最近我既生活..就係'the biggest loser'同埋'pet society'...^^
真係完全沉迷個隻..唔使人講..我自己知架...
自從上星期日無意中比媽咪發現'hallmark channel'做緊'the biggest loser'之後..
個晚我地一次過睇返5集..
岩岩過左既一星期我就晚晚七點準時睇..每晚都睇到好肉緊..(好似自己有份參加咁..)
每晚睇完又好期待聽晚究竟又會發展成點呢?
上星期上網知道原來我睇緊既呢輯..己經係05年時發生架喇..(嘩..幾耐..)
雖然係幾年前既事..但..都無損我繼續追睇既心情..我仲忍唔住上網睇埋結果邊個贏添..
我唔係個d睇完結局就無心機睇既人..只要係吸引既...知道結局我都一樣睇得咁投入架喎..
而且..呢個show好睇在就係入面既過程嘛..好傻地..晚晚見住佢地感覺好似係自己朋友咁..哈哈...
明明真係唔關我事..但..我知道左真係好開心喎..我仲即刻話埋比媽咪知^^
第一名個個男仔我覺得佢好好仔架...不過佢瘦左我反而覺得佢無咁可愛..
第二名既Seth..肥個時其實都幾靚仔...瘦左之後..我開頭仲認錯佢係幫佢地減肥個個健身教練呀..
哈..我不嬲認外國人都好差..其實..大部份外國人我都覺得係靚仔同靚女架..好少有唔靚(我覺得)
上網其實搵到好多其他季既'the biggest loser'架..但..無字幕..我真係睇唔掂.(都怪自己英文唔好啦)
希望做完第二季..hallmark channel會繼續播埋其他啦..
不過我信我自己始終對第二季既人有感情d...就好似之前睇'超級星光大道'咁..
明知'楊宗緯'係唱得好好...但我會留意第三季既參賽者多d..因為第三季我係追住台灣同步咁睇嘛.呵呵..
抽'?'箱..每星期既新野..整靚間屋..每樣野都令我好期待..
雖然'playfish'出左新game..'restaurant city'..但我暫時都係鍾情pet society多d..
可能d公仔可愛d啦..而且..玩一個game己經令我好忙..暫時我兼顧唔到咁多住..哈
每次我投入做d咩..我身邊既人都一定知..因為我慣左同人分享..我覺得好既一定要話比人知先得架..哈
