最後決定mee wedding..
其實本身我係鎖定左4間既..Anovia..新婚情報..mee wedding同charming image..
Anovia同新婚情報..衫靚..但價錢偏貴..mee wedding衫靚..價錢較易接受d..charming image..價錢平..量多..
我取中庸之道..第一間book左mee wedding睇睇先..
我琴日約左mee wedding..1800...三點幾唔知去邊好..
即管試下去百利睇下..好好彩charming image竟然可比我1630試衫..
一入charming image我已比其中一件橙粉紅吸引住..試左上身都好滿意..
然後我揀左另一件黃x紫既試..普普通通..感覺佢地d衫其實幾熟口熟面..即好似婚禮..或者網上人地結婚時都見過..
證明佢地都幾多人幫襯..
我認..人就好衰..我真係會諗..我想租d感覺fresh d..唔好咁熟口熟面既衫..
charming image既衫都新淨架..但就係太熟口熟面囉..我覺得..
然後上左4樓試婚紗..我生得矮..所以一直都打算唔拖尾喇..驚會仲矮d嘛..
但佢地話其實可試下..因為始終拖尾隆重d..同埋著左高跟鞋..應該都ok..
我無頭緒試咩款..我係好講眼緣既..一睇落去覺得ok..就係ok架喇..
但我認.我睇相既婚紗..感覺唔到有試既衝動..
然後charming image既candy都好好介紹左比我試..
試後..都係無乜特別感覺..雖然我都唔想睇太多間..越睇越心多..
但我都唔甘心話睇第一間..就算無感覺..都懶到求其決定..
始終係人生大事..我好貪靚..無論點,..我都要自己個晚靚..
話晒..好多人會係見完我個晚之後就無乜機會見架喇..我唔想係人地口中話阿邊個個老婆好醜架..唔制..
試完3件..charming image既candy同kaki都有同我講個plan..但我話我想冷靜諗諗先..
始終呢到都係我第一間試既..雖然我都想快d決定..(我心知自己六點約左mee嘛..緊係試埋先..)
離開charming image時1730..好快就搵到mee喇..1740照上睇下可唔可以比我地入啦..
好彩..入得..坦白講..mee既格局會近返我要求既心水..似左'浪漫一生'既感覺..
最衰浪漫一生只做影相..無得外借衫..如果唔係..我一早一條龍搵佢地就算..因為我都ok佢地既衫^^
上到mee..感覺係良好既..但到睇i-pad既相時..都驚唔岩自己..因d相model都好鬼高..人地緊係著得靚啦..
揀揀下..jessie話原來有d晚裝係未影相既..佢揀左件黃綠色..個款好特別既比我試..
好喇..試左婚紗先..一試上身我同男友都好鍾意..
無得呃架..一試上身自己見到會對住塊鏡笑.,.已經有晒答案啦..我..好衰..好信自己感覺..
再試件晚裝..我自己真係鍾意喎..有種著左上身唔想除既感覺..
哈..我個心已經決定左係mee喇..已經唔使再諗之前了..
我件婚紗係拖尾..我知一定要加..而且應該唔會加得少..但..都唔理喇..
講過啦..一定要靚嘛..哈...
結果..好快手join左喇,,hee^^初步hold左頭先試既婚紗同晚裝..
今個月29號就要第一次揀衫喇..
因為我11月30結婚個段時間既前前後後都係好多人結婚..要快d hold衫先得呀..
好開心呀..終於揀左租衫地方喇..希望黎緊可以揀到件件著得我又瘦又靚既衫啦..瘦..我好需要呀..
好開心..男友會話,,.最緊要你鍾意..貴d都ok啦..hee^^
要final fit先影得相..所以..無相睇呀..