o^

如欲訂購可到以下網址訂購 :

http://www.redseasons.com.hk/shop/

 

假味蕃茄湯底??甘味讚岐手打烏冬

相約好友陪我於吉之島買阿b用品..自大肚後..和朋友們出街都是我話事吃什麼的..哈..大家都對大肚婆非常遷就啊..
屯門其實我不太熟悉..

​我想吃有湯類食物..朋友話'甘味讚岐手打烏冬'的蕃茄湯超正..一於試試啦..um..

鐵板牛柳粒蕃茄湯讚歧烏冬   hkd 68
我覺得湯底的蕃茄味有點假..是因為黎自大量茄膏嗎??我自己在家煲蕃茄湯..即使有落蕃茄醬..味道都不是這樣的..但在家就一定沒有落茄膏..這裡的湯底有點假蕃茄的感覺..可能有人很喜歡..但絕不是我杯茶..

 

​湯底不好味..自然影響整碗烏冬的感覺..烏冬亦不覺特別彈牙..吃了幾啖已沒興趣再吃下去..鐵板牛柳粒尚算嫩口..不過配了在我不太欣賞的湯底內..所以..再好吃都沒太多心機吃了..​

 

黑椒炸雞軟骨   hkd 32
我是很喜歡吃雞軟骨的人..難得這裡炸得脆而不乾..黑椒更添惹味..

胡麻椎山豚肉便當   hkd 93
這是朋友仔的便當..我只吃了她的豚肉部份..因大肚太太不要吃生冷野嘛..
豚肉肉質嫩口令人滿足..這便當份量其實兩位女生share都夠呢..

 

紫菜炸魷魚酥(跟餐換購價)   hkd 13

我其實很喜歡吃香口食物..所有炸物我都很有興趣..不過炸物很麻煩..炸得好就吃不停口..炸得不好就..吃一口就會停..這個魷魚酥不好意思..實屬後者..好彩只是換購價..否則又是浪費金錢了..

um..這裡的食物質素實在有點參次..你說它很差又不算..但..你說它好就肯定不是..或者..都是要看看運氣才可吃到好東西..

甘味讚岐手打烏冬

地址 : 屯門屯隆街3號屯門市廣場一期3樓3205號舖

電話 : 2618 7499

頭盤特別出色..BEL CIBO Restaurant

大肚子五個月後..的確較少約朋友飯聚..隨著肚子越來越大..真的比較論盡..如不是有自己人在身邊..我都盡量少出了..費事要朋友對我特別照顧嘛..難得這夜有弟弟陪我..當然要見下朋友仔啦..人多就可以吃多些款..我最喜歡(我一向眼闊肚窄>~<)

  

​BEL CIBO Restaurant​

 位於厚福街的H8..全幢差不多都和吃有關..之前都在其他樓層吃過日式放題和牛肉包..說回這裡..大肚太太七點多已經很肚餓..餐廳很快就先來了幾個頭盤..

 

海鹽燒牛舌   HKD 78
份量十足的厚切牛舌..煎得又香帶點微脆邊..我自己非常喜歡..賣價只是78..我覺得相當抵吃..吃完一塊很想再吃..不過要留肚吃之後的餸嘛..我忍..(自有阿B之後,,最放肆就是吃牛了..拿正牌要吸收豐富鐵質嘛)

 

香芒鮮蝦塔,野菜沙律   HKD 88
香芒鮮蝦塔部份非常鮮甜..起初我都有點驚芒果會酸..哈..其實大肚太太不宜吃芒果..但餓了芒果太久了..吃一點點不怕啦..相比之下野菜沙律就被比下去了..

 

蟹肉芝士釀焗牛油梨   HKD 88
充滿驚喜而且覺得很好吃的頭盤..好味道這回事很主觀..我自己很喜歡吃牛油果..無論軟硬我都喜歡..所以這道菜配上濃度適中的蟹肉芝士我覺得非常好吃..但不喜牛油果的就會變相反了..

 

 黑松露醬煮原隻鮑魚   @HKD 42
每人一隻黑松露醬煮原隻鮑魚..一上檯已聞到香濃黑松露香..配上有嚼感的鮮飽魚..效果出奇的夾..不過略帶微暖上檯不知是否特別安排呢?我覺得如果熱一點上檯會更香..

 

西蘭花藍芝士濃湯   HKD 58
弟弟點了這個..入口濃郁的藍芝士香味令人很滿足..不過這類型的湯..我覺得和別人share最好..因始於芝士部份較濃味..很易頭幾啖就好好味..喝多兩啖就太多..會覺得膩..所以最好share就又好味又剛剛好..

 

洋蔥湯   HKD 48
我誤會了是法式洋蔥湯..所以上檯時的確有點失望..一個普普通通的洋蔥湯吧..我覺得較適合時刻keep fit的女士們..味道沒什麼特別..很清..不過不失啦..

 

香焗牛膝   HKD 788
這 個上檯前真是氣勢十足..侍應先會推至你的檯旁，然後點火，我覺得應該叫火焰牛膝會更適合..哈哈..叫這個還可以順便和朋友慶祝生日呢..邊點火邊唱生 日歌..氣派非常^^又夠新意..熄火後..侍應把牛膝拿回廚房幫我們切好再上檯..分量可不少呀..六至八個朋友吃都足夠有餘..肉嫩多汁..原來牛膝 肉都幾好味..之前我從未吃過呢..

 

香煎日本水飼豬扒   HKD 218
聽店員說日本水飼豬是靠吃流質食物和礦泉水養活的..我聽後第一想法..那隻豬一定不會肥啦..結果煎出來果然肥肉不多..肉質與平時的豬比較偏'淋'身 ..但又吃得出不是加了'鬆肉粉'的效果..不過我自己略嫌它瘦了點..可能我較喜歡吃有點肥的豬扒吧..

 

松子仁野菌薄餅   HKD 148
香脆十足的素pizza..極喜歡它的脆餅底..加上全菌上陣..令人放肆吃都不怕..有別於平時吃pizza後的罪惡感..配上有咬感的松子仁多了一份層次感..

 

沙巴翁朱古力黑炭球   HKD 78
um.. 上檯時沙巴翁部份已呈溶化狀態..無知的我以為只是普通忌廉..所以完全沒有吃這部份..朱古力黑炭球外層由可可粉重重包圍..內裡好像朱古力雪糕包著雲 呢拿雪糕..冰凍而又不會溶化得太緊要..是入口剛好的程度..我是雪糕精來的..基本上..什麼雪糕我都喜歡..不過若朋友們不是勁fd的話..可能叫 多一兩份會較好..因會吃太多口水尾了..哈哈哈..

 

朱古力沙冰   HKD 42
入口香濃又夠冰凍..令人喝得滿足..絕對能滿足朱古力迷..(無奈就是冰凍..喝了幾口..弟弟就不再給我喝了..大肚太太不能吃太多生冷東西呢..)

這裡的食物質素著實不錯..價錢大部份亦都大眾化..不過可能宣傳不夠強吧..晚間的人流不算太多..氣氛情調都ok..但亦因為夠情調..所以現場暗暗的..想影相影得好會比較難:p

BEL CIBO Restaurant
地址 : 尖沙咀厚福街8號 H8 12樓
電話 : 2321 2112​

不錯小店..抵吃又好吃..粉嶺泰皇悅

隨住個肚一日比一日大..如無必要..食飯都唔敢走得太遠..

多數都係屋企附近搵食..

 

最近'泰皇悅'係粉嶺開左分店..一於去試試..(

佢總店係上水)
同老公去當晚係星期日..要係出面等位..生意非常好..最吸引係..佢全日免收加一^^

 

我已經35周喇..開始要清胎痛..大條道理飲椰青..

超開心係..呢到椰青好抵飲..hkd 27..而家係超市買一個起碼都要hkd 17-20..但你要自己返屋企劈喎..你唔好睇少個幾刀..如果你係屋企唔係劈開..其實呢幾刀都幾考功夫同煩架..我之前整椰皇燉蛋白..要用菜刀先劈到..話難唔算好難..但一定係煩囉..所以..呢到椰青只收hkd 27..幫你劈埋我覺得好抵..椰青清甜又好味..希望佢係我生之前都唔好加價啦..我可以行過又入去飲嘛..^^

 

 

我地唔想煩..見二人套餐有菜有湯又有咖喱蝦..一於叫啦..

其實我都知大肚可能都唔太適合食泰國野..不過都係個句..'一餐半餐唔怕啦'

 

冬蔭公
份量相對細了點..夠香夠酸但不夠辣..不過不失~

 

馬拉盞炒通菜
份量不少..味道沒什麼特別..屬於不難吃就當好吃部份..

其實菜只要不老..好少會難吃吧^^

 

蝦餅拼香茅雞翼
蝦餅熱辣辣帶點脆..蝦膠打得彈牙..配上甜酸醬..

香口又有咬感..二人份量都不少呀..
雞翼惹味非常..連平時最怕吃骨的老公都覺得很好吃..

 

招牌咖喱大蝦配伊麵
上檯時..給份量嚇了一跳..二人份量都相當大呀..而且..

感覺有點新鮮..哈..很少泰國咖喱會配伊麵底吧..雖然明知好吃的..但平時在街真的較難吃到這配搭吧..
大蝦全都斬半..我們用筷子都可吃到..非常方便..黃咖喱夠香略嫌不夠辣..汁多配伊麵簡直一絕..其實配蒜蓉包和飯都不錯..不過我們只得二人..吃光伊麵已很叻了..

整體菜式都值得令你再來..價錢亦算大眾化..難怪在上水粉嶺都頗受歡迎..
普遍覺得這裡的菜式不夠辣..若多一點點會更好..

泰皇悅

地址 : 粉嶺聯和墟聯安街27號地下
電話 : 27282311

敏感肌都不怕..Avene 緊緻滋養孖寶

我發現大肚太太皮膚特別敏感..不只是臉..是整個人，臉、頸、手臂、手踭、肚皮、腳等等..平時塗面很多時都會唧多了就連頸都一併塗..結果試過頸即時勁痕..然後紅了幾天..

另外..早兩星期天氣剛開始有點涼..我的身體各部份已開始甩皮..真的很恐怖..未有身孕前絕不會這樣的..原來..大肚會令身體肌能一切都變..

(朋友們說是因為阿b開始搶我的營養..阿b若真的搶媽媽營養..記得要身上的肉都一併搶走呀..為了你..媽媽現在變了一隻豬>~<)

由於大肚期間皮膚這麼敏感..我實在不敢亂用護膚品..Avene 產品一向以加入抗敏溫泉水出名..聽到這裡我就放心使用..
都說過啦..驟為涼了點..我已經全個人都甩皮..實在需要加強滋潤我的中女皮膚..

  

今個初秋給我遇到 Avene 緊緻滋養孖寶..實在太適合不過~
Avene Serenage 緊緻滋養系列含針對性修護成分，能啟動肌膚自行修復機制，補充底層水分和增強肌膚防禦能力；讓肌膚回復緊緻亮澤。激活細胞再生，為肌膚源源不絶注入營養。

Serenage 緊緻滋養精華   hkd 430/30ml

主要成分 : Hyaluronic acid fragments 透明質酸微粒、Glycoleol 植物性脂質合成因子及 Avene 抗敏活泉水
不含 Paraben 類防腐劑..敏感肌都可放心使用..

 

簡單不花巧包裝令人感覺專業..cream 狀精華..塗上面即時感覺滋潤..由於我比較大面..每次都會唧三下才夠塗勻全面..所以我覺得使用速度相對較快..

 

帶極輕微香味..由於質地帶滋潤..雖然我是混合性偏乾皮膚..即面頰較乾..但每次塗抹後..我都必定會待它徹底吸收..才會再塗其他面霜..如果你是油性皮膚要特別留意了..
雖然是帶滋潤成份..但質地都算易推滲透快..不會令人有厚厚的感覺..

 

Serenage緊緻滋養晚霜   hkd 390/40ml
成份除了和緊緻精華一樣..蘊含 Hyaluronic acid fragments 透明質酸微粒..Glycoleol 植物性脂質合成因子及 Avene 抗敏活泉水外..
更加入精氨酸、三酸甘油脂、乳木果油、牛油果油..
同樣不含 Paraben 類防腐劑..敏感肌都可放心使用..

 

唧咀設計..道理上方便衛生..但不知何解我經常會唧到有部份遺留在唧咀底部??
晚霜每次我會唧兩下塗勻全面..塗後面部即時感到有養份滋潤..之前單塗精華..待滲透後..面頰都會有少許覺得不夠潤的感覺..

 

當再塗上晚霜後..面頰就感覺到有保護膜一樣..滋潤的感覺令人感覺幸福^^飽滿而又充滿光澤..看上去都不會太老吧..
皮膚老化真的令人又擔心又唔開心呀~

 

不是講笑..一來我已屆中女..二來陀b的日子真的不是我原先想像般簡單..
起初以為自己都陀得不錯..頭3個月都沒有嘔..除了腳腫和去不到便便外..大致都精神奕奕..在什麼療程都不能做情況下..皮膚都沒有變得太差..
怎知踏入後期..即大約32周後..辛苦的感覺就湧上來了..時刻的腰骨痛..加上因阿b責著膀胱..令我不分晝夜都經常要去洗手間..晚上根本訓不到..隨之而來當然是皮膚變差啦..
是真的看得見毛孔大了..光澤感少了..一切都老了>~<
現在我已經34周有多..距離阿b出世還有5周多..說長不長..說短又不短..希望這期間一來可盡快適應..令我可以'有覺好訓'..配合有效的護膚品救一救我的皮膚..令我不致太殘..
否則阿b出世後..我應該更加'無覺好訓'..到時再好的護膚品都救不了我就慘了..

**產品和資料均由品牌提供..
人人髮質不同..感受與效果有異..實屬正常..
如對產品感興趣..可到以下網址作進一步瞭解 :
http://www.eau-thermale-avene.hk/
https://www.facebook.com/Avene.HK
 

愛吃榴槤請進..綿綿冰

和老公吃過'阿龍咖哩'就連隨找找甜品吃..我認我不是乖乖大肚婆..因為我為食..um..每樣吃小小不怕啦..要十個月都不能吃喜歡的..真的很難呀..我已經不敢吃真正的一舊舊榴槤..揀了吃榴槤甜品..

 
榴槤飄香   hkd 42
我覺得是榴槤西米露..其實只要榴槤夠靚..要令這甜品好味應該沒難度..
西米露底應該有用榴槤蓉用mixer混合過的..所以除了有大大舊榴槤肉外..西米露底都帶有榴槤香..正..

 

榴槤層層疊   hkd 38
千層班戟皮配上香濃榴槤忌廉..若要比較..我覺得'沛公'較香濃好味和香滑..不過這裡的都不失禮..吃過晚飯再吃這個其實有點heavy..不過如喜歡榴槤的朋友..絕對應該一試..最多和朋友share吧..

綿綿冰
地址 : 佐敦吳松街11號
電話 : 2782 6238

鋪名太囂張了..'不吃不可'

自公司搬到屯門..加上我大肚..lunch自然會周圍搵食..以前未有身孕..下晝很多時乾糧就算..但現在我不吃..阿b都要吃嘛..

 

 每間對我來說都新鮮..所以隨便找間就進去..來到'不吃不可'..心想名字改得這麼巴閉就試試啦..
下午茶時間但沒有特別茶餐..單叫單點飲品..除非你叫大碗麵..即很多餸那種..但我一個人吃不下呀..唯有單點啦..

 

我叫了豬腸 + 魚皮餃 + 米線 + 秘制咖喱汁 hkd 22..

 

上檯我覺得很細碗..雖然我大肚..但平時一定不能吃光全碗的..但這碗我可以..
餸和米線部份沒什麼特別..不過不失..秘制咖喱汁的確是相當惹味..不過又未致於好吃到一定會再來..

整體來說..我覺得來一次就夠..絕不是鋪名'不吃不可'這麼厲害..加上師奶仔的確介意..下午茶時間沒茶餐價吧..假如我在這裡又吃又喝..就要hkd 3x - 4x..以一個街坊區的下午茶時間來計..成本太高了..(而且我女人仔都只是剛剛好..大男人一定不夠飽啦..)

不吃不可
地址 : 屯門新墟德政圍