胃痛到傻

前兩天上了廣州,感覺比想像中好...
昨晚凌晨3點幾先返到屋企...累死人了...
今朝返到公司好眼訓呀...
到lunch既時候我開始覺得有d胃痛...
點知食埋藥都無用....痛死我喇..
太痛了....所以決定早走返屋企睇e生...
或者真係要休息多返少少了...

這幾天發生了好幾件事,諗了好多野....
著實令我有點不知所措?
究竟點做先係最岩?我有點亂....
是否盡了力就可以?

不想妥協

我唔想妥協呀......又係你地要我學識愛自己...
又係你地叫我唔好做一d自己根本唔想做既事...
但係..今次我既堅持...點解又要比人嘈?
你話你無唔公平,你話你無偏心,你話你無對我特別要求高...
但事實話比全世界知....你係有呀...
細個時,的確我真係覺得你偏心...但大個左之後..
我真係無再咁諗...我仲同自己講...
'唔緊要啦...我最錫我既屋企人,只要佢地開心,做多d都無所謂...'
就係因為咁...所以從來我可以做到的...我都唔會唔做...
即使全世界都覺得我寵壞你地...我都同自己講...
因為我錫你地,所以我先會寵你地,
係我自己揀,係我自己自願架...
我明知你係持住我錫你地,所以食住我...
你係我媽咪...就得幾多咪幾多囉...我都係想你開心之嘛...
但係...其實我都會有累既時候架..你明唔明?
好認真咁話你知...琴晚既事,我真係好唔開心...
你可唔可以真係對我公平少少?
佢地平時做唔到時,你最多都只係係我面前呻下...
你連係佢地面前講都唔會...但我呢?
你見到你自己既反應架?或者你會話因為你認為我一定唔會逆你意,
我一定會做到你想要既結果...所以今次你既反應咪咁大囉...
大佬呀..你可唔可以企係我呢邊睇下?琴晚你講既說話其實真係令我覺得有d痛心的...
我知自己都講左d令你唔開心既說話...
但係.....我真係好想你知道,其實我都有我既感受,
只不過平時我真係會理左你地感受先,最後先理我自己...
出發點只得一個 - 只因我愛你們...
我唔係特別偉大..我都係從心做事...
因為我錫你地,所以好自然諗左你地先.就係咁簡單...無其他原因架喇...
身邊係有好多人同我講我太錫你地...
但我知自己做緊咩咪得囉...
係架..我都知我寵壞晒你地架...你試下係第二d人丫..我啋佢都傻...你知架...
你成日同我講能者多勞....是但啦...做得到的..我一定盡力的...根本無變過...
你如果覺得我有時太硬頸既話...其實我好想同你講...我係你教出黎....
我咪就係你既縮影囉....其實你比我更甚呀..你知唔知?
琴晚你喊住咁話我,坦白講..我都唔好受架...我自己都好唔開心架...
但講真丫...我真係唔覺得係我錯架...只係你真係對我特別要求高咋...
連細佬今朝都打比我講...琴晚我都想幫你..但......

點解永遠都要我妥協喎>~<

我不是鐵人

我唔係鐵人,我都會累的...
的確我承認我係一個唔鍾意無野做既人,我係唔鍾意懶,
但咁唔代表我時時刻刻都係充滿力量...我都會累...我唔係天生鍾意做做做...

唔開心唔開心唔開心呀>,<
個個你都會體諒...我就做少一次都要比人鬧?