係'francfranc'見到棵好靚既聖誕樹....但唔可以係鋪頭影相嘛...無辦法啦..
諗住上網站搵下有無相...結果...只係搵到掛係個棵樹上面既波波..激死
雖然得個波波...但都好靚架..你地睇下
成棵樹只係由呢兩隻色既波波..同埋旋轉型既膠片組成....但..真係好鬼靚架....不過好貴呀
大個棵要港幣4,520.00...細個棵要港幣850.00...咁貴..如果有一棵再細d..應該會平d...但...無呢
我想要一棵可以放係書檯上面..但呢兩棵都太大喇...
上到網站..搵唔到係鋪頭睇中個棵聖誕樹....但又發現左以下呢隻聖誕樹仔喎...呢棵..係鋪頭我又好似見唔到喎...紅色個棵都唔錯丫...不過都係由樓上個隻波波組成個棵靚d....
樓下呢款其實都幾得意..d波波入面有液體係到架....我鍾意佢個構思..但我唔鍾意隻色紅綠白...唔知呢..係棵樹上面..呢三隻色感覺上都唔靚但個款..係ok架我覺得....
等我努力d搵下係鋪頭個棵樹既相先...真係好靚架....
點解佢個官方網無post出黎架?唔通只得香港有得賣?
咁貴唔捨得買..搵到幅相都好丫....postcard丫..都好丫